Lajme

Mediat në Greqi raportojnë mbi një sulm fizik ndaj kryebashkiakut të Selanikut, Yiannis Boutaris kryer nga pjesëtarë të ekstremit të djathtë.

Situata është tensionuar dhe ka arritur deri në akte dhune, gjatë një ceremonie për përkujtimin e masakrës ndaj grekëve të Pontit kryer nga Turqia në fillim të shekullit të 20-të.

Adolf Hitleri ka vdekur në vitin 1945 si pasojë e helmimit me cianur dhe qitjes me një plumb. Një shkencëtar franez, Philippe Charlier i ka deklaruar së fundmi AFP-së se atij iu dha mundësia e rrrallë që të analizonte fragmente të dhëmbëve të Hitlerit që mbahen në Moskë.

Dhëmbët janë autentikë, nuk ka asnjë dyshim për këtë. Studimi ynë provon se Hitleri vdiq në vitin 1945

shprehet ai.

Gazetari Jetmir Olldashi që ka marrë përsipër se ka kryer investigimin ku protagonist është vëllai i ministrit të Brendshëm, Fatmir Xhafaj dhe shtetasi Albert Veliu, ka paralajmëruar sot për materiale të reja. Në një konferencë për shtyp, ai ka bërë të ditur se jo çdo gjë është transmetuar nga PD-ja duke njoftuar kështu një pjesë të dytë që do të përcillet nga emisioni “Ajsberg”.

Shenjë e mirë, por një hap mbrapa për zgjerimin e Bashkimit Europian drejt Ballkanit Perëndimor. Kështu e ka përshkruar samitin e Sofjes, zv.presidentja bullgare, Iliana Iotova e cila është prononcuar për këtë zhvillim gjatë një vizite në Çeki.

Në vitin 2015 u hoq nga presidentin e UEFA-s dhe iu ndalua çdo përfshirje në futboll, për shkak të skandaleve financiare. Tre vjet më vonë, Mishel platini lëshon  një tjetër bombë ... , duke folur për ndeshje të manipuluara në Kupën e Botës të vitit 1998 në Francë.

Trofeun e  atij viti e fitoi  vendi organizator, Franca duke mundur 3-0 Brazilin në finale. Por për të arritur këtë qëllim Platini  pranon se ishte ndërhyrë që dy kombëtaret të mos përplaseshin në raundet e mëparshme, por vetëm në finale.

Lajmi i ditëve të fundit se kreu i lëvizjes majtiste Podemos në Spanjë, Pablo Iglesias dhe gruaja e tij kanë blerë një vilë luksoze në fshat ka ngjallur reagime të ashpra te spanjollët. Blerja e vilës luksoze nuk do ishte komentuar nëse blerësi nuk do të ishte Pablo Iglesias, udhëheqësi  i Podemos, i cili u bë i njohur si aktivisht kundër ankandeve në Spanjë.

Prokuroria e Tiranës akuzohet  se nuk ka bërë hetime të thellura për të zbardhur vdekjen e 17-vjeçarit Ardit Gjoklaj në landfillin e Sharrës, duke mbyllur dosjen për përgjegjësitë e Bashkisë së Tiranës.

“Faktet duhet të kishin shkundur policinë dhe prokurorinë për të kryer hetime të thella dhe të specializuara  me të gjitha metodat dhe format e lejuara ligjore” shprehet trupa gjykuese në vendimin e zbardhur.

Në një material të përgatitur nga TemaTv mbi sigurinë e argjinaturave në lumen e Tiranës ngrihen dyshime mbi investimet e kryera dhe aftësinë e tyre mbrojtëse. Dyshimet i ngre një ekspert, inxhineri Fitim Ballo, i angazhuar në disa projekte, sipas të cilit punimet e bëra e që kanë shkuar në 15 milionë euro, nuk garantojnë asgjë. Arsye sipas tij është përllogaritja e prurjeve që ka çuar në gabime.

Një pikturë e Amedeo Modigliani-t u bë vepra e katërt e artit me çmimin më të lartë të shitur në një ankand. E titulluar "Nu couché", tabloja e një gruaje nudo të shtrirë kapi shifrën e 157.2 milionë dollarëve.

Shtëpia 274-vjeçare e ankandeve konfirmoi se piktura në vaj kishte arritur çmimin më të lartë të çdo pune në historinë e kompanisë. E njëjta punë Modiglianit në 2003-in kishte një vlerë prej 27 milionë dollarësh.

"Republika e Maqedonisë së Ilindenit” në variantin e papërkthyer “Republika Ilindenska Makedonija») është emri i ri i propozuar nga Shkupi në kuadër të bisedimeve me Greqinë. Megjithatë, sipas mediave, "Maqedonia e Re " dhe "Republika e Maqedonisë së Epërme" (Nova Maqedonia, Gorna Maqedonia) janë variantet kryesore që mbeten në tryezën e diskutimeve.

"Ilinden" lidhet me  kryengritjen në Ilinden  në 20 korrik 1903, në ditën e  Profet Ilias, kur Komitët (grupi separatist bullgare, me sloganin "Maqedonia për maqedonasit" kërkuan ose autonomi ose varësi nga  Bullgaria.