Opsionet e koalicioneve parazgjedhore vazhdojnë të mbeten të hapura

Në një mbledhje të sotme me kryetarët e degëve të FRD-së Bamir Topi tha: “E kemi vendosur për mosbërjen aleancë me dy partitë e vjetra [PD e PS]; për çdo aleance tjetër do kemi komunikim të brendshëm dhe kolegjialitet te plotë, jo vendim të vetëm një individi.”

Në një takim dje në Çorovodë, Ilir Meta përsëriti lajtmotivin e zakonshëm në lidhje me koalicionet parazgjedhore “Do ta vëndosë Konventa”.

Ndërsa gazeta Shqip njofton sot se, pas takimit të 31 portive opozitare, mbajtur dje në selinë e PS-së, burime nga takimi kanë thënë se Rama theksoi faktin se koalicioni i PS-së pritet të përfaqësohet edhe me parti të tjera, por pa përmendur se cilat do të jenë forcat politike që do t’i bashkëngjiten këtij koalicioni.

Re.Pu.