Blloku Bota

Akuzat reciproke mes ShBA dhe Kinës për origjinën dhe fshehjen e informacionit për koronavirusin është shndërruar në çështje politike të nxehtë. Së fundmi ShBA u detyruan të heqin dorë nga akuza se virusi është krijuar në laborator dhe ka kaluar në akuzën se Kina fshehu të dhënat duke provokuar mijëra vdekje dhe dëme të mëdha ekonomike. 

Përballja ka zbritur edhe në forma të tjera. Në Kinë është realizuar një video e animuar që shpjegon dinamikën e ngjarjes përmes optikës kineze që mbyllet me ironinë për konsistencën e amerikanëve. 

Në Kosovë po zhvillohet një komedi politike që nuk ka të dytë. Behgjet Pacolli udhëtoi nga Zvicra në Shqipëri dhe mandej thuhet se ka dalë në Kosovë me makinën dhe nën kujdestarinë e presidentit Hashim Thaçi duke thyer rregullat e karantinës. 

Pas tri javësh mungese, lideri koreanverior, Kim Jong-un është rishfaqur në publik. Ai ka vizituar një fabrikë në Phenian, gjatë qëndrimit në të cilën është shfaqur i relaksuar dhe duke tymosur një cigare. Gjatë mungesës së tij u përfol sëmundja, por edhe vdekja. 

Gjykata Kushtetuese e Kosovës ka pezulluar dekretin e presidentit Hashim Thaçi për emërimin e Avdulla Hotit si Kryeministër.

Ndërkohë, edhe avokati i Ramush Haradinajt, Arianit Koci ka bërë të ditur përmes një postimi në Facebook se dekreti është pezulluar.

Ai ka thënë se Kosova nuk po mundet me një qeveri e jo më me dy.

Ditën e djeshme presidenti i Kosovës, Hashim Thaçi përmes një konferencë për mediat ka thënë se ka dekretuar Avdullah Hotin, kryeministër të Kosovës.

Situata në marrëdhëniet mes Kosovës dhe Serbisë nuk mund ta vazhdojë më. Ky është mendimi i ministrit të Jashtëm të Bashkimit Europian, Josep Borrell shprehur në një përgjigje me shkrim për deputetin e Fronit Nacional, Dominique Bilde. Lajmi raportohet nga media serbe B92, sipas së cilës Borrell mendon se status quoja nuk mundet të vazhdojë më sepse ushqen destabilitetin. Borrell është shprehur se BE-ja është e gatshme për të ndërmjetësuar një rinisje të shpejtë të dialogut dypalësh.

Me rasrin e ditës së 1 Majit, kryeministri italian, Giuseppe Conte ka shpërndarë një mesazh përmes të cilit njofton masat e lehtësimit, por edhe ka kërkuar falje për vinesat në pagesa ndaj shumë italianëve.

Sipas Contes qeverisë dhe shtetit italian i është dashur të kryejë sforcime ekuivalente me manovrat buxhetore të 2-3 vjetëve, ndërkohë që ka përmendur disa letra përmes së cilave qyetarë i luten të lejojë hapjen e aktiviteteve. 

Los Angeles në ShBA ka vendosur të ndryshojë strategji në përballjen me epideminë e koronavirusit. Kryebashkiaku Eric Garcetti ka deklaruar menjëherë pasi u njoftua rritja më e madhe ditore e të infektuarve se që nga këtej e tutje testimi do të jetë falas dhe do kryhet për të gjithë banorët. 

Presidenti Hashim Thaçi ka dekretuar Avdullah Hotin e LDK-së për kryeministër të Kosovës.

Sipas dekretit të nënshkruar nga presidenti, Hoti i propozohet Kuvendit të Kosovës kandidat për kryeministër për të formuar Qeverinë e Kosovës.

“Kandidati nga pika 1 e këtij Dekreti, jo më vonë se 15 ditë pas emërimit, i paraqet Qeverisë para Kuvendit të Kosovës dhe kërkon miratimin e Kuvendit”, thuhet në dekret.

Prodhimi i Brendshëm Bruto i Francës ra me 5.8% krahasuar me 3 muaj më parë dhe ky katërmujor është i dyti radhazi në rënie pas katërmujorit të fundit të vitit 2019 kur rënia ishte 0.1%. 

Kreu i Institutit Kombëtar të Sëmundjeve Alergjike dhe Infektive në ShBA, Anthony Fauci ka njoftuar në një takim në Shtëpinë e Bardhë me Presidentin  Donald Trump se testimet e medikamentit Remdesivir kanë dhënë rezultate pozitive në shkurtimin e kohës së rikuperimit te pacientët e prekur nga CoVid-19. Kompania Gilead që është prodhuesi lëshoi një deklaratë sot përmes së cilë deklaronte se ishte në dijeni të rezultateve pozitive. 

Në këtë kuptim, ndoshta bota ka tanimë një trajtim efektiv, ndonëse jo një kurë definitive apo një vaksinë.