Lajme

Chadwick Boseman, aktori që u bë i njohur me rolin e Black Panther në serinë e produksioneve të superheronjve të Marvel, ka ndërruar jetë në moshën 43 vjeçare. Ai ishte diagnostikuar me kancer në zorrë katër vjet më parë, por megjithatë nuk hoqi dorë nga aktiviteti filmik.

Të gjithë filmat janë filmuar mes një serie ndërhyrjesh kirurgjikale dhe kimioterapish. Ishte në nderin e karrierës së tij të sillte në skenë mbretin TCalla me Black Panther

u shprehën pjesëtarë të familjes së tij.

Një tjetër rast riinfektimi me CoVid-19 njoftohet në media. Kësaj radhe bëhet fjalë për nkë 25 vjeçar në Nevada të ShBA i cili ishte konfirmuar pozitiv në muajon prill dhe u riinfektua pasi ishte shëruar herën e parë. 

Sipas raportimeve në media rasti është përfshirë në një studim të paredaktuar dhe duhet pritur një konfirmim zyrtar. 
Herën e dytë 25 vjeçari ka patur simptoma më të rënda, ndërkohë që virusi nga i cili është riinfektuar është pak më i ndryshëm nga ai i prillit. 

Kryeministri i Shqipërisë ndodhet në një pozitë të vështirë publike. E vështirë në perspektivën e dëmtimit të imazhit, ashtu siç e percepton ai. Kemi të bëjmë me të ashtuquajturën çështje e detit me Greqinë.

Kancelarja gjermane Angela Merkel ka deklaruar se të gjitha vendet e Bashkimit Europian kanë një detyrim për të mbështetur Greqinë në dvergjencat e saj në Mesdheun Lindor.

Kryeministri japonez, Shinzo Abe ka deklaruar se do të dorëhiqet për arsye shëndetësore. Abe ka konfirmuar para gazetarëve se ai po trajton prej disa kohësh kolitin ulçeroz që e detyroi të largohej nga detyra edhe në vitin 2007. Ai ka sqaruar se do të presë derisa partia e tij Liberal Demokratike të zgedhë pasuesin dhe se më pas do të preferonte të qëndronte si deputet i thjeshtë.

Një grua 66 vjeçare nga Kalifornia e SHBA, mund të jetë personi i parë në botë që të jetë shëruar nga HIV pa ndjekur ndonjë kurë apo pa kryer transplant palce. Në një studim që ka marrë në shqyrtim 63 persona që kanë provuar se trupi i tyre e kontrollon virusin pa e lejuar të riprodhohet, rezulton se Loreen Willenberg është shëruar tërësisht. Përveç saj, janë edhe dy persona të tjerë që janë deklaruar të shëruar nga HIV, Adam Castillejo në Londër dhe Timothy Brown nga Palm Cprings. Por të dy iu nënshtruan transplantit të palcës që konsiderohet procedurë shumë e rrezikshme.

Edi Rama mund të jetë ndoshta i vetmi kryeministër që pas thuajse çdo deklarate që ka të bëjë me politikën e jashtme, i duhet të zhvillojë një fushatë sqaruese disa ditore për të shpjeguar atë që ka dashur të thotë. Kjo i ka ndodhur me deklaratat që bëri në fushatën elektorale në ShBA, për deklaratat në Beograd, për Minishengenin, për raportet me Turqinë, për qëndrimet ndaj europarlamentarëve të ndryshëm, për idenë e ndarjes së Kosovës. Dhe tani së fundmi edhe për zgjedhjet në Mal të Zi.

Presidenti rus Vladmir Putin ka deklaruar se në Rusi është krijuar me urdhër të tij një forcë rezervë që do të dërgohet në Bjellorusi nëse është nevoja. Siç raportojnë mediat ruse, krijimi I kësaj force është krijuar me kërkesë të presidentit bjellorus Lukashenko dhe do të dislokohet nëse siç tha Putin “elementë ekstremistë në Bjellorusi kalojnë një vijë të caktuar dhe nisin e plaçkisin”.

Ne kemi rënë dakord që forca do të përdoret vetëm nëse situate del jashtë kontrollit

Pas mesazhit që të votojnë Milo Gjukanoviçin, kryeministri Edi Rama ka dalë sot me një mesazh të ri për votuesit shqiptarë: ata duhet të votojnë Listën Shqiptare që ka në fokus një aleancë strategjike me Gjukanoviçin. Zoti Rama ka folur për nevojën që Mali i Zi të ruajë kursin perëndimor dhe të shmangë ato që i quajti “intereferenca nga jashtë botës perëndimore”, duke bërë të qartë kështu investimin e Tiranës zyrtare në linjën politike të Podgoricës.

Ministri i Jashtëm i Francës, Jean-Yves Le Drian, ka deklaruar se Libani rrezion të zhduket nëse struktura e pushtetit nuk ndryshon.

Rreziku për Libanin është zhdukja kështu që reformat duhet të bëhen. Liderët e vendit janë kapur në një konsensus mosveprimi

tha ministri francez.

Ai ka përsëritur mesazhin e presidentit Macron për krijimin e një qeverie të re në mënyrë që të menaxhohet situata e krijuar pas shpërthimit të datës 4 gusht në Beirut.