Lajme

Duket se kriza e shërbimeve shtetërore nuk ka për të mbaruar ndonjëherë në këtë vend. Para disa muajsh u bë i njohur vendimi për rinovimin e një kategorie pasaportash për fëmijë, të cilat ishin shtypur me afat të gabuar. Ministria e Brendshme e shtyu afatin me 1 vit, por sërish ishin qytetarët që paguan për dëmin e krijuar nga shteti. Në këtë fund viti, qytetarë shqiptarë që jetojnë jashtë u përballën me probleme në doganat shqiptare pikërisht për këtë problem. Sot “Vizion Plus” raporton për një tjetër radhë që krijohet nga ndryshimi në dokumentacion.

Peshkaqeni i bardhë mbetet ende një mister për shkencëtarët, por disa pamje filmike të kapura rastësisht kanë zbuluar mënyrën sesi ai gjuan. Katër peshkaqenë të bardhë sulmuan një dron nënujor duke ardhur nga thellësia. Kjo ka bërë që shkencëtarët të supozojnë se peshakqeni i bardhë që zhytet deri në 200 m, përdor thellësinë për të identifikuar prenë e vet përmes dritës që vjen nga sipërfaqja. Pamjet që jepen në video flasin qartë:

Partia Socialiste është e vendosur që të tallet deri në fund me qytetarët të cilëve u shërben “argumente” nga më banalet për nevojën e reformës në drejtësi. Në kohën kur të gjithë po binden për domosdoshmërinë e kësaj reforme, por edhe për karakterin instrumental politik të saj, ministri i Brendshëm Sajmir Tahiri ka shtuar diçka tjetër: “Problemet në drejtësi janë të dukshme dhe reforma duhet të kryhet sa më shpejt. Policia po përpiqet të kryejë detyrën e saj në mënyrën më të mirë të mundshme, duke dëshmuar se toleranca zero ndaj krimit nuk është vetëm një fjalë, por fakt.

Në dy javët e para të vitit 2016 nuk është shënuar asnjë titull i ri i botuar. Kjo për shkak se Agjencia e ISBN pranë Bibliotekës Kombëtare nuk ka lëshuar asnjë numër ISBN për këtë vit. Kështu ka bërë të ditur Shoqata e Botuesve Shqiptarë ditën e djeshme në një njoftim për mediat, ku ata shprehin shqetësimin për bllokimin e botimeve të reja.

Në këtë njoftim thuhej se nga Agjencia në fjalë botuesit janë bërë me dije se puna është bllokuar nga Ministria e Kulturës, e cila po ndërmerr disa ndryshime ligjore.

Marrëdhënia mes tyre është kthyer tashmë në një telenovelë. Ka kohë që është folur për ndarje e ripajtime, por episodet e ditëve të fundit duket se janë edhe më dramatiket për çiftin që po mban në ankth gjithë Shqipërinë. Kjo pas zërave se Ilir Meta ka nisur flirtet me PD-në. Kryeministri Rama i veshur me një pallto të gjatë ka pritur mëngjesin për të mbirë në dyert e Ilir Metës, i cili e kishte marrë më shtruar gjumin dhe sipas informacioneve mbërriti me rreth 40 minuta vonesë.

Përfaqësues i përhershëm i FMN-së në Shqipëri, Jens Reinke zbulon se qeveria shqiptare është dorëzuar lehtësisht para lobuesve dhe ka përshtatur paketën fiskale për një numër të vogël përfitueish. Në një intervistë për Monitor ai thotë se taksat janë rregulluar sipas interesave të veccanta.

Partia Demokratike përplaset edhe me misionin EURALIUS të Bashkimit Evropian, i cili asiston Shqipërinë për reformat në fushën e drejtësisë.
“Rilindja Demokratike”, organi zyrtar i PD-së shkruan se në një “rast unikal në historinë e këtyre 10 viteve të fundit, ky mision ka vendosur të mos i japë të drejtën e fjalës opozitës”.
“Euralius ka ftuar dy nga përfaqësuesit e opozitës që të jenë të pranishëm në këtë takim të rëndësishëm, por nuk ka pranuar që ata të kenë të drejtën e fjalës”, thuhet më tej.

Televizioni italian RAI ka realizuar një reportazh në Shkodër duke zbuluar kështu rrugën e trafikut të armëve nga Shqipëria, të cilat bien në duart e xhihadistëve të ISIS.Reportazhi nis me gazetarin italian i cili kalon Liqenin e Shkodrës me varkë për të takuar trafikantët, të cilët mbeten anonim.
Ai madje ka filmuar të gjithë rrugën që përshkojnë armët deri sa bien në duart e xhihadistëve të ISIS, të cilët tentojnë të kryejnë sulme terroriste në Europë.

Guvernatori i Bankës së Shqipërisë, Gent Sejko, ka dhënë sot një intervistë për Top-Channel ku ka folur për rolin e bankës në këtë situatë të vështirë. Sejko ka theksuar se pritmëritë për vitin 2016 janë të larta, si në rritjen ekonomike, ashtu edhe në ruajtjen e nivelit të investimeve. Po kështu, Guvernatori ka sqaruar disi edhe planin e Bankës së Shqipërisë për ndërhyrjen në treg me anë të mekanizmit të lehtësimit sasior. “Lehtësimi sasior për herë të parë është aplikuar nga Banka Qendrore Amerikane.

Një qytetar është arrestuar pasi siç bëhet e ditur po përpiqej të ndërtonte një kasolle pa leje. "Sipas njoftimit të Policisë, 80-vjeçari J. S. ishte duke ndërtuar një kasolle për bagëtitë, por nuk kishte marrë leje për të. Ndaj, i moshuari është arrestuar nga Policia për ndërtim të paligjshëm", njofton policia. Në kohën kur akuzat për vjedhje e përgjime kanë mbytur ekrane e media, policia arreston dikë për kasolle pa leje. Nuk dihet se sa është dëmi i vlerësuar që ka shkaktuar ky shtetas dhe sa ditë do të rrijë në burg me shpenzime shtetërore, pa llogaritur shpenzimet e gjyqit.