Papa i ri është argjentinas; quhet Jorge Mario Bergoglio; por ka zgjedhur të thirret Papa Francesco I

U deshën minuta të tëra që të merrej vesh emri i Papës së ri. Është argjentinas, quhet Jorge Mario Bergoglio, është 76 vjeç, ka qenë arqipeshkv i Buones Airesit, dhe ka zgjedhur të quhet Francesco. Më saktë, Francesco I (Francis I, nw anglisht), ngaqë asnjë prej 266 Papëve të derisotëm të Kishës katolike nuk e ka pasur këtë emër më parë. Në të njëjtën kohë, ky është Papa i parë që vjen nga Amerika Latine.

Në momentin e parë, fotot e tij në internet ishin të rralla, por në harkun e një kohe të shkurtër zunë të vërshojnë foto të tjera. Ai sapo ka bërë shfaqjen e parë në ballkonin e Bazilikës së Shën Pjetrit.

Re.Pu.