Lajme

 “Skenari për rritjen e temperaturës mesatare në Tokë me 1.5 gradë Celsius gjatë 12 viteve të ardhshme dhe çlirimi i baktereve të lashta është më e  pakta që duhet të na shqetësojë”-thotë Profesor Peter Frankopan nga Universiteti e Oksfordit

I specializuar në çështjet e  mjedisit ai aralajmëron njerëzimin dhe sidomos fuqitë e mëdha se pasojat mjedisore të rritjes së temperaturës globale duhet të frikësojnë komunitetin botëror. Kjo për shkak se nga akulli që shkrin në Arktik ka gjasa të çlirohen bakteret e fjetura, të cilat mund të çojnë në zhdukjen e njerëzimit!

Në komisionet e Kuvendit u diskutua buxheti faktik i 2017. Shifrat nuk përbëjnë ndonjë interes në vetvete, pasi raportimi është kthyer në procedurë rutinë aq më tepër që qasja ndaj statistikave nuk reflekton ndonjë transparencë në nivel politikash të qeverisë.

Xhamia e Namazgjasë në zemër të Tiranës së shpejti do të bëhet qendra më e madhe e adhurimit mysliman në Ballkan, një tempull me hapësirë ​​për 5.000 adhurues dhe që ka kushtuar 30 milionë euro dhe është financuar plotësisht nga Turqia. 

“Punimet janë në fazën e tyre përfundimtare; kaligrafitë që do të stolisin muret e brendshme dhe disa punime  të vogla janë drejt përfundimit”, u shprehën burime të Bashkësisë Myslimane të Shqipërisë (KMSH).

Lideri serb i Bosnjës, Milorad Dodik, udhëtoi në Rusi për një garë të Formula 1, jo se është ndonjë tifoz i madh sportit, por për t’u takuar me presidentin rus Vladimir Putin. Pamjet nga Soçi tregonin Putin duke uruar Dodik për "sukses" në zgjedhjet serbe të Bosnjës dhe rajonin autonom të kontrolluar nga serbët, Republika Srpska.

Videoja ishte një shprehje e qartë e ndikimit rus në një nga zonat më të ndjeshme të Ballkanit, ku Perëndimi ka kërkuar të nxisë pajtimin dhe reforma pas luftës së ashpër mes grupeve të ndryshme etnike në vitet 1990.

Avokati i Popullit po ndjek me shqetësim problemin e banorëve të Shkozës, të cilët janë prekur nga projekti i ndërtimit të Unazës së Madhe. 

Institucioni i Avokatit të Popullit ka hartuar një raport të veçantë për këtë çështje, ku ka konstatuar se Inspektorati Kombëtar i Mbrojtjes së Territorit  dhe ALUIZNI ka konsumuar një sërë shkeljesh ligjore në veprimtarinë e tyre.

Eksperti pranë Avokatit të Popullit, Alket Jaupi, thotë se raporti ka evidentuar mungesë transparence nga ana e IKMT-së. 

Viktor Orban është i  njohur për politikat kundër refugjatëve, emigrantëve, romëve dhe në përgjithësi shtresave vulnerabël. Politikat e qeverisë së ekstremit të djathtë shpesh kanë provokuar reagime ndërkombëtare - edhe mes anëtarëve të familjes evropiane - por e vërteta është se asgjë nuk është bërë deri tani për ta frenuar.

Sicc shkruan BBC së fundmi qeveria e tij miratoi ligjin që ndalon njerëzit të flenë në rrugë apo parqe publike. Natyrisht, ky ndalim nënkupton një ndalim thelbësor të njerëzve të pastrehë që të jetojnë në rrugë.

Pas Volkswagen, Audi, Daimler dhe BMW, edhe Opel përfundon në syrin e ciklonit të drejtësisë gjermane, duke e zgjatur listën e prodhuesve të automjeteve të përfshirë në skandalin Dieselgate. Në të njëjtën ditë, shtëpia e automobilave në Ruesselheim ka marrë dy goditje: në mëngjes Prokuroria ka autorizuar një kontroll në selinë tregtare, ndërsa pasdite autoritetet kanë njoftuar për tërheqjen nga tregu të 100.000 automjeteve.

Arabia Saudite ka vendosur shtrëngime të reja penale për lajmet e rreme. Sipas raportimeve të Saudi Gazzette, Riadi zyrtar kërcënon me pesë vjet burg për ata që përhapin lajme të  rreme online. Njoftimi referon deklarimet publike të Prokurorisë Publike sipas së cilës neni 6 I Rregullores për Krimet Kibernetike parashikon pesë vjet burg dhe 3 milionë Rial gjobë nëse diksuh shpërndan dhe prodhon elektronikisht materiale që prishin rendin publik, cenojnë vlerat fetare, moralin publik dhe privatësinë.

Kisha Ortodokse Ruse në Sinodin e Minskut mori vendimin për të shkëputur lidhjet me Patriarkanën Ekumenike të Stambollit për shkak të vendimit të Patriarkanës për të njohur autoqefalinë e Kishës së Ukrainës.

Në të njëjtën kohë, Kisha Ruse shprehu besimin se Patriarkana do të ndryshojë pikëpamjen e saj për këtë çështje.
Duke folur nga Bjellorusia, pas Sinodit të Kishës Ruse, mitropoliti Hilarion tha se "Sinodi i Shenjtë rus nuk kishte zgjidhje tjetër përveçse të shkëpuste lidhjet me Patriarkanën e Stambollit".

Është vendosur në rrethrrotullimin e Zogut të Zi në Tiranë, një vepër artistike e Helidon Xhixhës.

Ajo quhet “Cosmic S” dhe qëndron në mes të një lulishteje rrethore në linjën e perimetrit të së cilës janë ndërtuar disa shatërvanë. Vepra konsiston në dy piramida të kundëvendosura vertikalisht. Vetë autori ka përcjellë disa mendime për veprën duke shtuar se ja dedikon atë Tiranës dhe ndryshimeve që ajo po pëson.