Politikë

Në një prononcim për MCN Tv,  një aktivist i quajtur Andi Tepelena ka njoftuar se çështja e Butrintit do të shkojë në Gjykatën Kushtetuese.

Një grup juristësh është ngritur. Po punojnë për të përgatitur dosjen për në gjykatën Kushtetuese. Nuk kemi pasur dëgjesa publike dhe transparencë me komunitetin. Nga komunikimi me qytetarët ka një irritim. Duket sikur Butrinti nuk u përket qytetarëve. Ndihen të përjashtuar nga ky proces. Butrinti është emblema jonë kulturore.

Ish-presidenti i Republikës, Bujar Nishani, ka ndërruar sot jetë në moshën 56 vjeçare. Ai kaloi një moment traumatik gjatë pandemisë që duket se degjeneroi më tej simptomat dhe gravitetin e një sëmundjeje autoimmune nga e cila thuhet se vuante prej disa kohësh. Nishani ishte një figurë modeste e politikës shqiptare, por që ia doli të ruante veten të panjollosur nga llumi i akuzave për korrupsion dhe humbje ekuilibri, ndonëse ishte pjesë e vendimmarrjes kryesore.

Gjermania e Scholz po investohet për integrimin e Ballkanit Perëndimor në Bashkimin Europian, duke artikuluar një interes strategjik të unionit. Në fjalën e mbajtur para parlamentit, kancelari gjerman ka vënë në dukje se Ballkani Perëndimor nuk mund të injorohet më në kushtet e krijuara nga lufta në Ukrainë dhe pas një pritjeje të gjatë të vendeve të rajonit.

Respektimi i angazhimeve tona ndaj tyre nuk është vetëm një çështje e besueshëmrisë sonë. Sot më shumë se asnjëherë tjetër, integrimi i tyre është gjithashtu në interesin tonë strategjik

Gjatë diskutimit në Konferencën e Kryetarëve sot, përfaqësuesi i opozitës, Enkelejd Alibeaj, ndër të tjera u shpreh se kërkesa e kësaj të fundit, është që të zgjidhet një president i ri i Republikës që “të mos jetë as i Juaji, as Yni, por i të gjithë shqiptarëve”.

Z. Alibeaj vazhdoi më pas duke cilësuar disa kritere si p.sh të jetë një figurë që të përfaqësojë vlerat më të mira të kësaj shoqërie, antikomunist, që të ketë treguar se nuk tundohet nga pushteti, ta lejojë dekriminalizimi. Pra të jetë një njeri shembullor.

Dje doli lajmi se ish-ministri i Shëndetësisë, Ilir Beqja është nën hetim nga SPAK për praktikat e dy koncesioneve të shumëpërfolura: sterilizimit dhe check-up. Lajmi në vetvete konfirmon një lloj lëvizjeje sado të mekur në drejtim të zgjerimit të fushëveprimit penal në një vend ku u krijua një kastë të paprekshmish.

Para tri ditësh kryeministri Edi Rama ka ndërmarrë një sulm ndaj Strukturës së Posaçme Antikorrupsion duke vënë në dukje një “SPAK të dy shpejtësive”. Pra atë që reagon rrufeshëm ndaj kallëzimeve të “palës tjetër” dhe një SPAK që fle mbi dosje kur vjen puna për të hetuar non gratat. 

Fle mbi dosje është një metaforë, pasi në fakt si shprehje ajo është përdorur nga Sali Berisha për Theodhori Sollakun, por kuptimi është po ai. 

Nëse lexon sot mediat e pavaruara pranë qeverisë, të bie në sy një gërshetim i shkrimeve raportuese me ato “analitike” për Kuvendin e PD-së së Sali Berishës. Një video që jep Berishën që rrëzohet, pasataj një shënim i mllefosur i Roland Bejkos që bën moral, më tej Frrok Çupi që dihet se çfarë do thotë për dekadën e ardhshme, Berisha që lëshon gjuhën e kështu me radhë. Është ai që mund ta quajmë raportimi stigmatizues që luan me marifetet e titujve, incidenteve, konteksteve, si e si për të karikaturizuar një zhvillim politik.

Dje u raportua në media se kreu i Shërbimit Informativ Shtetëror Helidon Bendo ka deklaruar në Komisionin Parlamentar të Sigurisë se ndaj Shqipërisë kanë nisur forma të reja të luftës nga shërbime të vendeve jomiqësore. Ndër të tjera, Bendo citohet të jetë shprehur se: 

Në një dalje sot në media analisti Mustafa Nano u shpreh pak a shumë se fakti që ShBA po shpall non grata njerëz të politikës duhet të mjaftojë si i tillë. Pra të mos rrëmohet për arsye sepse ShBA është superfuqia e botës dhe kaq mjafton. 
Z. Nano nuk është i vetëm në këtë qasje që në të vërtetë duket se i drejtohet amerikanëve sesa shqiptarëve për t’u (stër)thënë se "unë jam pro ShBA". 

Aqif Rakipi dhe Ylli Ndroqi janë shpallur non grata nga SHBA. Arsyeja dihet: Korrupsion. Bashkë me ta edhe Nikolla Gruevski dhe disa të të tjerë në Bosnjë, përherë me akuzën e korrupsionit dhe destabilizimit. Kështu fluturoi edhe Sali Berisha, edhe Tom Doshi edhe duarakullorja i Durrësit. Puna është se këtë të destabilizimit do pak fantazi ta kuptosh, pasi këta tanët i kanë thënë lepe-peqe Amerikës aq sa janë bërë të neveritshëm.