Blloku Bota

Në Korenë e Jugut janë konfirmuar 141 raste me persona të cilëve u është rishfaqur infeksioni nga CoVid-19. Për këta raste është thënë se janë ri-infektuar, por Qendra Koreane për Kontrollin dhe Parandalimin e Sëmundjeve e ka hedhur poshtë një mundësi të tillë.

Ekspertët e qendrës thonë se në këta pacientë ka një rishfaqje, një riaktivizim të virusit që për shkaqe të caktuara, kryesisht imunitare, krijon një gjendje fjetjeje.

Media të ndryshme po shkruajnë për atë që e quajnë seria e gabimeve kineze që i kushtoi botës pandeminë e tanishme. Kështu u bllokua çdo paralajmërim për të paktën 6 ditë që nga momenti kur ekspertët kinezë konstatuan se ishin në pragun e një pandemie nga një virus i ri. Nga dita një deri në ditën 7 kur Jinping bëri njoftimin dhe që përkon me datën 20 janar në Wuhan, u lejuan festimet dhe bankete me rezultat 3000 të infektuar. 

Presidenti amerikan Donald Trump ka deklaruar se do të pezullojë fondet për Organizatën Botërore të Shëndetësisë për një periudhë 60-90 ditore. Kjo periudhë sipas tij do të shërbejë për të rishikuar paralajmërimet e OBSh-së për koronavirusin dhe Kinën. 
Trump e ka akuzuar OBSh-në se ka keqmenaxhuar situatën dhe madje e ka mbuluar atë. 

Presidenti i Kosovës, Hashim Thaçi ka kërkuar për herë të tretë nga kreu i Lëvizjes Vetëvendosje, Albin Kurti, emrin e të mandatuarit për kryeministër të Kosovës.

Presioni diplomatik amerikan ndaj qeverisë së Kosovës ka rezultuar kundërproduktiv dhe mbi të gjitha ka qenë joproporcional. Kjo gjë kuptohet tanimë edhe në politikën amerikane ku ka zëra që të hiqet dorë nga kjo lloj diplomacie prej ramboje siç cilësohet ajo e ushtruar nga Richard Grenell, yesmeni i Donald Trump.

Drejtoresha e Qëndrës Europiane për Kontrollon dhe Parandalimin e Sëmundjeve Andrea Ammon, thotë në një intervistë për “Politico” se përhapja e koronavirusit vështirë se mund të ndalej. 

Nuk jam e sigurtë nëse ndonjë lloj këshille do ta kishte parandaluar. Ka vende që moren masa shumë strikte që në fillim dhe sërish janë në të njëjtën situatë si ShBA dhe Italia. Kështu që nuk jam e sigurtë se ka ndonjë gjë që mund ta ndalonte këtë

Kreu supreme i Republikës Islamike të Iranit, Ajatollaj Khamenei ka deklaruar gjatë një fjalimi mbajtur me rastin e lindjes së Imam Mahdi, deklaroi se Irani ia doli të vërë nën kontroll koronavirusin.

Përpjekjet e punëonjësve të shëndetësisë do të lënë një kujtim të mirë në mendjet e popullit iranian. Pavarësisht sesi u përpoqën të poshtërojnë kulturën islamiko-iranianendhe ta shtyjnë popullin tonë drejt stilit të jetës perëndimore, këto veprime treguan se mendimi dhe kultura islamike është e vendosur, e fuqishme mes popullit iranian

https://www.bbc.com/news/world-us-canada-52241221

Turqia do t’u kërkojë mediave sociale me trafik të lartë interneti të caktojnë atje një përfaqësues, i cili do të shqyrtojë shqetësimet e ngritura nga autoritetet për përmbajtjen në platformat e tyre. Lajmi bëhet i ditur nga agjencia Reuters, e cila disponon një kopje të draftit që do të shndërrohet në ligj.

Kompanitë që nuk respektojnë masën e re mund të përballen me përgjysmimin e bandës për 30 ditë pas urdhrit të gjykatës dhe reduktimin me 95% pas 30 ditësh të tjera nëse nuk merren masa.

Kryeministri në detyrë i Kosovës, Albin Kurti ka zhvilluar mbrëmë një bisedë telefonike me presidentin francez, Emmanuel Macron me të cilin ka diskutuar situatën e pandemisë, por edhe dialogun mes Kosovës dhe Serbisë. Zyra për shtyp e kryeministrit njofton se Kurti ka sqaruar masat e marra nga qeveria për përballimin e pandemisë, ndërkohë që ka shtuar se për sa i përket krizës aktuale në Kosovë, zgjidhje janë vetëm zgjedhjet.