Sizmologjia përballë sizmopolitikës

Ing.AHMET ҪOLLAKU/   Protesta e fundit e naftëtarëve në zonën Patos-Zharrës-Marinëz  kundër  kompanisë  Kanadeze  Bankers u mbyll  para se të hapej. Ne njerëzit e ndershëm, që po luajmë mëndsh për drejtësi, ky armëpushim na trishton pa masë. Këta shqiptarë të urtë si dele, të mpirë nga gazi Metan (CH4) dhe të  trullosur kaq shumë nga  tërmete të tillë  sintetik, me këtë  protestë bënë  një hap para dhe dy hapa prapa. Pa dyshim, kjo është shumë poshtëruese jo vetëm për ata që kanë ngritur ato kolibe mbi atë vëndburim nafte, mbi atë gjak shqiptar, por për gjithë shqiptarët kudo ndodhur. Sepse njeriu kudo i gjithëndodhur,  mburret me moralin personal dhe me pasuritë kombetare më tepër se ato personale.

Shuarja kaq shpejtë e kësaj proteste, është produkt i makinacioneve të ndyra hidrokarburesh. Kur është fjala për naftën teletajpet  tundin  boten.  Pa dyshim, tymi i zi i atyre ditëve  ishte një  rënkim i dhëmbshëm i atyre  njerzëve  të poshtëruar  që bëri të  trembeshin të  gjithë sekserët  e Bankers. Impulset  e shuarjes u percollën  më shpejtë se ato të  tërmeteve  dhe bënë që ata 24 grevistë të ngujuar  aty ne Zharrës të mos shtroheshin  mirë në   shtretërit e improvizuar. Biznesëmenët këtij metropoli  shpejtë e shpejtë gjetën  rrugët si ta  mbytin  këtë Komunë  Parisi në mes të Myzeqesë Shqiptare, në  kantonin e naftës.  Përpara dyerëve të hapura, vjedhësi kalon pa u ndaluar, thotë Seneka. Vjedhësi modern, kushdo qoftë,  politikan apo gjeneral, hynë brenda në shtepi pa trokitur. Pa dyshim, lejtmotivi i kompanisë  Bankers Petroleum  vidh sa me shumë, se bota  se kemi ortakë  është qindra herë  më  helmues e  poshtërues se ajo e asgjesimit të armëve kimike nëse vërtetë ato  do të ishin  shkrirë  në Shqiperi.

 Problemet e  kompanive koncesioniste të naftës në Shqipëri  janë të shumta, ato përditë koplikohen sespse  janë gllabëruese  gjithë përfshirëse, ekonomike, politik, ideologjike,raciste, ekologjike, sizmologjike, po gjithnjë skllavëruese. Konkretisht në Komunën Zharrëz  në Fier, kompania naftënxjerrëse  Bankers shihet  përgjegjëse jo vetëm si grabitëse ë naftës Shqiptare, po  edhe për seritë e lëkundjeve sizmike që llokocitin  këtë copë Shqiperi. Kryetari i komunës, Taulant Gremi  deklaron hapur: “Ajo që shqetëson banorët e të gjithë zonës, është se qe nga viti 2009  në të gjithë territorin ndodhin lëkundje sizmike që nuk dua t’i etiketoj as tërmete, as lëkundje, as shpërthime, por lëkundje sizmike, për të mos vënë gishtin e akuzës mbi asnjë. Shtëpitë janë prishur e banesa të tjera janë në gjendje që rrezikojnë shumë jetën e banorëve, shumë prej të cilëve s’jetojnë dot më në ato kushte”. Kjo është gjendja social-ekonomike e  qytetarëve tanë të cilet jetojnë në  një zonë naftëmbajtese  me shpresën  e gjatë, se  do  bëjnë  një jetë më të mirë.

Këta tërmete dëmtojnë jeten dhe  bazën ekonomike të njerzëve. Tërmetet  nuk janë fenomene  te pa njohura siç ia ka enda  të thotë ministri  ynë  i ri. Le të diskutojnë  qeveritarët tanë  me specialistët e kësaj shkence.  Spostimi i tyre nga këto takime bëhet me dashje. Ku gazetarët, ku specialistët e tërmeteve!  Prof. Dr. Betim Muço në shkrimin shumë konciz, “Tërmetet e induktuara dhe ato të ndodhura  në zonën e Fierit” shkruan : Shumë e trajtojnë këtë si një dukuri të re të pavënë re më parë. Po kjo nuk është kështu. Këto tërmete janë të ashtuquajtura tërmete të induktuara, që padyshim në këtë rast lidhen me shfrytëzimin e naftës dhe gazit në këto zona… Tërmetet e vëna re kohët e fundit në zonën e Fierit, siç thamë, kanë të bëjnë me shfrytëzimin e naftës në këto zona. Kjo dukuri pra nuk është e panjohur. Me futjen e teknikave të reja për të rritur prodhimin e naftës dhe gazit dhe kryesisht të naftës së shisteve argjilore (shale oil), si krijimi i çarjeve (fracking), në SHBA janë vënë re tërmete të shumta në zona ku më parë pothuajse nuk njiheshin, si në Teksas, Ohajo, Tenesi etj…”  Shkrimi që cituam më sipër është me nivel  shkencor,  gati  një ekuacion, sepse ai di ti shpjegojë  dhe përgjithësojë  efektet e këtyre  tërmeteve, frontin e të cileve kjo qeveri e drejton kundër qytetarëve të vetë.

Nje miku im, edhe ai specialist  në sizmologjinë Shqiptare,  me thotë se  nuk ka procedura që të dallojnë vibrimet e tokës në distanca të konsiderueshme (sic është distanca e stacioneve tona sizmologjikë nga zona e Patos Marinzës)  nëse vijnë nga tërmete tektonike apo shpërthime nëntokesore… Në distanca të shkurtra puna thjeshtohet dhe për të dalluar natyren e vërtetë të ngjarjes sizmike ka teknika që janë efektive.

 Edhe bufi e kupton se nuk është problem se  Bankers  do  harxhojë  disa  dollare për të rregulluar ca  shtëpi ndertuar me tulla,  kallama  apo  qerpicë demtuar nga keta  tërmete zinxhir, ata  trëmben  se, mos e thëntë  Zoti, këta zezakë shqiptarë  mund të revoltohen  përsëri dhe  atyre Kanadezëve  përzier  me shqiptarë,  mund tu  fluturojë  nafta shqiptare. Për këto arnime me copra bitumi,  këtij Vatikani  të lig, do ti duhej nafta e dy puseve  për ca kohe.  Sekserët e kompanisë Bankers  janë qeveritarët shqiptarë që krekosen me tradhetin e tyre të denueshëme. Këtu në Shqiperi bizneset bëhen qyl, ato i firmosin vetë kryetarët e qeverive  prandaj kompania  kërcen vallen dyshe myzeqarshe.

 Kompania Bankers  Petroleum, është ulur këmbekryq në mes të shqiperisë, atë nuk e leviz as një  bombë prej atyre  marrëveshje  hidrokarburësh bërë nga  liderit  Shqipatrë, të vdekur dhe të gjallë, të PD-es,  të  LSI-se, te PS-se,  në dëm të popullit Shqiparë… Sikur vetëm një orë të pezullohet  aktiviteti I kësaj kompanje, kryetarët e partive shqiptare do  të distilohehen  në uzinat e naftës. Pra, loja me vendosjen e 5-6 sizmografëve për  monotorimin e tërmeteve të Zharrës-Marinzës, është një farsë për të mbrojtut kompanin Bankers. Ka vite që kjo tokë  ndihet e egërsuar, po tani situata  është rënduar së tepërmi. Ҫ’do familje  ka në shtëpi një ose dy anëtar  me karbon në gjak apo me  sëmundje të tjera. Ndotja  merret nga uji  apo nga produktet bujqesore. Afërsia e tokave bujqësore me puset e naftës ka bërë që ajëri dhe uji I indotur, ti vrasin qetë këta banorë autokton. Demokracija jonë te vretë lento-lento.

Z.Rama e di mirë se e keqja më e madhe në Shqipëri nuk është Kompleksi Jon, pallati i Bashës atje në Vlorë dhe as njëqind  të tillë, e keqja më e madhe në Shqiperi është metropoli  Bankers Petroleum  që nuk do ta  dijë për asgjë, që vetëm vjedh, shkatërron, mashtron me ato marrëveshje të fshehta, të pista katran, në kurriz të popullit.  Ajo   vjedh  naftën Shqiptare me vite,  helmon Myzeqenë tonë në siperfaqe, ndersa  në thellesi krijon struktura  dhe mikrostruktura të tjera. Tërmetet  e zonës Marinëz, janë pasojë e stilit të kompanisë Bankers, të marrë sa më shumë naftë Shqiptare. Të sotmen  kemi në dorë, të nesrëmes nuk i dihet, thotë Nënë Tereza. Po ta kishte  në dorë Bankersin, Z.Rama  do ti shtonte  shifrat e planit te vitit 2014.

Marinëza! Më kujtohet koha kur  vrapoja  nga një pus në tjetërin  me lule në duar dhe  me djersen time  vadisja barin e gjelbër  pranë rrugëve…  Tani une  nuk mund të shkojë  atje në fushën e bukur të Marinzës, sepse  do më  ndjekin  policët socialistë. Po shkova në Marinëz unë do të futem  në grevë urije për naftën tonë.

Pa dyshim, qeveritarët tanë kanë  frikë të shkojnë  në zyrat e kesaj kompanie që ngjan si një  Pentagon i mbrojtur dhe i fortifikuar me shumë kujdes. Shqiptarët  duam të dinë gjithë aktivitetin e kësaj kompanije, sa  naftë ka prodhuar, sa  ka  fituar shteti shqiptarë,  sa  ka investuar, taksat e paguara, teknologjinë, si është shëndeti njerzëve…  Këto statistika nuk dihen prandaj mua nuk  më habitin fjalët e minstrit  mes dy gazetarëve  që nuk  njohin  naftën dhe  manazhimin e koncesionëve, për Bankers  thotë  se shtetit ka shumë të ardhura nga kjo kompani…

                                                                                                                                                              Prof. Dr. Defrim Shkurti,  sizmologë Shqiptare, në  një  shkrim  të guximshëm që kapërrcen  Shqipërinë thotë:  “ Kjo dukuri është e lidhur me shfrytëzimin e hidrokarburëve … Për mua, si një specialist, këto goditje janë të lidhura drejtpërdrejt me shfrytëzimin e naftës… Bankers Petroleum ka përfituar nga mbështetja ndërkombëtare. Dhe nëse ju pyesni për interesat e tij ka të ngjarë kompania ka rekurs për të kërkuar dëmshpërblim. Nuk është e lehtë për t'u marrë me ata njerëz atje… Në mesin e anëtarëve të bordit të drejtorëve,  ka edhe ish- sekretari i përgjithshëm i NATO-s,  gjenerali amerikan Uesli Klark,  i konsideruar nga  shqiptaret e Kosovës si një hero i vërtetë që  ka nisur bombardimin e ushtrisë serbe në vitin 1999.”

Ngritja e stacioneve sizmike në Patos-Marinës për të manazhuar këta tërmete  tregon qartë se qeveria nuk do të skenojë teknologjinë e sajë, ajo  është e interesuar ta përkëdhelë atë kompani, të  rendojë  banorët e asaj zone. Gjërat janë shumë të qarta dhe  nuk kanë nevoj për t'u monitoruar sizmikisht.

 Për këto procese sizmo-teknologjike- tektonike, kanë shkruar edhe  specialistë  të tjerë  si Ing. Novruz Limaj, Prof. Dr. Fatmir Shehu, Prof. Dr. Fatmir Fezgaj.  Ministrin e ri nuk do ta dijë për ta, kur  thotë,  “Shqipëria ka kohë që po humb burime njerëzore. Kemi problem me njerëzit me ekspertizë teknike”.  Kjo është  poshtëruse për të gjithë specialistët sizmologë dhe naftëtarë  kudo ndodhur… Ja ku I ka ministri  ynë  specialistët sizmologë.  Perse ai bënë një shfaqëje  së koti me dy gazetarë të medias?!

Administratori i Bankers Petroleum në Shqipëri, shqiptari  Leonidha Çobo  i cili ka punuar  si zv/drejtor  në Albpetrol  në kohën e  kryqëzatave të zeza, që nga Bankers  thotë,  “ në lidhje me deklarimet për lëkundjet ka patur spekulime. Shprehja është tipike që kryhen nga Bankers, kjo nuk reflekton aktivitetin që kryen kjo kompani. Unë garantoj jo vetëm publikun shqiptar, por edhe ministrin në lidhje me bashkëpunimin që Bankers do të kryejë me autioritetet shqiptare për të realizuar njohjen e arsyes së këtyre lëkundjeve, por edhe se aktiviteti i Bankers nuk shkakton lëkundje sizmike dhe thellësia nuk reflekton atë thellësi që është 5 km, Bankers operon në 1500 deri 2000 m thellësi” Ky administratore le të hapë librin “Nafta dhe Politika” shkruar nga  ish deputet  dhe  President i Bordit të Albpetrolit  Maksim Shuli, i cili shpjegon qartë  si vidhet nafta Shqiptare  nga  Bankers Petroleum. Ai  shpjegon se, sipas kontrates,  ndarja e prodhimit shtesë të naftës pas tre-pesë vitesh  duhej  të ishte 50% me 50%, gjë që nuk ka ndodhur. Bankers ka filluar punë në 2004 dhe ende thotë se është me humbje. Gjithashtu per prodhimin e puseve të naftës në fillimin e kontratës është marë kurba e rënies më e lartë se  realja, nga 4% e kanë marë 10%, dhe të gjithë naftën e marrin vetë.  Investimi i bërë nuk është barazuar me sasinë e naftës që ka marrë kompania. Sot ata  nxjerin një milion ton naftë ne vit dhe nuk paguajne asgjë. Kush i ka bërë këto terma  të kontratës? Te gjitha këto do t’i gjeni në librin që thamë më sipër.

U shëmb  protesta  e naftëtarëve,  shqiptarët u rrudhën më.  Kjo do të thotë  se metropoli Bankers Petroleum, do  vazhdojë të vjedhë naftë shqiptare, të  demtojë shtëpi, të ndyjë ajrin, të thajë lulet, të prishe burime, të leviz varrezat... Në sizmograma  do  regjistohen vetëm  ca  sinjale sizmik, thjeshtë lekundje lartë-poshtë, amplituda. Sizmografët  shpërndarë nëpër fushën e Marinzës, do  shkruajnë, ligjin e bënë Maliqi  dhe siç dihet, Maliqi është metropoli Bankers Petroleum së bashku me  sekserët  e qeverisë shqiptare,  rreshterë të  thjesht dhe  gjenaralë.  Dikush thotë se edhe  njerzit si çdo send, mund të shiten ose të blihen. Si nafta, do të thosha unë. Kompania pranon të dëmshperblejë  fshatarët  po nga ana tjetër nuk pranon faktin që  tërmetet  shkakëtohen nga teknollogjia e sajë barbare. Pa me thoni cilët janë  juristë dhe specialistët shqiptarë që i bëjnë  ekspertizë Bankers?

 Në Zharrëz po montohen pajisjet për matjen e lëkundjeve sizmike që ekspertiza shkencore të përcaktojë shkaqet e këtyre lëkundjeve.  Po cilet do jenë  ata që do bëjnë ekspertizë?! Ministri ynë e ka bërë me kohë ekspertizën kur thotë: “Bankers  është një nga kontribuesit më të mëdhenj të arkës së shtetit shqiptar. Nëse provohet se Bankers  ka lidhje me lëkundjet atëherë janë dy qasje: ose do të kompensojë ose do të reduktojë aktivitetin e nxjerrjes së hidrokarbureve, po edhe në rastin e vërtetimit shkak-pasojë do të shihet çfarë parashikon kontrata”.

 Bankers Petroleum është një shtet brenda Shqiperisë, kompania  bënë kërdinë me  naftën tonë Vetëm qeveritë fashiste janë kundër popullit të vetë. Qeveria e Sali Berishës  këtë Bankersin e pashapotrizoi, i krijoi kushte që  të vjedhe në maksimum, kjo tjetëra, PS-ja, e cila para zgjedhjeve  tha se do t’i  rishikonte të gjitha marrëveshjet koncesioniste,  tani çon policë kundër  grevës së urisë. Siç duket  shumë shpejtë do  kemi një tjetër 23 Qershor. Por edhe Qershori  tjetër, nuk ka për të zgjidhur gjë, sepse  të huaj  kurrë nuk do t’i largohen  naftës shqiptare sikur bota  të përmyset, sepse në  këtë parcelë  ballkanike  mund të gjuash lehtë, pa çifte.