Lajme

Dy ditë pasi kryeministri grek Alexis Tsipras deklaroi se sjellja e qeverisë shqiptare me pronat e banorëve të Himarës do të kushtëzojë qëndrimin e Greqisë për hapjen e negociatave për Shqipërinë, kreu i qeverisë shqiptare është përgjigjur me atë që di të bëjë më mirë: të fajësojë të tjerët. Ai ka nxjerrë kryetaren e Komisionit Parlamentar të Sigurisë, Ermonela Felja që të flasë për një rrezik të shtuar ndaj Shqipërisë nga faktorë të huaj.  

Një video e publikuar nga mediat greke përcjell pamje të rënda të një vrasjeje të burgun e Koridhalosë. Viktima është Arbër Bako, i dyshuar për lidhje me grupim që ekzekutoi avokatin e njohur grek, Mixalis Zafeiropoulos dhe vrasjen në tentativë të një avokati tjetër, Giorgios Antonopoulos. Po kështu Bako është autor i ngjarjes në një lokal në Pire ku ai hapi zjarr me kallashnikov dhe la të plagosur 14 persona. 

Modelja greke Georgia Kaltsi ka marrë pjesë në një paradë mode në Athinë ku ka sfiluar në karrocën me katër rrota. Ajo pësoi një aksident në vitin 2015 që e paaftësoi për të ecur por nuk e dekurajoi të ndjekë pasionet e jetës së vet si skitë, kanoet dhe noti.

Pak kohë më parë, ish presidenti Bamir Topi, ka bërë të ditur, madhështinë dhe sidomos veçantinë e syzeve të diellit, që ai disponon. Në një intervistë në mes të ullishtes së banesës së tij, ish presidenti Topi, i ka deklaruar gazetares Bieta Sulo, se këto syze të rralla i shkojnë shumë formatit të tij. Mendohet se syzet e Bamir Topit janë prodhim limited edition (prodhim i limituar). Në të gjithë botën janë bërë vetëm njëqind syze të tilla. Në Ballkan, këto syze, pëveç Bamir Topit, i disponon edhe Tom Doshi dhe Nikola Gruevski.

Zusana Caputova është shpallur presidentja e parë femër në historinë e Sllovakisë. Ajo ka fituar zgjedhjet, ndonëse nuk ka patur thuajse fare përvojë politike, përballë diplomatit të lartë Maros Sefcovic, i nominuar nga partia në pushtet. Zgjedhjet në Sllovaki pasuan vrasjen e një gazetari investigativ vitin e kaluar, Jan Kuciak. Presidentja e sapozgjedhur ka deklaruar se ajo vendosi të kandidojë për shkak të kësaj vrasjeje dhe në fakt ja ka dalë duke fituar 58% të votave.

Presidenti i Kosovës Hashim Thaçi ka postuar në profilin e  vet në Facebook një status të shkurtër përkujtimor për atë që njihet si Masakra e Tivarit. Ngjarja ndodhi në mars – prill të vitit 1945 kur disa skalione rekrutësh shqiptarë nga Kosova, të shoqëruar nga trupat partizane jugosllave marshuan nga Prizreni në Tivar ku mendohej të stërvitesin dhe të hidheshin në front. 

Në Tivar sipas burimeve të ndryshme janë vrarë diku mes 400 – 1700 shqiptarëve, ndërkohë që burime të ndryshme flasin edhe për 4300 të vrarë. 

Ndiqeni këtë video që shpërndahet sot në Facebook-un e Kryeministrit Edi Rama. Pas kaq kohësh zoti Rama të bën edhe të qeshësh. Me pamjen e tij, me faktin se ndodhet në një vend ku nuk ka pse të ishte, me improvizimin pa lidhje të një skeçi punësimi dhe zhvillimi, krah për krah me të zhgraduarin Vangjush Dako dhe sidomos me faktin se vërdalloset në një lavanderi ku punojnë gratë para kamerës i vetëdijshëm se nuk ka çfarë bën aty.

Po paragjykojmë dhe jemi kedashës? Dakord.

Kryeministri Edi Rama ka komentuar sot komentet e bëra mbi raportin e DASh për strategjinë e luftës kundër drogës.

Të pamësuar të lexojnë, të paaftë të kuptojnë dhe të padëshiruar të shohin e të flasin tjetër gjë, përveç të keqes që u dëshiron syri e u nxjerr goja, rrugëhumburit e politikës e të medias e keqpërdorën edhe këtë raport si gjithçka tjetër, për të tërhequr zvarrë publikun në llumin e fjalëve të tyre

shkruan z. Rama në Facebook.

Radikalizimi penal për akte të ndryshme, duket se nuk i mungon shekullit të 21-të. Sulltanati i Bruneit ka vendosur të shtojë masat ndëshkuese në Kodin Penal për tradhëtinë bashkëshortore dhe homoseksualizmin. Kështu sipas dispozitave të Sheriatit që janë pezulluar për katër vjet, homoseksualizmi do dënohet me vdekje, me gjuajtje me gurë. Dispozita do të aplikohet vetëm mbi myslimanët. I njëjti dënim mendohet të jepet për ata që kryejnë akte seksuale jashtëmartesore.

10 vjet më parë Banksy krijoi këtë tablo të parlamentit britanik  të titulluar “Devolved Parliament”. Vepra e artistit të famshëm pasqyron Parlamentin Britanik të mbushur me ... shimpanze.  Muzeu i Bristolit vendosi ta ekspozojë me rastin e datës zyrtare të Brexit, planifikuar fillimisht për sot, proces që përfundimisht do të shtyhet.

Piktori e ripostoi tablonë në llogarinë e tij në Instagram me mbishkrimin: