Lajme

Presidenti rus Vladimir Putin dekretoi ligjin mbi "kundërmasat ndaj veprimeve jomiqësore të Shteteve të Bashkuara dhe disa vende të tjera", ligj  i cili në thelb përbën një përgjigje ndaj sanksioneve të vendosura nga Shtetet e Bashkuara dhe disa vende prillin e kaluar.

Ligji u miratua nga Duma më 22 maj dhe të miratuara nga Këshilli i Federatës më 30 maj. Ndër të tjera, ligji i jep të drejtë presidentin rus të ndërpresë marrëdhëniet me vendet jomiqësore dhe të imponojë kufizime të tregtisë mbi mallrat e importuara nga këto vende.

Nyakim Gatwech, është një modele nga Sudani i Jugut që u mëson njerëzve të mos kenë frikë nga e errëta. 24 vjeç, ajo është tashmë një ikonë e modës dhe jeton në Minneapolis, nuk druhet aspak për ngjyrën e lëkurës, që është e zezë e theksuar.

Ngjyra ime çokollatë është elegante. Kështu është ajo  që prezantoj…Një komb luftëtarësh

shprehet ajo në një nga fotot në Instagram.

Më tej ajo shpjegon se iu kërkua nga një shofer i Uber që të zbardhte lëkurën, kërkesë ndaj së cilës iu përgjigj me një të qeshur.

Perëndimi po shton përpjekjet e veta që Serbia të heqë dorë nga doktrina e neutralitetit ushtarak dhe të bëhet pjesë e NATO-s. Lajmin e bën të ditur gazeta serbe “Vecernje Novosti” sipas të cilës në Serbi pritet të krijohet ai që quhet “Club 100”, në të cilin do të hyjnë profesorë universiteti dhe figura publike që do të promovojnë hapur nevojën e hyrjes së Serbisë në Aleancë.

Tashmë është bërë publike mundësia e lëvizjes së Blendi Fevziut nga Tv Klan drejt Top-Channel. Në vetvete ky nuk është ndonjë lajm që ka interes publik, por duke qenë se mediat kryesore në vend janë paradhoma të pushtetit, zhvillimet në fjalë meritojnë të trajtohen.

Kështu, pak muaj më parë disa media kërkuan të trondisnin psikologjikisht drejtuesen e Top-Channel me largimin e drejtorit Sokol Balla, ikja e të cilit u trajtua si një humbje e parikuperueshme. Në fakt e kundërta ndodhi. Balla humbi vizibilitetin dhe rëndësinë dhe Top-Channel jo.

Shoqëria njerëzore është e papërgatitur për shfaqjen dhe përhapjen e inteligjencës artificiale, paralajmëron Henry Kissinger. "I tmerrshmi" i politikës amerikane, i cili gjithmonë ka qenë i njohur për realizmin, në mos për cinizmin e tij, pavarësisht moshës së avancuar 95 vjeçare, e gjeti të dobishme të ndërhyjë në revistën amerikane "Atlantic", me artikullin me titull, "Fundi i Iluminizmit".

Miliarderi hungarez Xhorxh Soros e ka akuzuar qeverinë e re italiane si të afërt me interesat ruse. Gjatë një deklarate në Festivalin Ekonomik të Trentos, Soros ka shkuar edhe më tej duke akuzuar ministrin e Brendshëm italian Matteo Salvini si një njeri të paguar nga presidenti rus Vladimir Putin. Për këtë ai iu referua edhe deklaratave të përfaqësuesve të qeverisë së re italiane për të hequr sanksionet ndaj Rusisë. Sipas Soros, Putin kërkon të domonojë Evropën, nuk do ta shkatërrojë, por ta lodhë atë.

Rreth dy vite më parë, kryebashkiaku i Tiranës, Erion Veliaj, u premtoi qytetarëve të Tiranës se 5 kullat te diga e Liqenit Artificial nuk do të ndërtohen. Veliaj deklaroi se bashkia ka disa plane që do të pengojnë ndërtimin e tyre.

Por sot, rreth dy vite më vonë, premtimet e Veliajt duket se kanë qenë retorikë, pasi që prej 3 prillit kur Gjykata Administrative e Apelit dha vendimin në favor të bashkisë dhe kompanisë "Gener 2", punimet kanë rinisur dhe po vijojnë me shpejtësi për të fituar edhe kohën e humbur nga seancat gjyqësore.

Partia opozitare e VMRO DPMNE në Maqedoni zhvilloi një mbledhje të madhe anti-qeveritare në Shkup. Kreu i saj, Hristo Mickovski bëri thirrje për zgjedhje të parakohshme dhe paralajmëroi aksione kundër ndryshimit të emrit.
"Le t'i ndalojmë para se të jetë tepër vonë, duhet të bëjmë zgjedhje të parakohshme në të njëjtën kohë me ato presidenciale, të formojmë një qeveri teknokratike 100 ditë përpara sondazheve dhe le të shohim nëse njerëzit pajtohen me atë që Zoran Zaev dhe partia e tij po bëjnë",- tha Hristian Mickovski .

Media të ndryshme si agjencia ruse “Sputnik” dhe televizioni Iranian “PressTv” raportojnë mbi një deklaratë të sekretarit të Përgjithshëm të NATO-s, Jens Stoltenberg, dhënë për revistën gjermane “Spiegel” sipas të cilit në rast të një sulmi të Iranit ndaj Izraelit, Aleanca nuk do të ndërhyjë.

Izraeli është partneri i NATO-s, por përderisa nuk është anëtar i Aleancës, Neni 5 nuk mund të aplikohet

Drejtoria e Shërbimit të Transportit Rrugor po përgatit një sërë aktesh nënligjore të cilat parashikojnë lehtësimin  të procedurave për regjistirimin e mjeteve për herë të parë dhe ndryshimin e pronësisë. Lajmin e bënë të ditur për Tema Tv, Drejtori i Drejtorisë së Regjistrimit të Mjeteve, Fiqiri Midha, ndërsa kjo drejtori ende nuk ka një përgjigje për kalimin e kontrollit fizik të mjeteve te privati.