Spahiu: Grekët konspiracion për të na marrë detin. Diplomacia jonë fle!

 Kreshnik Spahiu ka deklaruar sot në Durrës që deti po u lihet grekërve, por këtë rradhë përmes pasivitetit (të qëllimtë?) të qeverisë e diplomacisë shqiptare. Tha Spahiu:

“Diplomacia greke, në mënyrë konspirative po punon në nivelin e Kombeve të Bashkuara për të bërë fakt të kryer delimitimin e kufirit detar me Republikën e Shqipërisë. Përballë këtij aksioni diplomatik antishqiptar diplomacia e Tiranës vijon të jetë tërësisht pasive dhe e paaftë për të vepruar në mbrojtje të interesave tona kombëtare. Mbasi Gjykata Kushtetuese e Republikës së Shqipërisë hodhi poshtë si antikombëtare Marrëveshjen Qeveritare Anti-kombëtare Berisha-Samaras për delimitimin e kufirit detar midis dy vendeve në Ngushticën e Korfuzit, aksioni diplomatik grek vijon në konspiracion të plotë të tentojë të transferojë çështjen në Kombet e Bashkuara. Nga burimet e Aleancës Kuq e zi,diplomacia shumëpalëshe shqiptare nuk ka ndërmarrë asnjë veprim për paraqitjen dhe mbrojtjen e vendimit të Gjykatës Kushtetuese të Republikës së Shqipërisë në OKB”

k.c.