Blloku Bota

Peter Piot, një ndër virologët më të njohur në botë ka dhënë së fundmi një intervistë për “Politico” përmes së cilës ka bërë një parashikim shumë të zymtë për të ardhmen e botës.

Koha e shtrëngimit të dorës ka ikur

thotë Piot.

Qeveria izraelite miratoi një bllokim të dytë akoma më të rreptë se ai i vendosur dy javë më parë, për shkak të numrit të madh të rasteve të reja. Vendimi do të hyjë në fuqi nesër (e premte) dhe do të qëndrojë në fuqi deri më 11 tetor, në fund të festave hebreje. Ndër masat që parashikohen janë mbyllja e shërbimeve jo-thelbësore, shmangia e grumbullimeve mbi 20 persona dhe ndalimi i largimit përtej një kilometri nga shtëpia. Sinagogat do të jenë të hapura vetëm për ceremonitë e Kippur-it.

Strategjia e re e Bashkimit Europian për vendosjen e kuotave të detyruara për pranimin e azilkërkuesve nga vendet anëtare, nuk është mirëpritur. Kundërshtitë e para kanë ardhur nga Austria, kancelari i saj konservator, Sebastian Kurz, sipas të cilit kjo ide dështoi në vitte 2015-2016 dhe do të dështojë sërish.

Ne konsiderojmë se shpërndarja në Europë e azilkërkuesve ka dështuar dhe shumë shtete e kundërshtojnë një gjë të tillë. Nuk ka për të funksionuar

është shprehur Kurz në një intervistë për agjencinë franceze, AFP.

Gjermania i ka kërkuar së fundmi Greqisë që të demilitarizojë ishujt pranë Turqisë, në mënyrë që të mundësohet një dialog mes palëve. Lajmi bëhet i ditur nga gazeta greke ESTIA, sipas të cilës kërkesa është paraqitur nga ambasadori gjerman në Greqi, Ernst Reichel, i cili ishte i pranishëm edhe në Parlamentin grek.

Berlini po preson Athinën dhe Ankaranë në të njëjtën kohë që të tërheqin trupat…

Rusia ka vendosur të ndërmarrë një hap të pazakontë në lidhje me shpërndarjen e vaksinës së vet kundër CoVid-19. Agjencia “Reuters” raporton se Moska ka deklaruar se është e gatshme të marrë përsipër një pjesë të problemeve juridike që mund të krijohen nga efektet e ndryshme të mundshme të vaksinës së zhvilluar prej saj duke mos i lënë të gjithë barrën blerësve potencialë. Në përgjithësi, blerësit kërkojnë garanci nga prodhuesit për çdo problem që do të krijohet, por duket se në këtë rast në lojë është një investim politik shumë i madh.

Kompania japoneze Ushio ka hedhur në qarkullim të parën llapmbë ultraviolet që thuhet se vret koroanvirusin pa dëmtuar shëndetin e njeriut. Care 222 UV, është një pajisje e zhvilluar në bashkëpunim me Universitetin Columbia do të përdoret për dizinfektim në zona të populluara me hyrje-dalje njerëzish, pra në mjedise ku rreziku i infektimit është i lartë.

Disa nga bankat më të mëdha në botë kanë lejuar kriminelët të transferojnë para të pista në shumën prej rreth dy miliardë dollarësh. Sipas BBC, e cila u referohet disa dokumenteve të publikuara së fundmi, oligarkët rusë përdorën bankat për të shmangur sanksionet, të cilat supozohej se i pengonin ata të transferonin para në Perëndim. 

Gazeta greke “Kathimerini” ka publikuar sot në versionin anglisht një intervistë me Victor Davis Hanson, profesor i historisë klasike dhe historisë ushtarake në Universitetin Shtetëror të Kalifornisë dhe i cilësuar si autoritet në fushën e tij.

Hanson cilësohet si një mik i afërt i presidentit Donald Trump dhe sipas gazetës ai është një filohelen i deklaruar. Intervista ka interes sepse ndan një mendim jopublik të Trump mbi zhvillimet në Mesdheun Lindor. Hanson mendon se Greqia dhe Turqia nuk do të shkojnë në luftë, të paktën në një të ardhme të afërt. 

Në përballje me valën e dytë të Covid-19, qeveria e Boris Johnson në Britani ashpërson masat. Ata që thyejnë karantinën e imponuar pas kthimit nga jashtë, pas tamponit pozitiv apo edhe thjesht kontaktit me një të infektuar, do të dënohen ashpër. Gjoba mund të arrijë deri në 10 000 paund, rreth 11,000 euro.

Italianët u drejtohen sot qendrave të votimit në një referendum për madhësinë e parlamentit dhe në zgjedhjet rajonale në të gjithë vendin.

Votimi do të shtrihet në dy ditë (e diel – e hënë).

Referendumi do të vendosë nëse Parlamenti do të reduktohet nga 945 vende që ka aktualisht në vetëm 600. Sipas propozimit, Dhoma e Ulët mund të ulet në 400 deputetë dhe Senati në 200.

Ndryshimi kushtetues është miratuar nga Parlamenti dhe nëse konfirmohet, do të jetë efektiv në zgjedhjet e vitit 2023.