Erdogani bën apel: Prindër, largoni fëmijët nga protesta! Dhe lë të kuptohet se do ushtrojë dhunë

Rexhep Taip Erdogan “u ka hapur rrugë protestuesve”, duke premtuar një referendum mbi atë që është planifikuar të ndërtohet në parkun Gezi të Stambollit, por në anën tjetër po u shtrëngon dhëmbët. Sot u ka dhënë një ultimatum 24 orësh. Nëse nuk largohen nga parku brenda këtij afati, policia – kjo është lënë të kuptohet – do të ndërhyjë brutalisht, dhe protestuesit do të kenë pasoja. Këta të fundit që tanimë janë disa qindra kanë bërë me dije se nuk kanë ndërmend të largohen, pasi premtimi për referendum, kështu thonë, është një lojë e Erdoganit. Por ka bërë përshtypje ultimatumi i kryeministrit turk. “Kemi demonstruar durim deri në këtë moment, por durimi ka një kufi. Ky është paralajmërimi im i fundit: nëna e baballarë, largoni fëmijët tuaj prej atij vendi” – kjo është ajo që ka thënë Erdogani, duke lënë të kuptohet se “këtë herë nuk bëhet shaka”.

U bënë dy javë që kanë nisur protestat, dhe janë regjistruar 5 të vdekur, dhjetra të plagosur e të arrestuar. Nga jashtë, nga të gjitha anët, është dënuar dhuna e përdorur kundër protestuesve.

Re.Pu.