Përplasen 2 makina në Vlorë, humb jetën 50-vjeçarja, një tjetër plagoset

Një 50-vjeçare ka humbur jetën në një aksident rrugor në Vlorë. Sipas policisë dy automjete janë përplasur me njëra-tjetrën në rrugën e Marinës pranë Ujit të Ftohtë.

Në aksident është përfshirë një makinë tip “Peugoet” dhe targa AA887JN dhe një BMW me targa AA448HC. Viktima është, 50 vjeçarja Raimonda Ahmeti.
 
Sipas policisë nga përplasja ka mbetur e plagosur dhe një vajzë Juna Hoxha, por fatmirësisht është jashtë rrezikut për jetë.
 
Policia është në vendngjarje dhe po punon për zbardhjen e shkaqeve të këtij aksidenti.