Berisha flet për apartamentin e vet, por Braçe i kujton të përmendë dhe ato të familjes

Berisha ka zgjedhur Rrashbullin për të folur për herë të parë këto vitet e fundit për ndershmërirnë e integritetin e vet. Termi ‘korrupsion’, në fakt, është zhdukur nga fjalori i Berishës. Me këtë term erdhi në pushtet 8 vjet më pare. Shqipëria, nga të gjitha organizmat ndërkombëtare, konsiderohet sot si më e korruptuar se tetë vite më parë.

Berisha citohet nga burime të ndryshme informacioni të ketë thënë në Rrashbull (ku ka denoncuar Ramën si njeri që i ndërron gratë në çdo dy vjet. “Po pse, vetëm Zeni duhet t’i ndërrojë?”, do thosh Erjon Braçe në këtë rast), se “jeton në një apartament 120 metër katrorë”. Në fakt, të gjithëve u ka bërë përshtypje që ka folur veç për apartamentin ku banon ai vetë. Por – sapo e përmendëm – Erjon Braçe, që ka kohë që s’shfaqet në rrjetet sociale (për shkak të fushatës), është bërë më në fund i gjallë. Ka shkruar në profilin e tij në facebook:

“Si si, ke thënë? Ke vetëm një apartament me 120 metra katror? Po pse gënjen? Është shumë më tepër se aq, e para. Po Gita sa apartamente ka, e dyta? Po Zeni sa apartamente ka? (në foto, vila e të birit të Berishës; sipas Temës online) Po kunati, Gimi i madh, sa apartamente ka? Përgjigju Sali Berisha. Thuaj edhe Familjes të tregojë apartamentet. Boll gënjeve.”

Re.Pu.