Blloku Bota

Aleanca e Traktatit të Atlantikut të Veriut, NATO, ka bërë thirrje për hetim ndërkombëtar ndaj Rusisë lidhur me programin e saj për gazrat nervorë, ku përfshihet edhe Novichok, që thuhet se u përdor për helmimin e liderit opozitar, Alexei Navalny.

Qeveria ruse duhet të bashkëpunojë plotësisht me Organizatën për Ndalimin e Armëve Kimike për një hetim të pavarur ndërkombëtar. Ne po ashtu i bëjmë thirrje Rusisë që të vërë në dispozicon të gjithë dokumentacionin për programin  Novichok

Rritja e nivelit të detiti për shkaqe klimaterike po ndjek skenarin më të keq të mundshëm. Një studim nga universiteti i Leeds në Angli dhe Instututi Meteorologjik Danez vë në dukje pasojat katastrofike të kësaj prirjeje për Europën.

Një ndër bordellot më të mëdha në Europë, Pascha, ka falimentuar.  Mediat raportojnë se përfaqësuesit e bordellos 10-katëshe që ndodhet në Këln të Gjermanisë kanë aplikuar për procedurat e falimentimit që duket se ka ardhur për shkak të masave anti-CoVid të marra në Gjermani.

Kapëm fundin

citojnë mediat drejtuesin e bordellit.

Turqia dhe Greqia kanë vendosur të nisin diskutimet me ndërmjetësimin e NATO-s. lajmin e ka dhënë sekretari i Përgjithshëm i Aleancës, Jens Stoltenberg që ka njoftuar se ka zhvilluar biseda me liderët grek dhe turq.

Të dy aleatët kanë rënë dakord për diskutime teknike përmes NATO-s, për krijimin e mekanizmave për shmangien e konfliktit ushtarak dhe reduktimin e rreziqeve për incidentev dhe aksidenteve në Mesdheun Lindor

tha ai.

Një tjetër video e dhunës policore është publikuar në ShBA. Kësaj radhe bëhet fjalë për një 30 vjeçar me probleme mendore, i cili është ndaluar nga policia e New York më 23 mars të këtij viti, nxjerrë lakuriq në rrugë me duar të lidhura dhe ndaj të cilit është ushtruar dhunë dhe i është mbuluar koka me një qese. 

Zgjedhjet në Mal të Zi kanë provokuar ndryshime të mëdha në skenë politike rajonale.

Qeveria greke ka vendosur të ndryshojë procedurën e marrjes së nënshtetësisë. Qytetarët me kombësi të huaj që do të aplikojnë për nënshtetësi do t’i nënshtrohen një provimi me shkrim mbi gjuhën, historinë dhe gjeografinë e Greqisë. Ky kusht parashikohet nga një draftligj i depozituar së fundmi dhe që do të konsultohet deri më 10 shtator.

Komandanti i Khmer Rouge, i njohur si “Shoku Duch”, vrasësi kryesor i regjimit të Pol Potit dhe shefi i sigurisë që mbikëqyri vrasjen masive të të paktën 14 mijë kamboxhianëve në burgun famëkeq Tuol Sleng, vdiq të mërkurën. Ai ishte 77-vjeç. Kaing Guek Eav ose “Shoku Duch”, ishte figura e parë e Khmer Rouge, i cili dha llogari para një gjykate për rolin e tij që luajti në një prej regjimeve më gjakatare, i cili vrau të paktën 1.7 milionë njerëz, një e katërta e popullsisë së Kamboxhias, nga vitet 1975-1979.

Gazeta gjermane “Die Welt” shkruan se presidenti turk, Reccep Tayyip Erdogan ka synuar të provokonte një incident të rëndë me Greqinë në Mesdheun Lindor me synim mbijetesën e vet politike. Në raportimin e vet të titulluar, “Lufta e llogaritur e Erdoganit”, gazeta shkruan se Erdogan u ka kërkuar gjeneralëve të vet të mbysin një anije greke, por pa shkaktuar viktima.

Dritan Abazoviç, një politikan i ri shqiptar në Mal të Zi ka zënë titujt e parë të mediave shqip në rajon. 35 vjeçari i shkolluar në Sarajevë flet për Malin e Zi dhe jo për pakicat, duke zëvendësuar paradigmën e zakonshme, shqiptar për shqiptarët, sllav për sllavët. Ai duket se ka një rol për të luajtur pas procesit zgjedhor që sapo përfundoi në Malin e Zi dhe gjasat janë që të qëndrojë i patundur në qëndrimin e vet kundër presidentit aktual Milo Gjukanoviç.