Blloku Bota

Ka ndërruar jetë në burg opozitari kryesor i Vladimir Putinit, Alexey Navalny. Mediat raportojnë se Navalny ka vdekur sot në koloninë penale të Yamalo-Nenets në rrethin e Arktikut ku ishte transferuar për të vuajtur dënimin me 19 vjet burg. Shkaku zyrtar ende nuk ka dalë, por lajmi vjen pak para fushatë elektorale presidenciale në Rusi duke paralajmëruar se presidenti aktual nuk lëviz më. 

Në Bangkok, ndotja ka krijuar një situatë të ngjashme me atë të Covid-it katër vite më parë. Qyteti ku lëvizin 10 milionë automjete është mbuluar nga një re e dendur smogu, duke i detyruar autoritetet të urdhërojnë punonjësit e administratës të punojnë nga shtëpia.

Ndotja e ajrit shkaktohet nga një përzierje "vdekjeprurëse", në të cilën kontribuojnë praktika e djegies së të korrave, trafiku i rënduar dhe prodhimi industrial.

Franca ka hedhur një hap të ri cilësor në drejtim të sigurisë duke kërkuar një marrëveshje dyplashe me Ukrainën. Mediat në Francë raportojnë se presidenti Emmanuel Macron dhe homologu i tij ukrainas, Volodymyr Zelenskiy, do të nënshkruajnë të premten në Paris dokumentin që sipas kreut francez “pason detyrimet e marra në samitin e G7 në korrik të vitit 2023”.

Një marrëveshje të ngjashme Kievi e firmosi me Londrën në janar të këtij viti dhe është duke kërkuar edhe vende të tjera që të krijojnë partneritet të tillë prej nga ku mund të sigurohen më lehtë furnizime ushtarake.

Në një opinion publikuar në “Politico”, Philippe Dam, drejtori i BE-së në Human Rights Watch, vë në shënjestër qëndrimet e presidentes së Komisionit Europian, Ursula von der Leyen.

Ai merr si shembull sjelljen e kësaj zyrtareje të lartë në Tunizi, ku ajo ka injoruar tërësisht sfidën migratore, duke ndjekur një logjikë pragmatike. Sipas Dam, von der Leyen mbrojti dhe propagandoi Memorandumin e Mirëkuptimit që synonte përmes një ndihme financiare në qindar milionë euro, të bllokonte në Tunizi valën e imigrantëve.

Presidenti Vladimir Putin tha të mërkurën se shkencëtarët rusë janë pranë krijimit të vaksinave kundër kancerit që së shpejti mund të jenë të disponueshme për pacientët. Më konkretisht shefi i Kremlinit deklaroi gjatë punimeve të një forumi mbi teknologjitë e së ardhmes:

Ne kemi mbërritur shumë pranë krijimit të të ashtuquajturave vaksina kundër kancerit dhe ilaçe imunomoduluese të një gjenerate të re. Shpresoj se së shpejti ato do të përdoren në mënyrë efektive si metoda të terapisë individuale

Në një përgjigje zyrtare ndaj ndihmës sekretarit të Shtetit, James O’Brien, kryeministri i Kosovës Albin Kurti ka sqaruar ndër të tjera se ajo që zyrtari amerikan ka shprehur një ditë më parë në një intervistë për “Zërin e Amerikës”, nuk i përgjigjet realitetit. Teksa ka deklaruar se SHBA është për Kosovën aleati më i ngushtë, Kurti ndër të tjera ka vënë në dukje se:

Instituti për Studime Strategjike, një qendër e akuzuar nga Rusia se përfaqëson shërbimet sekrete britanike ka publikuar së fundmi një raport sipas të cilit Kremlini ka burime të kufizuara financimi për luftën në Ukrainë. Sipas këtij instituti, Rusia, e cila aktualisht shpenzon 1/3-n e buxhetit të mbrojtjes për armë, municione dhe trupa në Ukrainë, do të jetë në gjendje të vazhdojë këtë politikë edhe për tre vjet.

Duke bërë kështu, ajo do të sakrifikojë cilësinë për sasinë

Kreu i zbulimit të jashtëm rus, Sergey Naryshkin ka deklaruar se Perëndimi po synon të caktojë një “Përfaqësues Special” në Ukrainë, akt që sipas tij përfaqëson një hap për të marrë kontrollin efektiv të vendit nga autoritetet e Kievit.

Mediat në Rusi i kanë dhënë një rëndësi të madhe intervistës së Vladimir Putin për Tucker Carlson, duke folur për rreth 1 miliardë shikime në total dhe me një ndikim në politikën amerikane që konsideron reagimin e publikut. I shpallur si diplomati në hije i Donald Trump, Carlson shfaqet kështu me një aurolë të re ndërkombëtare, si një njeri që është më shumë se gazetar: ndërmjetës dhe mesazher, kanal komunikimi.

Kryeministri hungarez, Victor Orban, ka theksuar se Bashkimi Europian po rrezikon të humbasë Serbinë, për të cilën “ne kemi nevojë gjepolitike”.

Serbia është çelës. Pa Serbinë si një anëtar të BE-së, nuk mund të flitet për sigurinë apo identitetin europian në përgjithësi. Ne kemi nevojë për Serbinë në BE më shumë sesa ka nevojë Serbia. Nëse nuk e integrojmë Serbinë sa më shpejt të jetë e mundur, do ta humbasim