Blloku Bota

Izraeli ka shplallur person non grata presidentin e Brazilit, Luiz Inacio Lula da Silva deri në momentin kur ky do të kërkojë ndjesë për deklaratat e veta të fundit. Vendimi pason një qëndrim publik të Lulës që e ka krahuasur fushatën e tanishme të Izraelit në Gaza me Holokaustin. Për këtë arsye, ministri i Jashtëm izraelit, Israel Katz ka thirrur ambasadorin Brazilian në Jeruzalem për t’i komunikuar vendimin. 

Çdo gjë çon tek Aleksandër Vuçiç. Kështu është shprehur presidentja e Kosovës, Vjosa Osmani për sulmin e Banjskës më 24 shtator 2023. Në një intervistë për Arab-Al-Aan, cituar nga mediat serbe gjithashtu, Osmani ka vënë në dukje se të dhënat për këtë çështje janë marrë nga një prej vendeve më të rëndësishme të NATO-s dhe janë ndarë me vendet anëtare të Aleancës.

Nuk po flasim për humbjen e kontrollit të disa bandave. Ne po flasim për organizimin prej tij dhe urdhërimin e sulmeve përmes bandave, si dhe financimi i tyre

Një ndër subjektet kryesore të arsimit të lartë në Europë, Kolegji i Europës në Bruzh të Belgjikës, është përfshirë së fundmi në një skandal seksual. Hetimi i nisur nga bordi drejtues erdhi pas ankesës së një studenteje për sjelljen e një profesori, por kjo u bë shkak që gjashtë ish-pjesëtarë të stafit dhe studente t’i dërgojnë një letër rektores Federica Mogherini përmes së cilës kërkojnë dorëheqjen e tij.

Një nga historianët më të njohur të Europës, David Van Reybrouck, thotë se më shumë sesa te kolonizimi në të shkuarën, Perëndimi duhet të adresojë kolonizimin e së tashmes.  

Sipas tij, qytetet në hemisferën veriore që frenojnë emetimet e karbonit po bëjnë më shumë për të trajtuar padrejtësitë koloniale sesa ata që i përqendrojnë përpjekjet në rrëzimin e statujave dhe ndryshimin e emrave të rrugëve.

Van Reybrouck është autor i një libri historik mbi Republikën Demokratike të Kongos dhe një tjetri mbi pavarësinë e Indonezisë nga sundimi holandez.

Turqia i është bashkuar projektit gjerman për mbrojtjen kundërajrore, të quajtur Nisma për Mburojën e Qiejve. Ministri turk i Mbrojtjes, Jashar Gyler firmosi një letër mirëkuptimi për t’iu bashkuar nismës gjatë një ceremonie të organizuar nga homologu i tij gjerman, Boris Pistorius në Bruksel.

Nisma e udhëhequr nga Gjermania, është një hap i rëndsishëm drejt përmbushjes së kërkesave të NATO-s, ndërkohë që siguron ndërvperueshmërinë dhe integrimin e aleatëve. Si Turqi, ne jemi të gatshëm të kontribuojmë në këtë nismë me kapacitetet tona të gjera kombëtare

Sulmet e kryera ndaj dy tubacioneve kryesore të gazit natyror në Iran mund të jenë vepër e Izraelit. Lajmin e bën të ditur New York Times.

“Izraeli i ka pasur prej kohësh në shënjestër objektet ushtarake dhe bërthamore brenda Iranit”, por sulmet e kësaj jave në infrastrukturën energjetike “shënuan një përshkallëzim në luftën e fshehtë”, shkruan NYT, duke cituar zyrtarë perëndimorë.

28 ambasada të akredituara në Athinë kanë lëshuar së fundmi një deklaratë të përbashkët përmes së cilës shprehin gëzimin e tyre dhe përgëzojnë qeverinë e Kyriakos Mitsotakis për miratimin e ligjit që lejon martesën brenda të njëjtit seks. Në terma deklarata cilëson se:

Fregata gjermane “Hessen” ka lënë së fudmi portin e Wilhelmshavenit në Detin e Veriut për t’u drejtuar në Detin e Kuq, ku do të marrë pjesë në misionin europian të sigurisë së kalimit të anijeve tregtare në një zonë të kërcënuar nga sulmet e militantëve jemenitë “Houthi”.

Anija në fjalë ka kapacitete të mbrojtjes ajrore, gjurmim deri në 400 km dhe raketa me rreze 160km. pjesëmarrja e anijes në mision është miratuar nga qeveria e Scholz, krahas Greqisë, Italisë dhe Francës që veprojnë në Detin e Kuq jashtë misioni anglo-amerikan.

Pamje satelitore te referuara në media të ndryshme tregojnë se Egjipti po ndërton një mur në sektorin kufitar me Gazan. Përpjekjet për paqe dhe armëpushim kanë dështuar teksa Izraeli ka njoftuar se do të vijojë me ofensivën në Raffah. Muri po ndërtohet në rajonin e Sheikh Zuëeid, 3.5 km nga kufiri me Gazën. Sipas pamjeve bëhet fjalë për 20 km 2 sipërfaqe të mbyllur ku mund të strehohen 100 000 njerëz.

Normalizimi i marrëdhënieve me Perëndimin nuk varet më nga Rusia. Kështu është shprehur ministri i Jashtëmr us, Sergey Lavrov që ka ripërsëritur atë që presidenti rus, Vladimir Putin, deklaroi gjatë intervistës me Tucker Carlson: Rusia ka ezauruar gjestet e vullnetit të mirë ndaj Perëndimit.

Sa për rivendosjen e marrëdhënieve, presidenti e përmendi po ashtu. Marrëdhëniet do të rivendosen një ditë. Se kur kjo do të ndodhë nuk varet nga ne. Është problemi I tyre. Ne kemi bërë shumë lëshime dhe gjeste të vullnetit të mirë