Lajme

I shpalli luftë njerëzimit në emër të rracës së pastër ariane, por vetë ai kishte deformime që sipas mjekëve ishin edhe burim i zemërimit të tij. Diktatori gjerman vuante nga një cen kongjenital që e pengonte të kryente një akt seksual normal. Në gjuhën mjekësore, sindroma "hypospadias" nga e cila vuante Fuehrer ishte penisi i vogël dhe i deformuar. Historianët Jonathan Mayo dhe Emma Craig në librin e tyre me titull “Dita e fundit të Hitlerit. Minutë pas minute " zbulojnë arsyet pse Hitleri kishte komplekse në lidhje me aftësitë e tij mashkullore.

Projektiligji i qeverisë për Dhomat e Tregëtisë është kundërshtuar sot në Komisionin Parlamentar të Veprimtarive Prodhuese edhe nga përfaqësues të shumicës. Kryetari i Komisionit, Eduart Shalsi ka deklaruar se ndryshimet ligjore nuk sjellim përmirësime, por thjesht shtojnë një pagesë për anëtarësimin. “Propozimi i qeverisë synon të bëjë të detyrueshëm një pagesë e cila mendohet të prodhojë një pasojë për një organizim më të mirë të bizneseve. Por kjo nuk është e mjaftueshme për të reformuar mënyrën se si bizneset organizohen në dhomat e tregëtisë.

Protesta që po zhvillohet për ndërtimin te Parku i Liqenit ka nga pas edhe një kallëzim të përfaqësuesve të shoqërisë civile. Kallëzimi penal ndaj Bashkisë së Tiranës adresonte shqetësimin se për ndërtimin nuk ka një leje të saktë, nuk ka as projekt të miratuar. Sot nga Lushnja, ku ndodhej me rastin e prezantimit të drejtuesit të ri të prokurorisë, Llalla, ka bërë këtë deklaratë: “Prokuroria e Tiranës do të vazhdojë verifikimet, në varësi të rezultateve do të vendosin mbase për përfundimin e hetimeve”.

Vetëm tre ditë pasi Gjykata e lartë ndryshoi masën e sigurisë në detyrim paraqitje, Armando Prenga i është rikthyer Kuvendit. Këtë të hënë ai ka qënë në komisionin parlamentar të Sigurisë, ku është anëtar, raporton TCH. Gjykata e Lartë ndryshoi masën e sigurisë nga arrest shtëpie në detyrim paraqitje, për deputetin Prenga, i përfshirë pak kohë më parë në një konflikt mes dy fiseve në Laç.

Nuk çudit Nishani me piruetat akrobatike 360 gradë. Ndoshta i vetmi president në botë që ndryshe fle e ndryshe zgjohet. Dy ditë pasi iu drejtua Gjykatës Kushtetuese për intepretimin e nenit 98 të Kushtetutës lidhur me procedurat e dekretimit të ministrave zyra për shtyp e Presidentit ka njoftuar se Presidenti ka dekretuar emërimin e Arben Ahmetajt si Ministër i Financave dhe Milva Ikonomit si ministre e Ekonomisë. Një akt që konfirmon mungesën e madhe të seriozitetit në qëndrimet e presidentit të Republikës së Shqipërisë, i cili po bëhet lolo me iniciativën e tij.

Partia Demokratike ka organizuar një protestë të paralajmëruar përpara Bashkisë së Tiranës për të protestuar kundër rritjes së çmimit të shërbimeve.
Por ndërsa këshilltarët e djathtë ishin duke folur një e nga një një i moshuar i revoltuar, iu shkëput turmës dhe u ngjit në foltore duke i rrëmbyer njërit prej të djathtëve mikrofonin duke u ngjitur në foltore. Pavarësisht kundërshtimit nga të djathtët ai ka mundur të flasë.

Rajoni renditet përgjithësisht në kategorinë e qyteteve europiane të të ardhmes për nga eficienca e kostos, ndërsa nga Shqipëria sërish nuk ka asnjë qytet apo rajon në renditjen e Financial Times të këtij viti, ashtu siç nuk kishte as vitin e mëparshëm.

Maqedonia nuk ka përmbushur kushtet për zgjedhje të parakohshme parlamentare më 24 prill, ashtu siç parashikohej me marrëveshjen mes liderëve politikë. Ky është konkluzioni i faktorit ndërkombëtar të cili e bëri publik ambasadori i Shteteve të Bashkuara të Amerikës në Maqedoni, Xhejms Bejli.

1 mijë e 20 klientë janë mbifaturuar nga Drejtoria e Ujësjellësit të Tiranës për konsumin e muajit Janar. Sipas UKT-së subjektet që janë mbifaturuar janë të pajisur me sahatë matës dhe janë kryesisht farmaci, dyqane rrobash dhe zyra hipotekash. Drejtoria e Ujësjellëit nuk përjashton një gabim njerëzor, por deklaron se gjithçka mund të lidhet me një sabotim për qëllime politike.

Dikur ishte Lëvizja “Mjaft” që kundërshtonte me protesta të formave të ndryshme vendime apo nisma të qeverisë Nano në emër të shoqërisë civile. Drejtuesit kryesor të saj u katapultuan më vonë në politikë, me shembullin më tipik, kryetarin e lëvizjes Erion Veliaj, sot është kryetar i Bashkisë së Tiranës dhe kryetar në perspektivë i Partisë Socialiste apo emra të tjerë si Arbian Mazniku, Elisa Spiropali që u përzgjodhën nga kryeministri Rama për të çuar përpara programin e Rilindjes.