Blloku Bota

Kancelari gjerman Olaf Scholz është parë në një pozicion të pazakonshëm kur gjatë një tubimi në Falkensee afër Berlinit është kundërshtuar nga njerëz të ndryshëm për politikën e ndjekur në Ukrainë. Duke i replikuar thirrjeve për paqe, kancelari gjerman ka mbrojtur politikën e vet duke akuzuar Vladimir Putinin se po ndjek ambicie imperiale në Ukrainë dhe se është ai shkaku i luftës. Më poshtë pjesë nga reagimi i Scholz:

Serbët janë përballë godinave të bashkive në veriun e Kosovës për të dhjetën ditë

Ja një titull që vjen si vargu i radhës për «Stara Srbia» në median B92. Media e cila në çdo shkrim kujdeset të nënvizojë termin “e ashjtuquajtura Kosovë”, mandej Kosova dhe Metohija e tani në titull Kosovo/a.

Ministri kinez i Mbrojtjes, Li Shangfu ka deklaruar gjatë punimeve të samitit të “Shangri-La Dialogue” në Singapor, se një konflikt mes Kinës dhe ShBA-ve do të ishte një fatkeqësi e papërballueshme për botën.

Ka shumë pritmëri për kundërofensivën ukrainase, e konfirmuar që nis së shpejti edhe nga presidenti ukrainas, Zelenskiy. Por të panjohurat mbeten sërish sidomos edhe me faktin se Rusia ka në dispozicion një armë të re.

Disa satelitë të rinj me radarë survejimi supozohet se mund të ndryshojnë kursin e luftës. Kjo pasi këta radarë kanë rezolucion deri në një metër, që do të thotë se shohin çdo gjë. 

Mund të shohë përmes reve, mund të shohë përmes shiut. Përmes çdo gjëje. Radar me rezolucion të lartë dhe atë po shohin çdo gjë tani

Presidenti Aleksandër Vuçiç ka dalë në një intervistë në Tv Prva, ku ka folur për situatën në veriun e Kosovës. Në një shfaqje karakteriale të tijën, Vuçiç ka bërë interpretimin regjizorial të pamjeve të shpërndara në mbarë botën e ku shihen huliganë që qëllojnë mbi KFOR-in.

Bashkimi Evropian nuk është më kompetitiv, ndaj i duhen më shumë njerëz të përkushtuar dhe me pasion. Kryeministri hungarez, Viktor Orban, e bëri këtë deklaratë pas një takimi në Bruksel me Santiago Abascal, lideri i ekstremit të djathtë spanjoll.

Sipas tij, politika e BE-së dominohet nga gjithnjë e më shumë "blah blah" dhe asnjë veprim konkret në fund.

Sipas euroskeptikut Orban, BE-ja ka nevojë për politikanë “që duan diçka, që kanë ende energji, përkushtim dhe pasion”. Sipas tij, ata që mendojnë në këto linja duhet të punojnë së bashku.

Shtetet e Bashkuara janë gati për dialog për kontrollin e armëve me Rusinë dhe Kinën pa kushte paraprake. Këshilltari amerikan për sigurinë kombëtare, Jake Sullivan, e shprehu gatishmërinë amerikane gjatë takimit vjetor të Shoqatës së Kontrollit të Armëve.

"Ne kemi deklaruar gatishmërinë tonë për t'u angazhuar në diskutime dypalëshe për kontrollin e armëve me Rusinë dhe me Kinën pa parakushte," citohet ai nga TASS.

Josep Borrell ka publikuar tre kushte për Kosovën në mënyrë që ajo siç thotë ai të mos ketë pasoja serioze në marrëdhëniet me BE-në.

• Zgjedhje të reja lokale
• Sigurim i pjesëmarrjes së serbëve
• Nisje e punës për krijimin e Asocacionit

Në një replikë me të, Raporterja Viola von Cramon shton edhe një kusht:

Hetim i plotë dhe procedim i atyre që sulmuan ushtarët e NATO-s dhe KFOR-it

Këshilltari i presidentit brazilian për politikën e jashtme, Celso Amorim, thotë se Perëndimi duhet të shmangë përshkallëzimin e konfliktit me Rusinë. Për Financial Times, ai është shprehur se nëse aleatët perëndimorë të Ukrainës, rrezikohet një Luftë e Tretë Botërore.

Presidentja e Kosovës, Vjosa Osmani ka treguar diçka rreth takimit të saj me homologun serb, Aleksander Vuçiç në Moldavi, duke vënë në dukje se ai ishte takim i kërkuar me insistim nga Macron, presidenti i Francës. Në tryezën e diskutimit, Osmani thotë se ka vënë në dukje faktin se Vuçiç nuk pranon zbatimin e Marrëveshjes së Ohrit, për të cilën mori zotim verbal, por nuk ka firmosur.