Blloku Bota

Kryetarët e katër komunave me shumicë serbe në veri të Kosovës do të largohen përmes një iniciative qytetare. Qeveria e Kosovës ka zgjedhur këtë mënyrë për t’u hapur rrugë zgjedhjeve të reja. Vendimi është marrë nga Ministria e Administrimit të Pushtetit Lokal, e cila ka caktuar një grup pune që do të hartojë Udhëzimin Administrativ për caktimin e procedurave. Data 1 shtator është caktuar si afati i fundit për përfundimin e këtij udhëzimi. 

Opinionisti i “Koha Ditore”, Augustin Palokaj, shkruan në një shkrim të djeshëm se sjellja e Bashkimit Europian gjatë ndërmjetësimit të dialogut mes Serbisë dhe Kosovës, ishte e tillë që e dëmtoi procesin. Duke menduar se ambiguiteti do të ishte një mjet në duart e palëve për të prezantuar në mënyrë të përshtatshme para opinionit publik propozimet e bëra, BE-ja, konkretisht dyshja Lajçak-Borrell, kanë minuar të gjithë ecurinë e dialogut.

Lufta në Ukrainë ka për të zgjatur, qoftë edhe në formën e një konflikti të ftohtë. Kështu mendon politologu i njohur amerikan, John Mearsheimer, i cili në një intervistë për “The Grayzone” ka deklaruar se e vetmja mënyrë që Ukraina të hyjë në NATO, është të arrijë një fitore vendimtare ndaj Rusisë brenda kufijve të vet shtetërorë.

Junta ushtarake që mori pushtetin në Niger akuzoi Francën se po planifikon të nisë një operacion për të rikthyer në pushtet presidentin Mohamed Bazoum.

Ministria e Jashtme franceze nuk e komentoi akuzën, por tha se Parisi e njeh Bazoumin si autoritetin e vetëm legjitim në vendin e Afrikës Perëndimore dhe se është i fokusuar në mbrojtjen e qytetarëve dhe interesave të tij atje.

Kërcënimi i asgjësimit bërthamor nuk është më serioz se kërcënimi që përbën ndryshimi i klimës. Sekretari amerikan i Shtetit, Antony Blinken, thotë se ndryshimi i klimës mbetet sfidë ekzistenciale për njerëzimin.

Presidenti serb Aleksander Vuçiç ka pranuar indirekt tezën se autoritetet në Kosovë i mbështet në politikën e vet Britania e Madhe. Ose të paktën Britania e Madhe, oficerë të shërbimeve sekrete të saj që presupozohet se duan të inskenojnë një konflikt mes Kosovës dhe Serbisë. Në një intervistë për Tv Prva, cituar nga media të ndryshme në Serbi, Vuçiç ka deklaruar se shërbimet serbe po analizojnë lajmet e ndryshme që qarkullojnë në shtyp dhe televizion.

Problemet me ujin kanë nisur të shfaqen edhe në një tjetër vend të madh si Turqia, e cila këtë vit u prek nga një valë të nxehti shumë agresiv. Për këtë arsye, Ministria për Bujqësinë dhe Pyjet ka bërë thirrje ndaj qytetarëve turq të përdorin ujin në mënyrë të kujdesshme në mënyrë që të mos mbërrihet në pikën e kufizimit në furnizim.

Europa po plaket dhe arsyeja kryesore pse po lindin më pak fëmijë është pasiguria për të ardhmen.

Daniele Vignoli, profesor i demografisë në Universitetin e Firenzes, kreu në vitin 2019 një studim mbi shkaqet e lindshmërisë së ulët.

Shumë prej 1 600 pjesëmarrësve i thanë atij se vështirësitë ekonomike – veçanërisht mungesa e punës ose aksesit në strehim – nënkuptonin se ata ndiheshin të paaftë për të pasur një fëmijë. Të tjerë panë si arsye rritjen e shqetësimit të përgjithshëm për gjendjen e botës.

Giulio Gallarotti, profesor i studimeve mbi qeverisjen dhe mjedisin në Universitetin Wesleyan dhe profesor ndihmës i shkencave politike në Universitetin e Kolumbias, në një intervistë për Kathimerini analizon luftën në Ukrainë, përmes teorive të gjeopolitikës dhe marrëdhënieve ndërkombëtare. Ai shpjegon teorinë e "mallkimit të fuqisë (pushtetit)", sipas të cilës të fuqishmit priren të nënvlerësojnë kundërshtarin e tyre, ashtu si Goliathi nënvlerësoi Davidin.

Në përfundim të samitit mes Rusisë dhe vendeve të Afrikës janë publikuar disa vendime që duket se flasin për një orientim strategjik të Kremlinit drejt kontinentit në fjalë.