Blloku Bota

Irani ka kthyer mbrapsht 820 000 doza vaksine të koronavirusit të dhuruara nga Polonia. Arsyeja e kthimit lidhte me vendin ku ato janë prodhuar: Shtetet e Bashkuara të Amerikës.

TV shtetëror në Iran citoi Mohammad Hashemin, zyrtar në Ministrinë e Shëndetësisë, sipas të cilit rreth 1 milion dozat e dhuruara nga Polonia janë të markës AstraZeneca.

Presidenti rus, Vladimir Putin, njoftoi se Moska i ka njohur dy republikat e vetëshpallura separatiste në lindje të Ukrainës si kombe sovrane. Gjatë një fjalimi televiziv drejtuar kombit të hënën në mbrëmje, Putin nënshkroi dekretin, duke konfirmuar njohjen e Republikave Popullore Donetsk (DPR) dhe Lugansk ( LPR)”.

Ai tha se ky hap vjen si rezultat i drejtpërdrejtë i dështimit të marrëveshjeve të Minskut të vitit 2014, të krijuara për t’i dhënë fund luftimeve.

Nismës ambicioze të Kinës Belt and Road, i bashkohet edhe Argjentina. Presidenti kinez, Xi Jinping, shfrytëzoi hapjen e Lojërave Olimpike Dimërore të Pekinit për të takuar liderë të huaj, mes të cilëve edhe presidentin argjentinas, Alerto Fernandez.

Nënshkrimi i një memorandum mirëkuptimi mes Kinës dhe Argjentinës synon forcimin e marrëdhënieve dypalëshe politike dhe tregtare, si dhe çon përpara interest e Kinës në Amerikën Latin.

Megjithatë, themelet e marrëveshjes u hodhën nga administratat e mëparshme, duke përfshirë edhe paraardhësin e Fernandez, Mauricio Macri.

Presidenti i Francës Emmanuel Macron ka bërë një përpjekje të fundit për të zgjidhur me diplomaci konfliktin në Ukrainë. Mediat raportojnë për një bisedë 105 minuta mes tij dhe homologut rus, Vladimir Putin, pas së cilës sipas Macron “u ra dakord për nevojën e një zgjidhjeje diplomatike”.

Kryeministri i Britanisë së Madhe, Boris Johnson, ka deklaruar në një intervistë për BBC-në se rusia po planifikon luftën më të madhe në Europë që nga viti 1945. 

Të gjitha shenjat tregojnë se plani në disa drejtim ka nisur

është shprehur Johnson.

Mbretëresha e Anglisë Elisabeth II është testuar pozitive me CoVid-19 dhe siç raportohet po e kalon sëmundjen me simptoma mesatare.

Kryeministri etiopian, Abiy Ahmed ka inauguarua zyrtarisht nisjen e prodhimit të energjisë elektirke nga diga madhe e Nilit Blu. Një projekt miliardash që ka vënë Etiopinë në konflikt me Egjipitin dhe Sudanin, për shkak se ajo kufizon regjimin hidrik të një lumi jetik për këto dy vende.

Kjo digë e madhe u ndërtua nga etiopianët por jo vetëm për ta më tepër sesa për të gjithë vëllezërit dhe motrat tona afrikane që përfitojnë prej saj

Ministri kroat i Ndërtimit, Darko Horvat, u arrestua sot pas një hetimi për korrupsion. Lajmin e dha vetë kryeministri Andrej Plenkoviç, i cili tha para gazetarëve se abuzimi ka të bëjë me subvencionet për bizneset në vitin 2018 dhe për këtë arsye, Horvat nuk do të jetë më pjesë e kabinetit.

Megjithatë, Plenkoviç kritikoi prokurorët për rrethanat e arrestimit të Horvat, duke thënë se momenti i arrestimit duket se fsheh edhe arsye politike.

16 shkurti ka qenë përgjatë ditëve të fundit në kryetitujt e mediave perëndimore, si dita e mundshme e pushtimit rus në Ukrainë. Artikuj dhe analiza pa fund të botuara që prej fundit të vitit të kaluar e kanë hedhur shpesh hipotezën se Putin po luante blofin, e megjithatë frika e një operacioni pushtues ka qenë e pranishme gjatë gjithë kohës. Por pasi nuk rezultoi një ditë sulmi, 16 shkurti u kthye në një ditë qesëndisjeje.   

Ekspertët në Moskë u vunë menjëherë në rresht për të nisur talljen me median perëndimore.

Vendet e Bashkimit Europian pritet të heqin masat e mbetura kufizuese që kanë të bëjnë me pandeminë e CoVid-19 në mesin e muajit mars të këtij viti. Ministri i Shëndetësisë në Greqi, Thanos Plevris ka bërë njoftimin në mediat greke duke shtuar se vendimi do të marrë në konsideratë presionin e secilit vend mbi sistemin kombëtar shëndetësor.

Aktualisht edhe Greqia ka vendosur të heqë kufizimet në një moment kur sipas ministrit shkalla e vaksinimit është 81%.