Lajme

Kërcënime me vdekje ka marrë ka ministri i Jashtëm grek Nikos Kotzias pas marrëveshjes për emrin e Maqedonisë. Vetë Kotzias tha në një intervistë radiofonike se ka marrë letra të ngjyrosura me gjak dhe kuti me plumba pas firmosjes në Prespë për Maqedoninë Veriore.

"Kam marrë 800 kërcënime kundër jetës dhe familjes sime. Më kanë dërguar kuti të mbushura me plumba dhe plisa të vaditur me gjak”-tha Kotzias. Por më e rëndë akoma është se pamvarësisht se ministri i Jashtëm grek i është drejtuar Prokurorisë askush nuk reagon.

Një vit kohë ka Shqipëria për të treguar prova konkrete në luftën kundër krimit të organizuar dhe korrupsionit. Të paktën ky ishte pretendimi i Holandës dhe Francës, dy prej vendeve që kundërshtuan hapjen tani të negociavate të anëtarësimit me vendin tonë.Qeveria e ka hedhur topin e përgjegjësisë sa te opozita të cilën e etiketon esadiste, aq dhe te mosmarrëveshjet e brendshme në gjirin e BE-së.

Erion Veliaj shpalli marrëveshjen me artistët, qeveria miraton në mbledhje projektligjin e shumëdiskutuar për Teatrin dhe kullat në zonën përkatëse.

Kjo ka ndodhur dje me shpejtësi të madhe teksa pak orë pasi kryebashkiaku i Tiranës Veliaj, përdori tre artistë si figurantë në një takim ku u shpall arritja e marrëveshjes, manovra e të cilit është pasuar nga një firmë e zv.kryeministres Senida Mesi e cila firmos prej kohësh në vend të kryeministrit Edi Rama.

Si çdo gjë tjetër që lidhet me Bashkinë e Tiranës edhe lista me 65 emrat e artistëve që kanë firmosur një peticion për shembjen e godinës ekzistuese dhe ndërtimin e një teatri të Ri është me fallcitete. Dy nga emrat që presupozohet se kishin firmosur për vizionin e Veliajt dhe kompanisë “Fusha Sh.p.k” ishin edhe regjisori i njohur Pirro Mani dhe bashkëshortja e  tij Pavlina Mani, të cilët jetojnë prej vitesh në SHBA.

Por në një prononcim për gazetën “Shekulli” Pirro dhe Pavlina Mani mohojnë të kenë firmosur një peticion të tillë, aq më tepër për shembjen e Teatrit.

Vazhdon debati për Teatrin Kombëtar nëse duhet rikonstruktuar godina ekzistuese apo të ndërtohet një godinë e re, diskutim ky që ka sjellë debate mes artistëve por edhe vetë politikës. Një pjesë e artistëve janë kundër shembjes së kësaj godine dhe këtë gjë ata e ka

Partia Demokratike kërkon hetim për përmbytjen e Bibliotekës Kombëtare dhe Bashkisë së Tiranës. Deputetët Romeo Gurakuqi dhe Hekuran Hoxhalli thanë se kjo situatë erdhi si pasojë e punimeve skandaloze në Sheshin Skënderbej.

Sipas tyre megjithëse është kryer 20 milionë euro investim mungon sistemi i shkarkimit të ujërave nëntokësorë.

Bashkimi Europian është duke u përballur me një krizë ekzistenciale dhe mund të shpërbëhet brenda 12 muajve të ardhshëm, thotë në një intervistë për revistën gjermane Der Spiegel, Ministri i Brendshëm italian dhe zëvendëskryeministri Matteo Salvinin.

Kisha Orthodhokse greke, përfshirë Patriarkanën e Stambollit, ku ajo ka selinë qendrore kryesore, është përfshirë prej një muaji në një debat shumë të madh që ka të bëjë me disa teza të hedhura nga miliarderi greko amerikan, Efstathios(Stathios-Steve) Valiotis.

Kryebashkiaku i Tiranës, Erion Veliaj, njoftoi përmes rrjeteve sociale se ka arritur një marrëveshje në lidhje me Teatrin Kombëtar. Në një postim në profilet e tij, Veliaj shfaqet krah artistëve që ishin kundër prishjes së Teatrit Kombëtar, si regjisori Altin Basha dhe aktorët Arben Derhemi e Alfred Trebicka. Veliaj shprehet se marrëveshja e arritur me artistët është një dritë jeshile për negociatat për një teatër të ri. Detaje në lidhje me këtë marrëveshje nuk dihen ende.

Gjykata e Lartë në Serbi ka dënuar me dy vjet heqje lirie, Mirjana Markoviç, bashkëshortja e ish-presidentit serb, Sllobodan Millosheviç. Akuza për Markoviç ishte për posedim të paligjshëm apartamentesh në vitin 2000 dhe ajo merr fund 15 vjet pas zyrtarizimit të saj.

Markoviç u dënua në mungesë pasi ajo që në vitin 2005 është në kërkim ndërkombëtar dhe bashkë me të dënime u dhanë ede për Zivka Knezeviç, ish-sekretare e qeverisë serbe dhe për ish-drejtorin e Shërbimeve Diplomatike, Milos Loncar. Markoviç ndodhet në Rusi si azilante politike.