Kosovën nuk e japim. Por as venat nuk i presim - thotë presidenti serb

Gjermania ka qenë në mesin e vendeve më të zëshme të Bashkimit Evropian që i kanë bërë thirrje Serbisë të shpërbëjë strukturat e saj nga veriu i Kosovës dhe të normalizojë marrëdhëniet me shtetin e ri, nëse do që të avancojë në rrugën e integrimit evropian. Të hënën, në Beograd pritet të shkojë ministri i Jashtëm gjerman, Gudio Westerwelle. Dhe presidenti i Serbisë, Tomisllav Nikoliq, ka deklaruar në mediat vendase me rastin e kësaj vizite se vendi i tij nuk do të heqë dorë nga Kosova. “Gjermania duhet të kuptojë se nuk mund të na detyrojë me shantazhe të presim venat apo të bëjmë vetëvrasje. Kosovën nuk e japim. Bundestagu le të mendojë se çfarë vendimi do të merrte, po të ishte në pyetje Gjermania”, ka thënë Nikolliq, raportojnë mediat serbe. a.n.