Blloku Bota

SpaceX, kompania e Elon Musk për prodhimin e raketave, ka pushuar nga punë pesë punonjës për arsyse ata qarkulluan një letër kritike për drejtuesin e saj duke sugjeruar një kulturë më inkluzive.

Julian Assange, bashkëthemeluesi i WikiLeaks, një ndër njerëzit që përuroi erën e re të botës dixhitale në drejtimin e sigurisë, do të ekstradohet drejt SHBA. Mediat bëjnë me dije se ministri i Brendshëm i Mbretërisë së Bashkuar, Priti Patel ka miratuar tranferimin, një muaj pasi Gjykata e Lartë nuk gjeti çështje ligjore në sigurimet e autoriteteve amerikane për mënyrën sesi do të trajtohet Assange.

Presidenti bjellorus, Aleksander Lukashenko, duket se po përdoret nga Kremlini si mjet kryesor shantazhi për ndërkombëtarizimin e konfliktit në Ukrainë. Të paktën kështu tingëllojnë deklarimet e Lukashenkos për agjencinë “BelTA” përmes të cilave presidenti bjellorus ka cilësuar një rrezik eventual ushtarak nga Polonia.

Komisioni Europian ka rekomanduar dhënien e statusit të vendit kandidat për në BE për Ukrainën dhe Moldavinë. Lajmin e ka bërë të ditur presidentja e Komisionit, Ursula von der Layen, sipas së cilës Gjeorgjia duhet ende të plotësojë disa kushte.

Ukraina ka treguar qartazi vendosmërinë dhe aspiratën për të jetuar në përputhje me vlerat dhe standardet e BE-së

tha von der Layen.

Ambasada ruse në SHBA ka deklaruar se çdo hamendësim për krijimin e një lloj Gjyqi të Nurembergut për ushtarët rusë është false dhe e papranueshme.

Ne mendojmë se çdo spekullim rreth organizimit të një “gjyqi të ri të Nurembergut” kundër ushtarëve rusë si gjoja përgjegjësi për krime në Ukrainë janë të papranueshme

shkruan ambadada.

Franca e Emmanuel Macron ka propozuar së fundmi në formë dokumenti jozyrtar idenë e krijimit të forumi paneuropian, ku të përfshihen vende të BE-së dhe jashtë saj, por që nuk do të zëvendësojë as BE-në, as KE-në apo OSBE-në.

Dokumenti ka nisur të diskutohet pak para se Komisioni Europian të publikojë opinionin e vet mbi dhënien ose jo të statusit të vendit kandidat për Ukrainën, Moldavinë, Gjeorgjinë.

Google ka pezulluar nga puna një inxhinier që publikoi transkriptet e një bisede mes tij dhe një sistemi shkëmbimi mesazhesh të kompanisë, LaMDA(moeli gjuhësor për aplikime dialogimi). Sipas Blake Lemoine, sistemi në fjalë është bërë i ndjeshëm, percepton dhe mendon si një fëmijë njerëzor. Vendimi i largimit ka marrë zë në media të ndryshme që hedhin dyshime mbi një klimë sekreti që qarkon zhvillimin e Inteligjencës Artificiale nga gjigandët e teknologjisë.

Ministri kinez i Mbrojtjes, gjenerali Wei Fenghe ka deklaruar se Kina do të luftojë deri në fund për të ndalur pavarësinë e Tajvanit.

Ne do të luftojmë me të gjitha kostot dhe deri në fund. Askush nuk duhet të nënvlerësojë vendosmërinë dhe aftësinë e forcave të armatosura kineze për të ruajtur integritetin e vet territorial

Presidenti I Bjellorusisë, Alexander Lukashenko, ka deklaruar se vendi I tij mund të përfshihet në luftime për Ukrainën Perëndimore. Në mediat bjelloruse qarkullon një deklaratë e tij sipas së cilës Bjellorusia është objekt presioni i Perëndimit për arsye gjeopolitike. 

Perëndimi nuk e ka braktisur ende qëllimin e alineimit të frontit që kalon nga Smolensku në Pskov, Smolensk-Bryansk-Kursk dhe nga aty deri në Rostov. Dhe ne jemi ky ballkoni mijëra kilometrash, ndaj ai duhet prerë

citohet Lukashenko.  

Agjencia amerikane e hapësirës, NASA, ka deklaruar se do të nisë një studim nëntë mujor mbi UFO-t – Objektet e Paidentifikuara Fluturuese. Sipas mediave të ndryshme, studimi që do të zgjasë 9 muaj, synon të përmirësojë sigurinë ajrore duke përfituar një kuptim më të mirë të asaj që qeveria amerikane e etiketon si Dukuri Ajrore pa Njeri.

NASA është shumë e gatshme të adresojë këtë dukuri. Kush tjetër veç nesh mund të përdorë fuqinë e të dhënave dhe shkencën dhe të shohë se çfarë po ndodh në qiejt tanë. Ka dukuri që ne nuk i kuptojmë