Lajme

Abc News raporton sot për situatën e ndotur të liqenit të Fierzës në Kukës si pasojë e prurjeve të lumenjve, Drini i Bardhë dhe Drini i Zi që sjellin me vete mbetjet urbane nga Kosova dhe Maqedonia e Veriut.

Pamjet e transmetuara flasin qartë dhe duke patur parasysh se për mbetjet e Shqipërisë që derdhen në detin Adriatik është ankuar shpesh Kroacia, atëherë mund të kuptohet mirë se të paktën në një pikë unifikimi doganor është arritur në Ballkanin Perëndimor.

Jezusi i Nazaretit (Jezusi i Nazaretit) – Filmi emblematik i Franco Zeffirelli me lojën e Robert Powell konsiderohet si prodhimi më realist që i referohet, jetës, pasionit dhe ringjalljes së Jezu Krishtit në historinë e ekranit të vogël

Që nga viti 1977 që u shfaq premierë në televizion, ai u bë filmi referencë i Pashkëve, të cilat nuk kuptohen pa “Jezusin e Nazaretit”.

Nuk ka më asnjë dyshim se vëmendja e Shteteve të Bashkuara ndaj Ballkanit është rritur dhe në këtë pikë busulla është orientuar drejt interesave që ka imponuar marrëveshja Greqi, Qipro, Izrael për gazsjellësin East Med.

Mediat në Britaninë e Madhe po sjellin në vëmendje një “polemikë” mes ambasadorit shqiptar në Londër, Qirjako Qirko dhe autores së suksesshme të romaneve erotikë. EL James, emri i vërtetë i së cilës është Erika Leonard.

Ambasadori Qirko është ankuar për novelën e fundit të autores që ka shkruar edhe “Pesëdhjetë hijet e Greit”, ekranizuar në mënyrë po kaq të suksesshme. Gazeta e njohur “The telegraph” i ka marrë një prononcim diplomatit shqiptar që thotë se në librin e saj të fundit, shqiptarët portretizohen në mënyrë të pasaktë.

Dje televizioni News24 transmetonte një kronikë mbi vizitën e disa biznesmenëve sauditë në Shqipëri të cilët siç thuhej aty ishin në vendin tonë me ftesë të kryeministrit Edi Rama. Përtej aspektit publictar të kronikës, po veçojmë prononcimin e një prej biznesmenëve që deklaron se do të investojë në qendër të Tiranës dhe në bulevardin e ri të saj. 

Ukraina ka hyrë në ujëra politike të paeksploruara pas rezultatit të zgjedhjeve presidenciale, ku një komedian pa përvojë politike dhe pa një program të posaçëm politik, fitoi mjaftueshëm vota për t'u bërë presidenti i ardhshëm.

Sipas exit poll-eve, Volodymyr Zelensky është zgjedhur me afro 73% - të votave, rezultat që nuk e ka arritur më parë asnjë figurë tjetër në historinë e vendit.

Stevo Pendarovski, kandidati properëndimor për president në Maqedoninë e Veriut duket se është favoriti i zgjedhjeve të së djelës.  

Republika e Qipros Turke ka deklaruar se do të kërkojë gaz dhe naftë në Zonën Ekskluzive Ekonomike rë Qipros. Për këtë, ky entitet që njihet vetëm nga Turqia ka informuar edhe Organizatën ë Kombeve të Bashkuara përmes një letre drejtuar sekretarit të Përgjithshëm, Antonio Guterres.

Sipas kësaj letre, Qiproja Turke ka informuar se kërkimet do të kryhen nga anija turke “Barbaros” dhe ato do të nisin në ditët në vijim.

Besimtarët katolikë kremtojnë sot festën e Pashkëve. Në meshën e mbrëmshme, qindra besimtarë iu drejtuan katedrales së Shën Palit në Tiranë për t’u lutur për më shumë mbarësi e paqe, ndërsa mesha e shenjtë ka zgjatur deri pas mesnate.

Imzot xhorxh Frendo në mesazhin për festën e Pashkës foli për fenomenet negative të shoqerisë shqiptare, ku mbizotërojnë veset.

Ai tha se droga, mashtrimi dhe korrupsioni po dominojnë shoqërinë tonë dhe kanë vdekur shpresën.

Në 138 ka arritur numri i të vdekurve nga shpërthimet në tre kisha dhe tre hotele ku festoheshin Pashkët në Sri Lanka, ndërsa numri i të plagosurve llogaritet në 400. Sipas autoriteteve  në mesin e të vdekurve  nëntë janë shtetas të huaj.

"I dënoj fuqishëm sulmet frikacake ndaj popullit tonë sot. I ftoj të gjithë  në Sri Lanka të qëndrojnë të bashkuar dhe të fortë në këto kohë tragjike "-theksoi  në twitter  kryeministrit i vendit, duke shtuar se qeveria do të marrë masa të menjëhershme për situatën.