Vangjel Dule thotë se “një pazar ka bërë me Edi Ramën: largimin e Berishës”

Kryeministri Berisha pati dje një takim me anëtarë të pakicës greke në Shqipëri, dhe duke pasur në krah Spiro Kserën, lëshoi akuza në drejtim të Vangjel Dules. “Ka bërë pazare me Edi Ramën”, tha ai në thelb, duke folur për të.

Kreu i PBDNJ-së nuk e ka lënë pa përgjigje, ndonëse ka vonuar 24 orë. “Prisnim nga Kryeministri përgjigje për disa çështje konkrete që preokupojnë komunitetin e zonës dhe minoritetin etnik grek, sikundër [janë ato që] lidhen ato me shkeljen e të drejtave të njeriut dhe minoriteteve, censusin dhe pronat e paluajtshme, grabitjen e trashëgimisë kulturore dhe sigurinë publike dhe të jetës, mjerimin social, mungesën e zhvillimit dhe diskriminimin ekonomik dhe mungesën e veprave infrastrukturore; në vend të tyre erdhi shpifja e radhës; kryeministrit i është bërë obsesion ideja e ekzistencës së pazareve politike jo transparente”.

Dhe më poshtë ka bërë transparent ‘pazarin’ e tij: “Për të mos lënë hapësirë për hamendje, po konfirmojmë ‘pazarin tonë politik’ në kuadër të zgjedhjeve 2013 me qytetarët dhe mbarë shoqërinë: “Të largojmë përfundimisht qeverinë e kryesuar nga z. Sali Berisha …..”

Re.Pu.