Në Vëmendje

Shkarkimet politike nuk janë ndonjë gjë e re në Shqipëri, por puna ka arritur deri edukatoret e kopshteve. Emisioni Fiks Fare ka publikuar përgjimimin e një bisede mes administratores së njësisë qytetit të Rreshenit dhe përgjegjëses së çerdhes së Rubikut, e shkarkuar nga puna pasi dy djemtë e saj nuk kishin votuar në zgjedhjet lokale të vitit të kaluar. Administratorja, Flora Jushi mohon pretendimet e ish- përgjegjëses së çerdhes, Dava Kola por pranon se ka kryer bisedën.
Biseda mes ish-përgjegjëses së çerdhes dhe administratores së Rubikut:

Qeveria ka miratuar së fundmi planin e mobilizimit të përgjithshëm, ose të pjesshëm  gjatë periudhës kur kërkohet gjendja e jashtëzakonshme. “Mobilizimi ushtarak është detyrim ligjor i shtetasve për të siguruar plotësimin e njësive e të reparteve të strukturave ushtarake me personel, gjatë periudhave në të cilat janë vendosur masa të jashtëzakonshme. Mobilizimi kryhet në bazë të situatave të veçanta dhe nevojave të Forcave të Armatosura.

Biznesmenit Mihal Delijorgji do t'i jepet si dëmshpërblim nga shteti shqiptar një shumë prej 15 mijë eurosh për shkak të stresit që ai ka kaluar teksa mbahej në burg përtej afatit ligjor në Tiranë.
Vendimi është dhënë nga Gjykata e Strasburgut pas ankesës së paraqitur atje nga dy avokatët e Delijorgjit. Masa e dëmshpërblimit në fjalë është dhënë nga shteti shqiptar, sipas procedurave, ndërsa vendimi përkatës është publikuar edhe në Fletoren Zyrtare të fundit.

Në emër të shmangies së fyerjes, shumë grupe reagojnë ndaj shkrimeve dhe mendimeve ndryshe duke kërkuar me forcë shmangien e tyre. Kujt i vlen etika e heshtjes? "The Guardian" shpërndan një video ku apelon për rrezikun e kthimit të censurës, normalizimin e saj brenda nesh, duke pranuar një shoqëri arkipelagore me norma të "brendshme" që refuzon të dëgjojë. Një apel shumë i rëndësishëm:

Miratimi me procedurë të përshpejtuar i projektligjit për Byronë Kombëtare të Hetimit ngjan si një lëvizje e papritur nga qeveria  po t’i referohemi deklaratave të krryeministrit se ngritja e kësaj njësie  do të ishte pjesë  e paketës për reformës në drejtësi dhe për  këtë do të pritej mendimi i Komisionit të Venecias. Tv Klan raporton se drafti që kaloi në qeveri u kundërshtua nga ministri i LSI-së, Ylli Manjani, ndonëse pak orë më vonë kryetari i Grupit Parlamentar, Petrit Vasili doli në një konferencë për shtyp për të përshëndetur vendimin.

Nexhmije Hoxha, bashkëshorte dhe bashkëudhëtare politike e Enver Hoxhës,  ka dhënë për gazetaren Rudina Xhunga, një intervistë Lamtumire siç e ka cilësuar vetë. Materiali është i gjatë dhe përfshin aty aspekte personale të rinisë, jetës politike dhe marrëdhënieve intime me Enver Hoxhën. Intervista është rrethuar edhe me një lloj zhurme, thirrje morale etj., ndaj Xhungës dhe kundër Nexhmije Hoxhës. Duke lënë mënjanë këtë teatër, do theksuar se pyetjet për aspekte personale, bashkë me rrëfimin e Hoxhës, janë formale dhe tingëllojnë shumë të dëgjuara.

Siç pritej qeveria miratoi propozimin e Ministrisë së Financave për krijimin e njësive të auditit të brendshëm për ministritë dhe institucionet e varësisë të organizuara me degë territoriale dhe bashkitë. Krahas këtij vendimi qeveria ka miratuar në mbledhjen e datës 3 shkurt, edhe kriteret që duhet të plotësojnë punonjësit e administratës publike, për t’u përzgjedhur si inspektor financiar publik.

Ligji për rritjen e sigurimeve për profesionet e tlira ka bërë që avokatët të hidhen në grevë, ndërsa është pezulluar puna në gjykatat e vendit. Kështu, mësohet se avokatët e Fierit kanë bojkotuar të gjitha çështjet gjyqësore.
Kreu i Dhomës së Avokatisë Zenun Hajdërmataj pohoi se nëse nuk ndryshon vendimi për tarifat minimale të pagës. “Jemi të gjithë të bashkuar. Kush shkel vendimin do ketë masë disiplinore”, tha Hajdërmataj.
Ndër të tjera vetëm ditën e sotme ishin rreth 60 çështje civile dhe penale.

Makina e ministrit të Shëndetësisë Ilir Beqaj është goditur me vezë nga aktivistë të Aleancës Kuq e Zi.Incidenti ka ndodhur mëngjesin e kësaj të hëne jashtë ministrisë që ai drejton, teksa aktivistët e AK-së po e prisnin Beqajn aty.
Aktivistët mësohet se kanë thirrur ndaj tij: “Hajdut, hajdut”, teksa kanë qëlluar mbi makkinën e tij dhe stafin e Beqajt. Burime nga policia thonë se në momentin e ngjarjes, ministri Beqaj nuk ka qenë në makinë.
Me protestat me vezë dhe domate Aleanca Kuq e Zi po ndjek shembullin e opozitës në Kosovë që ka sulmuar disa ministra në këtë mënyrë.

Prokuroria po mbyll me qindra dosje penale që adresojnë krime kibernetike. “AbcNews” raporton se “Prokuroria po mbyll qindra dosje penale, edhe me persona nën hetim për krime të ndryshme kibernetike, për shkak të mungesës së ekspertëve në laboratorin e policisë shkencore dhe bazës logjistike”. Hetimet po pushoj ë për shkak të vonesave në ekspertim që sjell shkelje të afateve ligjore të shqyrtimi, duke evidentuar një problem të madh dhe serioz. “Sipas prokurorisë, prej muajsh laboratori i Policisë nuk kthen përgjigje për ekspertime të cilat janë dërguar për t’u kryer.