Lajme

Perëndimi është në mëdyshje të madhe për valën e imigrantëve që po mbyt Europën. Flitet për identitetin, humanizmin, përgjegjësinë, por edhe kostot. Në këto kushte kur imigracioni është lajmi, ide të reja shfaqen. Një e tillë është ajo e miliarderit egjiptian, Naguib Sawiris, drejtues i Orascom Telecom Media, i cili ka kërkuar nga Greqia dhe Italia, që t’i shesin një ishull, ku të strehohen imigrantët. Sawiris e bën propozimin në Twitter, ku po vetë shton: “Një ide e çmendur? Ndoshta, por të paktën përkohësisht, derisa të kthehen në vendin e tyre”.

Kontrolli i Lartë i Shtetit depoziton kallëzim penal për kryetarin e Bashkisë së Kvajës, Elvis Rroshi dhe dy drejtorë të kësaj bashkie. Përmes një njoftimi, KLSh, raporton shkeljet e gjetura në zbatimin e disa projekteve urbanistike. “Nga auditimi u konstatuan një sërë parregullsish dhe shkeljesh të dispozitave ligjore e nënligjore në fushën e urbanistikës dhe prokurimeve të fondeve publike, të shoqëruara me një dëm ekonomik në vlerën prej 33 milion lekë, mbi bazën e të cilave KLSH me shkresat nr. 266/13, datë 31.08.2015 dhe nr.

Reagon ish-kryeministri Berisha, një ditë pas publikimit të shkrimit në BIRN, ku hidhen dyshime se Ilir Meta ka marrë ryshfet nga një kompani që mblidhet borxhet e CEZ. Meqë bëhet fjalë për kohën kur qeveriste me Metën, Berisha thotë se ai nuk e ka autorizuar që të negociojë me çekët që Kastriot Ismailaj të mblidhte borxhin e CEZ.

"Ndihme! Mbreme isha ne Peze, tek nje lokal qe mendohet se per disa vite ka sherbyer si shtepi per Kryeministrin. Po te shikoni NIPT-in ne QKR do shikoni se ne pronesi te kujt eshte lokali. Ne lokal kishte gati 500 kliente, perfshi edhe deputetin perkates te PS apo shume funksionare te tjere publik. Tani kam nevoje per ndihmen tuaj per te kuptuar a eshte tatimore kjo fature?! Une nuk besoj se Kryeministri yne te kete dy standarde: nje per deputetet e tij dhe nje per hallexhinjte qe perpiqen te mbijetojne permes biznesit te vogel.

Partia Demokratike ka depozituar në Kuvendin e Shqipërisë një projektligj për dekriminalizimin. Oerd Bylykbashi, deklaroi se vullneti i opozitës për dekriminalizimin nuk do të ndalet nga vullneti i ulët i Edi Ramës dhe Ilir Metës. Në fund të korrikut, Partia Demokratike bëri publike platformën e saj për dekriminalizimin, që bazohet në raportin e Komisionit të Venecias dhe mbi një proces të ngjashëm të ndodhur në Itali kundër mafias, një proces i njohur si ligji "severino". “Është koha për Kuvendin të votojë këto ligje pa asnjë vonesë”, tha Bylykbashi. 

“I vetmi kontribut i ortodoksve në Shqipërinë e pas vitit 1990, është ndërtimi në mënyrë masive i shumë kishave, të gjitha në stilin grek duke humbur identitetin dhe stilin e kishës Autoqefale Ortodoske Shqiptare”. I këtij mendimi është Apollon Baçe. Ai për disa vite ka qenë drejtori i Institutit të Monumenteve të Kulturës, e me këtë cilësi ishte i ftuar në emisionin “Debati në Channel one” të gazetarit Roland Qafoku. Në emision është folur më së shumti për çështjen e kishës së Dhërmiut. Në një panelin e emisionit, gazetari Qafoku kishte të ftuar edhe përfaqësues të kësaj kishe.

Pajisja me kasa fiskale po vlerësohet nga qeveria aktuale si një nga masat kryesore për fiskalizimin e biznesit e më tej, reduktimin e informalitetit në vend. Kuadri ligjor që detyron biznesin të pajiset me kasë fiskale është një Vendim i Këshillit të Ministrave, i vitit 2007, konkretisht vendimi me numër 781, i ndryshuar gjashtë herë. Herën e fundit në shkurt të vitit 2013.

Në një intervistë për gazetën “Dita”, një nga figurat kryesore të së majtës, Sabit Brokaj, shpërthen në kritika ndaj qeverisjes së Edi Ramës.  Ai thotë se u nisën disa aksione të mira, por dy vjet më pas jemi ende shumë larg. “Fenomeni Lazarat, në vend që të minimizonte apo zhdukte problemin, bëri efektin e kundërt. Harta e Shqipërisë u ngjyros me kanabis nga jugu në veri. Ku është problemi? Këtu ka një anomali. Dhe anomalia ka të bëjë me thelbin e zbatimit të ligjit. Vetë politika nuk ishte e vendosur. Madje pati zëra që droga të lejohej”.

Që në mëngjesin e së premtes nisi aksioni i pastrimit të Tiranës. Ndërkohë kryebashkiaku Veliaj bërithirrje për pjesëmarrje. Ashtu siç ishte paralajmëruar, Bashkia e Tiranës ka nisur në orët e paradites së të premtes aksionin për pastrimin e qytetit. Kryebashkiaku Veliaj zgjodhi njësinë administrative të Farkës për të nisur këtë aksion. Ai u bëri thirrje qytetarëve që të dalin të “japin një dorë” në pastrimin e kryeqytetit.  “U bëj thirrje të gjithë qytetarëve që të dalin. Na duhet vetëm një orë kohë e gjithësecilit prej jush për të patur një qytet më të pastër.

Nuk është mirëpritur nga stafi mjekësor nisma e Kryeministrit për të kaluar sërish Spitalin e Traumës dhe Shërbimin e Emergjencave Civile, në varësi të Ministrisë së Mbrojtjes. “Panorama” shkruan se pas urdhrit të lëshuar, ku propozohet rikthimi i Qendrës së Traumës në Spital Ushtarak, gazeta kontaktoi një pjesë të mjekëve për të mësuar se çfarë mendojnë mbi këtë iniciativë. Ndonëse kanë preferuar të mbeten anonimë, ata kanë argumentuar se kjo nuk sjell asgjë tjetër veçse pasoja negative, që më së shumti reflektohen në cilësinë e shërbimeve.