Blloku Bota

Pulmologu serb Branimir Nestorović ka deklaruar së fundmi se një nga elementët kryesorë që ka të bëjë me pandeminë është rënia e përqindjes së vdekshmërisë. Në një intervistë për TV Prva ai ka dhënë mendimin e vet se nuk pret ndonjë katastrofë me sëmundjen e tanishme që krijon përshtypjen se ka vënë botën përpara.

Nuk pres ndonjë katastrofë, vështirë se mund të godasë sesa në fillim

tha Nestoroviç.

Rusia dhe Turqia do të nisin sot bisedimet për ndalimin e luftimeve në Nagorno-Karabakh. Sipas mediave turke, që e cilësojnë si Armëpushim, marrëvëshjen e ndërmjetësuar nga Rusia, takimi do të mbahet në Ankara dhe ai konsiston në sqarimin në nivel teknik të stacionimit të trupave armene dhe azere sipas paktit të para disa ditëve.

Komisioni Europian ka tërhequr vëmendjen ndaj vendeve anëtare të BE-së për respektimin e të drejtave të komunitetit LGBTQI. Në një intervistë për “Politico”, Komisionerja për Barazinë, Helena Dalli tha se vendet që nuk respektojnë të drejtat e këtij komuniteti do të humbasin fondet e Unionit.

Jam shumë e vendosur për këtë. Sepse është një mënyrë shpresojmë për të sjellë vendet anëtare në linjë duke u thënë “Ok, nuk ke për të marrë pjesën e fondeve nëse nuk respekton sundimin e ligjit”.

Paqja e ndërmjetësuar nga Rusia në konfliktin azero-armen në Nagorno Karabakh parashikon 11 pika të cilat janë bërë sot publike. Konkretisht marrëveshja e firmosur nga tre përfaqësuesit e përfshirë në diskutime janë: 

Armëpushimi hyn në fuqi në mesnatën e 10 nëntorit me orën e Moskës. 

Azerbajxhani dhe Armenia do të qëndrojnë në pozicionet aktuale.

Armenia dhe Azerbajxhani do të shkëmbejnë robërit e luftës.

Gazeta greke “Kathimerini” referon sot një raport të Departamentit Amerikan të Shtetit sipas të cilit vihet në dukje fakti se ShBA nuk njeh pretendimin  e Greqisë për hapësirën e vet ajrore. 

Sekretari amerikan i Shtetit, Mike Pompeo ka deklaruar gjatë një konference  për shtyp mbajtur në institucionin që ai drejton se pas rinumërimit të çdo vote të ligjshme do të ketë një tranzicion të butë drejt një administrate të dytë të Donald Trump.

Do të ketë një tranzicion të butë drejt një administrate të dytë të Trump…Ne do të numërojmë të gjithë votat...

Kompania “Amazon” e Jeff Bezos do të vihet para akuzave që rrjedhin nga legjislacioni antitrust në Europë. Akuzat janë ngritur nga Komisioni Europian, sipas të cilit “Amazon” ka përdorur në mënyrë të njëanshme të dhënat e palëve të treta në funksion të favorizimit të shitjes së disa produkteve. Hetimi ka rreth një vit që ka nisur dhe ndër të tjera është vlerësuar mënyra sesi përdoren të dhënat e palëve të treta edhe në funksion të ekspozimit të mallrave në të ashtuquajturat Kuti të Blerjes – Buy Box.

Mediat raportojnë se pas një muaji konflikti ushtarak, Armenia, Azerbajxhani dhe Rusia kanë nënshkruar një marrëveshje për ndalimin e luftimeve. Vendimi është njoftuar së pari nga kryeministri armen, Nikol Pashinyan dhe është konfirmuar më vonë nga presidenti azer, Ilham Alyiev.

Deklarata tripalëshe do të jetë një pikë kyçe në rregullimin e konfliktit

Presidenti i SHBA, Donald Trump ka shkarkuar sot Mark Esper nga detyra e sekretarit të Mbrojtjes. Përmes një njoftimi në tuiter, Trump njofton se “Esperit i është dhënë fund” dhe se në vend të tij si sekretar në Detyrë do të caktohet menjëherë, Christopher Miller, drejtor i Qendrës Kombëtare për Kundërterrorizmin, për të cilin Trump nënvizon se “ka kaluar unanimisht në Senat”.

Presidenti turk, Recep Tayyip Erdogan ka bërë një sugjerim të ri për zgjidhjen e konfliktit në Nagorno-Karabakh. Në një telefonatë me homologun e tij rus, Vladimir Putin, Erdogan ka kërkuar që Putin të organizojë një grup të përbashkët pune jashtë Grupit të Minskut që është degë e OSBE-së. Mediat turke raportojnë se Turqia ka dhënë garanci për ndaljen e luftimeve pasi Azerbajxhani të marrë zonën e Shushas, ndërkohë që Armenia do të duhet të largohet nga shtatë distrikte.