Unifikimi i programeve mësimore Shqipëri - Kosovë, Arsim Bajrami: Të mësojmë të njëjtën gjuhë, histori dhe gjeografi
Pas abetares, pritet që të nisë puna për unifikimin edhe të teksteve të historisë dhe të gjeografisë, në mënyrë që nxënësit e Shqipërisë dhe Kosovës të mësojnë me të njëjtat libra shkollorë, transmeton “Top Channel”. Ministri kosovar i Arsimit, Arsim Bajrami thotë se ka ardhur koha që brezat e rinj të mësojnë historinë reale dhe unike të kombit. “Ne do të donim që të kemi një histori të përbashkët, heronj e vlera të përbashkëta, sepse kemi kaluar nëpër sakrifica. Politika na ka ndarë për mbi 1 shekull. Gjeografia do të mësohet si gjeografi politike e Shqipërisë dhe Kosovës si e integruar, që njerëzit të dinë që jemi një komb, kemi një gjuhë, një origjinë dhe gjithashtu duhet ta njohim tërësisht njëri-tjetrin”, thotë Bajrami. Por veç njehsimit të sistemit parauniversitar po punohet që edhe arsimi i lartë të jetë i njëjtë në Shqipëri e Kosovë, në mënyrë që të kryhet njehsimi i diplomave. “Në nivel parauniversitar kemi nisur me tekste të përbashkëta. Pas abetares do të kemi tekstet e historisë, gjeografisë, lëndëve ekzakte etj. Edhe për shkollat profesionale po bëjmë tekste të përbashkëta, por më i rëndësishëm është programi i përbashkët i universiteteve, sepse të dyja shtetet janë në fazën e reformimit të arsimit të lartë”, nënvizon Bajrami.
Comments
ju lumte zoti bajrami,
<p>ju lumte zoti bajrami, vazhdoni ne kete rruge dhe mos degjoni <em>matoshet</em> e serbise. kjo eshte rruga e shqiptareve drejt bashkimit.</p>
Add new comment