Rama Berishës: Do të bëjmë gjysh; dhe do ta heqim antiplumbin dhe çetën e 200 rojeve që të vinë nga pas

Nuk ka takim elektoral që Berisha të mos merret me kundërshtarët, e më shumti me Ramën. Kohët e fundit ka filluar të përdorë etiketa të llojit “i sëmurë psikik”, “i biri të atit”, etj, të cilat kish ca kohë që nuk i përdorte. Por më së shumti është marrë me autobuzin elektoral të Ramës. Rama është marrë gjithashtu me Berishën, dhe i është drejtuar në çdo rast me emrin “Saliu”. Ndërsa sot, Rama është kapur pas jelekut antiplumb që Berisha mban të veshur prej kohësh. Ai ka qenë në Devoll dhe aty ka komunikuar me rivalin e tij me këto fjalë: “Saliu merret përditë me autobusin tonë, dhe e përgojon autobusin. Nuk e di pse. Më mirë me autobus si gjithë qytetarët se me antiplumb si Saliu. Më mirë me autobus me vajza dhe djem që bashkë me ne udhëtojmë në të gjithë Shqipërinë, sesa me një çetë me 200 roje. Antiplumb po, çetë me 200 roje po, çfarë ke bërë që të ruajnë kaq shumë Sali? Është koha që Saliu ta heqë antiplumbin dhë ta shpërndajë atë çetën e 200 rojeve”.

Dhe më poshtë: [është mirë Sali] të shkosh e të bësh gjyshin me kohë të plotë; Shqipërisë nuk i duhet një gjysh me antiplumb”. Këtu ka shtuar: [i duhet] Rilindje.

Re.Pu.