Blloku Bota

Ish-kreu i Pakistanit, Pervez Musharaf, që erdhi në pushtet në vitin 1999 përmes grushtit të shtetit, është dënuar nga një gjykatë e vendit me vdekje. Gjykata ka konstatuar se Musharaf ka shkelur nenin 6 të Kushtetutës, kosntatim që siç thuhet ka ardhur duke shqyrtuar dëshmitë, argumentet dhe faktet. Vetëm një prej gjqytarëve ka votuar kundër dënimit me vdekje nga tre anëtarë që ka trupi gjykues.

Miratimi nga Senati amerikan i një rezolute përmes së cilës SHBA njeh genocidin armen, ka provokuar tensione të reja, të përsëritura me Turqinë.

Presidenti turk, Recep Tayyip Erdogan citohet nga mediat turke të jetë shprehur se kjo lëvizje e Ëashingtonit do të ketë kundërpërgjigje. Një ndër masat që Erdogan ka paralajëmruar është mbyllja e bazës bërthamore të Incirlikut dhe të Kureçikut që është bazë radarësh.

Drejtori Ekzekutiv për Shqipërinë në Bankën Botërore, Patrizio Pagano thotë se institucioni në fjalë është gati të lëvrojë 100 milionë dollarë që do të përdoren  sipas prioriteteve të qeverisë shqiptare. 
Duke folur për Zërin e Amerikës për pasojat e tërmetit të 26 nëntorit, Pagano ka nënvizuar pasojat e tij. 

Presidenti serb Aleksandër Vuçiç ka deklaruar sot në një intervistë për gazetën greke “Kathimerini” se Beogradi është shumë i interesuar dhe po lobon për ndërtimin e hekurudhës Budapest-Pire që kalon përmes Beogradit, Shkupit dhe Selanikut në vijën e dikurshme strategjike të komunikimit të Europës Qendrore me Turqinë dhe Lindjen e Afërme. Vuçiç ka sqaruar se Serbia ka zhvilluar bisedime për këtë temë me palën kineze dhe zyrtarët europianë, ndërkohë që ka shtuar se ka patur presione për shkak të marrëdhënieve që Beogradi ka me Kinën dhe Rusinë.

Lëvizja diplomatike e Turqisë në firmosjen e një memorandumi me Libinë, ka provokuar shqetësime në Europë. Përveç Greqisë që është vend që preket drejtpërdrejt nga marrëveshjet detare në Egje, Egjipti, Qipro, por edhe BE dhe SHBA kanë kërkuar nga Ankaraja që të heqë dorë nga ambicie të tilla. Në fakt asgjë nuk ka ndodhur. Erdogan ka mësuar të notojë në koniunkturën e ngatërruar të Perëndimit që po e shfrytëzon pa asnjë lodhje.

Një gazetar do të garojë për president në Poloni. Mediat e këtij vendi raportojnë se Szymon Hołownia, gazetar i njohur dhe me pronësinë e një televizioni privat ka bërë të ditur se synon drejtimin e shtetit përmes garimit në zgjedhjet që mbahen vitin që vjen. Ai zbuloi ambiciet politike në një takim të mbajtur në Gdansk ku ka deklaruar se sistemi politik i Polonisë me dy siç i quajti ai “fise luftarake” ka mbërritur në fundin e vet.

Finlanda ka vendosur së fundmi një lloj rekordi statistikor. Ministrja e Transporteve,  Sanna Marin është zgjedhur kryeministre e vendit dhe është vetëm 34 vjeç. 
Paraardhësi i saj, Antti Rinne dha dorëheqjen në datën 3 dhjetor për shkak se pesë aleatët e tij i hoqën besimin. 
Marin është aktualisht drejtuesja më e re në botë krahas kryeministres së Zelandës së Re, Jacinda Ardern 39 vjeç dhe kreut koreanoverior, Kim Jon-un që thuhet se është 35 vjeç. Sfida e moshës për Marin vjen nga austriaku Sebastian Kurz që mund të bëhet sërish kryeministër në fund të dhjetorit. 

Fondacioni “Bertelsmann Stiftung” ka publikuar së fundmi Raportin e Indeksit të Drejtësisë Sociale që jep një panoramë të shpërndarjes së mirëqeverisjes në vende të ndryshme të botës. siç mund të pritej listën e kryesojnë vendet nordike, Islanda, Norvegjia, Danimarka, Finlanda dhe Suedia. Pasojnë Hollanda dhe një vend nga Ballkani, Sllovenia që renditet e shtata.

Ministri i Jashtëm grek, Nikos Dhendhias ka shpallur mëngjesin e sotëm person non grata ambasadorin libian në Athinë, duke i dhënë atij afat 72 orë për tu larguar nga vendi.

"Me keqardhje po ju njoftoj se sot në mëngjes ambasadori i Libisë u thirr në Ministrinë e Jashtme dhe u informua për  dëbimin e tij.” deklaroi Dhendhias.

Tridhjetë vjet më parë, një valë optimizmi përfshiu Evropën ndërsa muret dhe regjimet binin dhe shoqëritë filluan të hapen, të integrohen në tregjet e hapura dhe të bëhen pjesë e një Evrope më të bashkuar.