Blloku Bota

OBSH-së i duhen edhe 16 miliardë dollarë për të financuar planin e saj kundër pandemisë COVID-19. Shumën e mbetur, OBSH e kërkon nga vendet e pasura.

"Shkenca na dha mjetet për të luftuar COVID-19; nëse ato ndahen globalisht në solidaritet, ne mund t'i japim fund COVID-19 si emergjencë shëndetësore globale këtë vit", tha drejtori i Përgjithshëm i OBSH-së, Tedros Adhanom Ghebreyesus.

Një sulm kibernetik nxorri jashtë funksionit shumicën e shërbimeve të Vodafone në Portugali, duke prekur të paktën 7 milionë abonentë. Sulmi ndodhi gjatë natës së të hënës dhe u shtri mbi rrjetin 4g/5g, TV, shërbimet zanore dhe shërbimet SMS. Kompania ia doli të rikthente shërbimet 3G, port ë tjerat mbetën të prekura. Madje, sulmi ka prekur edhe rrjetin e ATM-ve të disa bankave të mëdha të lidhura me rrjetin Vodafone 4g.

Papa Emeritus ka thyer heshtjen për abuzimet e kishës. Pas raportit gjerman për abuzimet në dioqezën e Monaco-Frisingas, ku Jozef Ratzinger ka shërbyer si peshkop në kohën kur kanë ndodhur abuzimet, Benedikti XVI thotë në një letër se nuk ka gënjyer dhe falënderon Papa Françeskun për mbështetjen. Raporti gjerman e fajëson Ratzinger për sjellje jo korrekte në lidhje me katër raste abuzimi.

Historitë për sipërmarrësit e rinj dhe të suksesshëm i has kudo. Nga listat e Under 30 të Forbes deri te filmat si "The Social Network", këto histori janë njëfarë plani tërheqës për suksesin e hershëm: ëndërroni shumë, punoni shumë dhe shumë shpejt mund të bëheni titanë të teknologjisë.

Sllovakët po udhëtojnë drejt pikave polake të furnizimit me karburant, ku blejnë qindra mijëra litra për shkak të çmimit më të lirë.

Gazi dhe nafta në Poloni janë afërsisht 25 deri në 35 cent euro më lirë për litër pasi Varshava vendosi të ulë TVSH-në për të dyja në përgjigje të inflacionit në rritje. Me një rezervuar karburanti 50 litra, sllovakët mund të kursejnë 10 deri në 18 euro nëse kalojnë kufijtë për t’u furnizuar me gaz. Varshava ka hequr edhe TVSH-në për produktet ushqimore në paketën e masave që synojnë të trajtojnë inflacionin e lartë.

Peter Thiel, një nga investitorët më të hershëm të Facebook, është tërhequr nga kompania. Thiel thotë se do të angazhohet në mbështetjen e kandidatëve që do të çojnë përpara axhendën e ish-presidentit Donald Trump në zgjedhjet e mesit të mandatit.

Larry Elliot shkruante sot në “The Guardian” se Shtetet e Bashkuara të Amerikës po kryejnë kundër Afganistanit një luftë ekonomike që shkon në kufijtë e krimit kundër Njerëzimit. Dhe cinizmi i një vendi të fuqishëm, Pishtar i Lirisë siç na e kanë përshkruar, sipas autorit arrin kulmin, sepse kjo politikë pason atë që ai e quan poshtërim ushtarak të SHBA në Afganistan.

Presidenti francez Emmanuel Macron është optimist se mund të ulë tensionet Ukrainë-Rusi. Megjithatë, kjo nuk do të vijë pa kosto. Një ditë para vizitës së tij në Moskë, ku do të takohet me homologun Vladimir Putin, por la të kuptohet se vendet perëndimore mund të duhet të bëjnë lëshime ndaj Kremlinit.

Mediat në Perëndim po referojnë për opsionin e një pushtimi të plotë të Ukrainës nga Rusia duke referuar burime të ndryshme amerikane. Shërbimet amerikane të inteligjencës kanë shpërndarë lajme sipas të cilave deri në mesin e muajit shkurt, Putin do të ketë grumbulluar 150 000 trupa në kufi me Ukrainën që konsiderohet një forcë e mjaftueshme për të realizuar një operacon pushtimi të mbarë vendit.

Një video e shkurtër e prerë nga një fjalim i kryeministrit kanadez, Justin Trudeau, ka shkaktuar zhurmë në qarqet konspirative në fillim të shkurtit 2022.

Në video, Trudeau lavdërohet se mediat, veçanërisht ato të majta, e kanë kursyer:

“Kohët e fundit dëgjojmë për paragjykime progresive në media, se si e lënë qeverinë tonë të qetë, na kursejnë pa asnjë arsye. Sinqerisht, mendoj se është fyese. Është e qartë se na kursejnë për një arsye shumë të mirë, sepse ne i paguajmë 600 milionë dollarë”