Blloku Bota

Mendimi i mjekëve shqiptarë se virusi CoVid-19 ka qenë prezent që në shkurt në Shqipëri gjen një konfirmim të tërthortë nga Italia. Corriere della Sera shkruan se koronavirusi është identifikuar në Lombardi të paktën që në 26 janar 2020 dhe në këtë periudhë vlerësohet se ka patur 1200 të infektuar në zonë. Nga kjo datë deri më 21 shkurt kur u deklarua rasti i parë pozitiv në Codogno ka kalur një muaj fatal gjatë të cilit virusi është përhapur masivisht dhe pa asnjë kontroll. 

Në Kosovës është arritur marrëveshja qeverisëse që do të pasojë qeverinë e Albin Kurtit. Nën drejtimin e Lidhjes Demokratike të Kosovës do të jetë edhe Aleanca për Ardhmërinë e Kosovës e Ramush Haradinajt, që hyn kështu në qeveri me një partner që ka deklaruar heqjen e tarifës dhe të reciprocitetit. 

Media të ndryshme në SHBA raportojnë se të premten e kësaj jave pritet që të organizohet një grevë e madhe e punëtorëve të disa prej kompanive kryesore në botë, të cilat kanë fituar së fundmi në krizën e tanishme. Sipas këtyre raportimeve është krijuar një “koalicion i paprecedent i punëtorëve” nga kompani të tilla si Amazon, Instacart, Whole Foods, Walmart, Target dhe FedEx do të protestojnë para qendrave të punës me akuzën se punëdhënësit e tyre po përfitojnë në kurriz të shëndetit të punëtorëve,

Sjellja e politikanëve malazezë përfshirë presidentin e vendit, Milo Gjukanoviç është cilësuar si tradhëti nga ministri i Jashtëm rus, Sergei Lavrov. 

Teksa i është përgjigjur një pyetjeje të një studenti gjatë një lidhjeje video me studentë të Institutit Shtetëror te Moskës për Marrëdhëniet Ndërkombëtare Lavrov ndër të tjera tha: 

Lojërat Olimpike të Tokios, parashikuar për vitin aktual mund të anullohen. Aktualisht për shkak të pandemisë së koronavirusit, lojërat u shtynë për në korrik të vitit 2021, por sipas presidentit të Komitetit Organizator, Yoshiro Mori, nëse pandemia nuk vihet në kontroll deri në atë moment, atëherë lojërat do të anullohen.

Në atë rast, do të anullohen

tha ai.

Kjo më sipër është një hartë e përdorur nga media serbe B92 – që cilësohet liberale në Serbi – ku flitet për rastin sllovak të pandemisë së koronavirusit. 

7 tamponë dhe sërish pozitiv me CoVId-19. Zyrtarisht quhet i sëmurë, praktikisht nuk ka më asnjë simptomë. Ky është rasti i një kryebashkiaku në provincën e Kremonës në Itali, Diego Vairani që ndodhet në izolim për 49 ditë. Pra që nga 9 marsi kur rezultoi pozitiv nga tamponi i parë. Një dramë më vete jo vetëm personale, një pasojë e paparashikuar e një infeksioni që “nuk ka” rregull. Vairani thotë se jeton në izolim në shtëpi me bashkëshorten dhe vajzën. E shoqja rezulton pozitive me 8 tamponë, kurse vajza rezulton negative.

Presidenti i Kosovës, Hashim Thaçi, ka deklaruar sot se krimet serbe në Kosovë nuk do të amnistohen. 

Serbia ka kryer gjenocid në Kosovë. Ende nuk dihet për fatin e të pagjeturve, ka kryer mbi 400 masakra mbi popullatën civile. Ushtria serbe ka dhunuar gra shqiptare. Ata kanë dëbuar mbi 1 milion shqiptarë nga Kosova. Ky është gjenocid i pandëshkuar nga rrafshi ndërkombëtarë. Kjo heshtje ndërkombëtare nënkuptohet si amnisti për gjenocidin. Por nuk do të ketë amnisti, nuk ka paqe pa drejtësi

Jo çdo gjë i duhet nënshtruar shpëtimit të jetës njerëzore. Kështu mendon ish-ministri gjerman i Financave, aktualisht kryetar i Bundestagut gjerman, Wolfgang Schäuble. Në një intervistë për gazetën “Der Tagesspiegel”, ish-ministri thotë se vendimet në këtë situatë nuk duhen lënë ekskluzivisht në funksion të mendimit të virologëve. 

Jack Ma, miliarderi kinez i Alibaba është vënë në krye të ndihmës për luftën kundër koronavirusit. 

Një botë, një betejë, kjo është motoja e Ma që ka nisur të shpërndajë ndihma në 150 vende të ndryshme, sidomos në Afrikë dhe Amerikën Latine, përfshirë pajisje mjekësore apo edhe materiale të dobishme studimore nga përvoja kineze në luftën kundër CoVid-19. Një nga kapacitetet logjistike të Ma, shpërndarja e shpejtë më do cep të globit, mundëson që ndihma të jetë efektive dhe e dorëzuar nenkohë reale.