Blloku Bota

Presidentja e përkohshme që mori detyrën në Bolivi pas rrëzimit të Evo Morales është arrestuar me dyshimin e organizimit të një kryengritjeje.

Jeanine Anez u vu në pranga pasi gjykata lëshoi të premten urdhrin e arrestimit të saj, njoftoi ministri Carlos del Castillo në Twitter. Ai e cilësoi arrestimin si një hap përpara për t'i dhënë popullit bolivian drejtësinë e merituar.

Parlamenti italian ka miratuar së fundmi ligjin për delimitimin e zonave detare me Greqinë. Ligji mori 273 vota dhe asnjë kundër. Kështu ai i hap rrugë zbatimit të marrëveshjes së nënshkruar me Greqinë më 9 qershor 2020 që rishikon një marrëveshje të vitit 1977 duke përfshirë edhe metodën e WBS 84 – sistemi botëror gjeodezik.

Presidenti serb, Aleksander Vuçiç, ka deklaruar se në Serbi do të ndërtohet së shpejti një fabrikë e Sinopharm për prodhimin e vaksinave kundër CoVid-19.

Nga 15 tetori ne do të kemi sasi të mëdha vaksine për vete dhe mbarë rajonin. Ne do të duhet të furnizojmë edhe rajonin të paktën me çmimin e prodhimit. Shpresoj se Serbia nuk do të bezdisë kënd në këtë drejtim. Dua të besoj se njerëzit kuptojnë se kjo është për shëndetin e mbarë rajonit. Serbia do të jetë pakrahasismiht e madhe me atë që është sot

Agjencia Kombëtare e Shëndetit në Danimarkë ka vendosur pezullimin e përkohshëm të vaksinimit me vaksinës AstraZeneca për shkak të problemeve me mpiksjen e gjakut të verifikuar në disa njerëz. Agjencia në fjalë ka nënvizuar se nuk është e konfirmuar ende nëse ka një lidhje mes vaksinës dhe simptomave te personat në fjalë por megjithatë ajo ka kërkuar nga autoritetet të ndryshojnë programin e vaksinimit dhe të ndalojnë përdorimin e AstraZeneca-s për një kohë.

Ne duhet ta sqarojmë këtë situatë përpara sesa të vazhdojmë me përdorimin e AstraZeneca-s

Kompania kryesore në botë e prodhimit të nikelit dhe paladiumit, Norilsk Nickel, ka paguar një gjobë prejj 2 miliardë dollarësh për shkak të ndotjes mjedisore masive në zonën ruse të Arktikut.

Zhvilluesi rus i vaksinës anti-CoVid-19 ka kërkuar që kryetarja e Bordit Menaxherial të Agjenicsë Europiane të Mjekësisë, Chrisat Wirthumer-Hoche për komentet e kësaj të fundit kur e quajti aprovimin e vaksinës si një “ruletë ruse”.

Ne kërkojmë një falje publike nga Wirthumer-Hoche e AEM-së për komentet e saj negative për miratimin nga shtetet e BE-së të Sputnik V. Komentet e saj ngrejnë pikëpyetje serioze rreth mundësisë së ndërhyrjes politike në vlerësimin që agjencia po i bën vaksinës. Sputnik V është miratuar nga 46 shtete

Pas lajmit se SHBA po mendon Turqinë si vendin organizator të bisedimeve të paqes për Afganistanin, një tjetër mesazh vjen nga Perëndimi që duket se nuk ka ndërmend të gabojë me Ankaranë. Sekretari i Përgjithshëm i NATO-s, Jens Stoltenberg ka deklaruar gjatë një diskutimi online me përfaqësues të universitetit të Stanford se:

Turqia është ekstremisht e rëndësishme

Rusia dhe Kina kanë nënshkruar së fundmi një memorandum mirëkuptimi për ndërtimin e një stacioni hapësinor të përbashkët hënor. Në një deklaratë të vetën, agjencia ruse e hapësirës, Roscosmos u shpreh se stacioni hënor parashikohet të jetë një kompleks i objekteve kërkimore eksperimentale në sipërfaqen dhe/ose në orbitën e Hënës.

Të dhënat e një testimi të kryer në laborator konfirmojnë se vaksina anti-CoVid-19 e zhvilluar nga Pfizer&BioNTech neutralizon variantin Brazilian të koronavirusit aktual. Rezultatet janë publikuar në New England Journal of Medicine dhe sipas tyre gjaku i marrë nga njerëzit që kanë bërë vaksinën tregon se në ta ishte neutralizuar një version i inxhineruar i variantit Brazilian, i cili përmban të njëjtin mutacion të verifikuar te ky i fundit.

Franca mund të përballet me një problem shumë serioz financiar që rrjedh nga pasojat e testimeve bërthamore të kryera prej saj në Polinezi gjatë viteve ’60-’70 të shekullit të 20-të. Sipas një investigimi të kryer në grup nga mediat, programi për Shkencën dhe Sigurinë Globale në universitetin e Princeton rezulton se ndikimi nga testet bërthamore Aldebaran, Encelade dhe Centaure në vitet 1966, 1971 dhe 1974 kanë qenë shumë më të mëdha nga sa janë deklaruar publikisht. Hetimi është kryer mbi 2000 faqe dokumentacion i deklasifikuar së fundmi nga Ministria franceze e Mbrojtjes ku përfshihen har