Metsola, Plenkoviç dhe Mitsotakis, kandidatë për të zëvendësuar Von der Leyen

Shanset e Ursula von der Leyen për një mandat të dytë si presidente e Komisionit Evropian janë në dyshim për shkak të fërkimeve mes peshave të rënda të BE-së. Zgjedhjet e Parlamentit Evropian këtë fundjavë do të jenë preludi i një periudhe intensive të diskutimi mbi postet kryesore të BE-së për pesë vitet e ardhshme dhe se si ato ndahen mes familjeve politike të bllokut.

Deri vonë, kurorëzimi i zonjës von der Leyen për pesë vjet të tjerë shihej si një përfundim i paramenduar. Udhëheqësit pritej të hezitonin të bënin ndryshime të mëdha ndërsa Evropa po merrej ende me krizën e kostos së jetesës dhe luftën në Ukrainë. Por ka zëra në Bruksel, që po forcohen gjithnjë e më shumë, sipas të cilave ajo ka humbur mbështetjen e Emmanuel Macron dhe Olaf Scholz, dhe se liderët e tjerë të BE-së janë të zemëruar me atë që ata e shohin si pozitën e saj të lartë si "Mbretëresha e Evropës".

Antipatia e ndërsjellë midis zonjës von der Leyen dhe Charles Michel, presidentit të Këshillit Evropian, nuk ishte sekret edhe para se përplasjes së fundit. Aleatët e Macron kanë nisur të përmendin Mario Draghin, ish-kryeministrin italian dhe shefin e Bankës Qendrore Evropiane, si zëvendësues. Opinioni është i ndarë nëse kjo është pjesë e ndonjë loje "shahu 4D" nga zoti Macron, një goditje paralajmëruese ndaj zonjës von der Leyen ose « demonstrim force » për të provuar se ai nuk është një forcë e papeshë në Bruksel. Megjithatë, ka të tjerë që parashikojnë se partia e tij do të mposhtet nga Bashkimi Kombëtar i Marine Le Pen në zgjedhjet evropiane.

Grupi i tij "Renew" i liberalëve evropianë pritet të tkurret në 78 vende, duke zvogëluar më tej ndikimin e një njeriu në mandatin e tij të dytë dhe të fundit si president i Francës. Zonja von der Leyen është vlerësuar për mbështetjen e saj të vendosur për Ukrainën dhe trajtimin e pandemisë së koronavirusit. Por burimet thanë se disa liderë të BE-së janë të pakënaqur më dëshirën e saj për të qenë në qendër të vëmendjes dhe e konsideruan poshtëruese këmbënguljen e saj që ata të dorëzonin raporte në komision për paratë e koronavirusit. Ata gjithashtu vunë në dukje stilin e saj "jokolegjial" të menaxhimit dhe pakënaqësinë midis komisionerëve të saj. Roberta Metsola, presidentja e Parlamentit Evropian, Kyriakos Mitsotakis, kryeministri grek dhe Andrej Plenkoviç, kryeministër i Kroacisë, janë sugjeruar si alternativa të mundshme.

Lidhja e zonjës von der Leyen me euroskeptiken Meloni i ka kushtuar gjithashtu mbështetjen e saj në Parlamentin Evropian dhe mund të çojë në kundërshtimin e riemërimit të saj nga parti të tjera pro-BE. Një kandidat tjetër i papritur, si pesë vjet më parë vetë Von der Leyen, nuk përjashtohet si mundësi.