Të Kripura

Lajm i fundit është se Ilir Meta dhe Shpëtim Idrizi u takuan sërish për kafe në një prej hoteleve të njohura të kryeqytetit. Mesa duket ka asistuar rastësisht në këtë eveniment politik të ditës edhe një fotograf që ka arritur të kapë nga një kënd i zbehtë drite takimin jashtë zyre të kryetarit dhe nënkryetarit të kuvendit të Shqipërisë.

Ja se çfarë xhevahiresh prodhon idealizmi për ta bërë këtë vend. Lexohet në një lajm të sotshëm: “Sektori i terrenit në Drejtorinë Rajonale të Tatimeve në Tiranë ka ndërmarrë një aksion tjetër në terren duke u kërkuar arsye specifike bizneseve se pse kanë rënë xhirot. Në fokus sërish janë pikat e tregtisë me pakicë të mallrave dhe shërbimeve. Inspektorët tatimore nëpërmjet një akt konstatimi të posaçëm kërkojnë nga biznesi arsye specifike për xhirot e ulëta. Administratori i një supermarketi në Tiranën e Re thotë se një herë në 3 ditë tatimoret i kërkojnë arsye për rënies e xhiros.

Provën se qeni molos është autokton, madje qen shqiptar, e gjen Marin Mema, i cili edhe qentë i klasifikon si "Gjurmë shqiptare". Për molosin është shkruar herët, sikurse për qenin e Sharrit, por askush deri më sot nuk i kishte ngarkuar kafshët e ngrata në ndërgjegjen e kombit, as në historinë e tij të lavdishme. Me këtë rast shpresat janë të mëdha: thuhet se baneri i Ismail Morinës do të modifikohet dhe në vend të Malo Vlorës dhe Isës, do vendoset qeni molos dhe poshtë fjala e dashur: Auto...

Në një kohë që Shqipërinë po e pushtojnë pragmatistët, ka akoma në këtë tokë vend për idealistët që punojnë në... Tatime dhe në Ministrinë e Brendshme

IDEALISTET by trelosjermatis