Mediat/Prova e parë e përdorimit të klorinës si armë kimike në Sudan

“France24” raporton për përdorimin gazit klorinë në luftën civile në Sudan. Sipas investigimit të kryer, në datat 5 dhe 13 shtator 2024 disa fuçi me gaz klorinë u hodhën nga ajri në një rafineri në veri të Khartumit. Sulmi u krye me qëllim kapjen e rafinerisë që kontrollohej nga rivalët e Forcave të Mbështetjes së Shpejtë. Sipas medias në fjalë, përgjegjësinë e ushtrisë e konfirmon fakti se ajo është i vetmi grupim me kapacitete ajrore, prej nga ku edhe u realizua sulmi.

Klorina u eksportua në Sudan nga Chemtrade International Corporation, një kompani indiane që kishte për synim vetëm trajtimin e ujit. Lidhja mes importit të klorinës dhe përdorimit të saj për qëllime ushtarake, gjendet te kompania sudaneze, Ports Engineering që ka lidhje tregtare me një kompani të emirateve që furnizon ushtrinë sudaneze. Por as ushtria dhe as kompania nuk kanë pranuar të japin të dhëna.