Politikë

Kreu i PD-së, Lulzim Basha i është përgjigjur “lutjes” së një dite më parë të kryeministrit Rama për dialog politik mbi reformën në drejtësi. Basha tha se është i gatshëm të ulet me Ramën në dialog në çfarëdo forme, mjafton që sipas tij ai të ketë vullnet të zbatojë rekomandimet e Komisionit të Venecias.
“Nëse ata bien dakord për të zbatuar rekomandimet e “Venecias”, atëherë janë të mirësepritur për t’u ulur në bisedime në formatin që duan ata për të zgjidhur këto çështjet që na ndajnë”, tha Basha për mediat.

Sot paradite ka folur për  çështjen “Flamur Noka - UDB” edhe ish-presidenti i Republikës, Bamir Topi, aktualisht kryetar i Frymës së Re Demokratike, një parti që siç njoftohet ka zhvilluar sot punimet e Asamblesë Kombëtare. Tha Topi:  “Mbi bazën e disa të dhënave që s’janë të miat por janë të ekspozuara, ish Ministri i Brendshëm ka një suspekt të fortë që duhet t’i sqarojë, për lidhjet me Shërbimin Sekret Jugosllav. Me shërbimin informativ serb. I takon atij t’i sqarojë. Dhe po i kthehem një pyetje që e kam bërë në momentin kur isha president.

Ministri i Jashtëm i Shqipërisë, Ditmir Bushati, ka paralajmëruar disa kushte për homologun e tij grek, Nikos Kotzias, përpara se ky të vizitojë Tiranën në fillim të qershorit. Siç është bërë e ditur, Kotizas vjen me disa propozime, ndaj edhe Bushati, ka ndarë me opinionin shqiptar, kërkesat e palës shqiptare. "Nuk ka kushte nga Shqipëria dhe nga Greqia, ka një dialog të vërtetë, propozime, hulumtime për mënyrën më të mirë sesi mund të adresohen këto lloj problematikash.

Presidenti i Republikës, Bujar Nishani, ka iniciuar një kërkesë për hetim ndërkombëtar për ndërtimet në Parkun e Liqenit të Tiranës. Ky fakt ëhstë bërë i ditur prej vetë Nishani, gjatë një takimi të tij sot, me përfaqësues të shoqërisë civile, me kërkesë të këtyre të fundit.

Ambasadori Italian në Tiranë, Alberto Cutillo, ka folur sot në një intervistë për “Vizion Plus”, në të cilën është komentuar edhe çështja e “Pajisjes përgjuese”. Cutillo thotë se përgjigjen për këtë do ta japë Prokuroria shqiptare, me të cilën siç tha ai “kemi bashkëpunim të shkëlqyer”. “Di që ky argument ka qenë në qendër të vëmendjes se mediave dhe të debatit politik. Duke qenë se ka një hetim që po kryhet nga autoritetet shqiptare, ju e kuptoni se nuk mund të them shumë. Mund të them vetëm se bashkëpunimi ynë me Prokurorinë është i shkëlqyer.

Imazhi dhe emri i Nënë Terezës kanë provokuar reagime nga Forumi Mysliman në Durrës, ku muzeu që mban emrin e misionares katolike me origjinë shqiptare, është vendosur pranë xhamisë. “Figura e një misionare të krishterë dhe bamirëse nuk mund të jetë një justifikim për një veprimtari të tillë pikërisht në shkallët e Xhamisë së Madhe të Durrësit. I nderuar Kryetar i Bashkisë së Durrësit… Kemi besimin se ju këtë akt nuk po e bëni për të provokuar ndjenjat e besimtarëve myslimanë, të cilët nuk ndjehen të përfaqësuar nga kjo figurë.

Debati i fundit në grupin parlamentar të Partisë Demokratike konfirmoi qëndrimet e “gardës së vjetër” të opozitës për të mos pranuar me sy mbyllur ndryshimet kushtetuese të propozuara nga ndërkombëtarët si për reformën në drejtësi dhe nenet që kanë të bëjnë me orientimin seksual. Gazeta Panorama ka zbardhur një pjesë të debatit, ku duket se ka një dakordësi për t’i qëndruar linjës së ashpër në raport me ndërkombëtarët.

Partia Demokratike po i qëndron idesë se drafti final i reformës në drejtësi është përgjegjësi e legjislatorit duke hedhur indirekt poshtë alibinë e mazhorancës dhe kryeministrit që janë fortifikuar pas togfjalëshit: Komision i Venecias. Në një prononcim pas mbledhjes së Grupit Parlamentar të PD-së, kryetari i saj, Lulzim Basha, deklaroi se drafti i tretë, i propozuar nga PD-ja duhet marrë në shqyrtim.

Bashkimi me LSI-në ishte mënyra më e lehtë që Partia Socialiste e udhëhequr nga Edi Rama të vinte në pushtet në 2013-ën. 2 vite e gjysmë bashkëqeverisje u shoqëruan me hije mosbesimi dhe strategji të veçuara të dy palëve për të dobësuar njëra –tjetrën. PS angazhoi strukturat e saj në arrestimin e zyrtarëve të LSI-së të përfshirë në korrupsion, ndërsa LSI nga ana tjetër mekanizmat e saj për të diskretituar socialistët. Megjithatë Petrit Vasili thotë se koalicioni funkssionon.

Hasan Halili, ish-kryetar i Bashkisë Kukës është shpallur në kërkim. “Me kërkesë të Prokurorisë së Kukësit, Gjykata caktoi këtë të martë masën e sigurisë “arrest në burg” për ish-Drejtorin e Drejtorisë Rajonale të Tatimeve Mirdash Hoxha, ish-Drejtorin e Financës Lekë Deda dhe ish-Drejtorin e Borxhit në Drejtorinë e Tatimeve, Gëzim Ukperaj. Këta persona në bashkëpunim me njëri-tjetrin, kanë kryer një seri veprimesh te paligjshme.