Lajme

Vdekja, më 6 prill, e dy pilotëve që drejtonin helikopterin EC145, Florin Delia dhe Donald Hoxha, mundet të jetë shkaktuar indirekt, nga neglizhimi i drejtuesve përkatës në Ministrinë e Mbrojtjes. “ABC NEWS” raporton sot se hetimi për këtë çështje po sugjeronse “dy pilotët e ndjerë nuk kishin eksperiencën e duhur për të drejtuar një helikopter të llojit “EC145”, të cilët ishin blerë nga Ministria e Mbrojtjes vetëm pak kohë më parë”. I njëjti raportim flet për shmangien nga praktika e ndjekur me helikopterët Cougar, për të cilët pala franceze dërgoi në Shqipëri një pilot trajnues.

Industrialistët e duhanit kanë ngritur shqetësimin për kontrabandën e duhanit në Europën Juglindore. Sipas tyre Rajoni i Ballkanit Perëndimor për një vit nga kontrabanda humbet si të ardhura 400 milionë euro. Ndërsa në Shqipëri, kontrabanda e duhanit zë 25 % të tregut. Rritja e shpeshtë e akcizës është ajo që dikton dhe rritjen kontrabandës, pasi rritja e çmimit të duhanit, bën që kosumatori të kërkojë alternativë tek tregu illegal.

Ministri i Transporteve, Edmond Haxhinasto, e kaloi fazën e ekspozimit në media si pasojë e vdekjes së dy njerëzve në aksin Plepa – Rrogozhinë. Është e qartë se njësoj si Edi Rama nuk e lëshon Sajmir Tahirin, edhe nëse ndonjë ditë ky i fundit mund të mbjellë hashah në saksitë e zyrës në ministri, edhe Ilir Meta, nuk e lëshon “Mondin”, të kapur në faj. Jo me llafe, por me vendim gjykate.

Presidenti francez Francois Hollande ka marrë një përgjigje të papritur nga një pjesëtar i forcave të policisë gjatë ceremonisë së zhvilluar në nder të dy policëve, Jean Baptiste Salvaing dhe Jessica Schneider, të vrarë të hënën nga një terrorist. Polici ka refuzuar t’i japë dorën Hollande, që ka vazhduar më tej, por kryeministri Manuel Valls, i vënë përpara të njëjtës situatë ka reaguar ndryshe. Ai ka nisur të flasë me policin, por nuk dihet se çfarë. I intervistuar nga TF1, polici ka thënë se ka shumë probleme në polici, se ka vetëm 3 automjete për 40 forca.

Vangjel Dule akuzon ish-aleatin e tij, kryeministrit Rama se po aplikon një politikë të jashtme pa vizion që ka ndikuar edhe në marrëdhëniet me Greqinë.  Sipas tij për sa kohë kjo politikë tolerohet nga shoqëria shqiptare, Rama do vazhdojë të ulë nivelin e marrdhënieve me fqinjët. “Marrdhëniet midis Shqipërisë dhe Greqisë natyrshëm janë të një niveli të lartë dhe marrëdhënie të tilla vendi ynë i ka me shtete të rralla veçse duhet të jemi të ndërgjegjshëm se ato nuk janë në nivelin e tyre optimal.

Qeveria amerikane ka publikuar rezultatet e auditit të sistemit ëeb që ka në përdorim. Një audit i cili kësaj radhe u mendua ndryshe: qeveria kërkoi që kushdo të gjente pikat e dobëta të sigurisë në rrejtin e përdorur prej saj, një operacion që kushtoi 150 mijë dollarë. Morën pjesë 1 410 të interesuar të cilët identifikuan 138 njolla sigurie në sistem, përfshirë defense.gov. Sekretari i Mbrojtjes, Ashton Carter, deklaroi se nëse do të ishte angazhuar ndonjë firmë e posaçme për këtë gjë, kostoja do të shkonte 1 milionë dollarë.

Strasburgu i heq kartën e ligjit të ri të pronave qeverisë shqiptare. Një vendim që publikohet sot në gazetën “Shqip” i faturon Shqipërisë 6 milionë euro, bashkë me rrëzimin e metodologjisë së parashikuar në ligjin e ri, sipas të cilit kompensimi bëhet sipas zërit kadastral të sipërfaqes së tokës në momentin e shtetëzimit. Me këtë rregull në vendin tonë “30% e sipërfaqeve që sot janë troje, do të kompensohen për toka bujqësore”.

Trafikimi i votave për të arritur kuorimin për miratimin e reformës në drejtësi është akt jomoral. Kështu mendon edhe sot Fehmi Abdiu, ish-kryetar i Gjykatës Kushtetuese, i cili përmes një interviste për gazetën “Shekulli” flet për draftin dhe nevojën për konsensus. “Ideja e trafikimit të votave është në kundërshtim me ndërgjegjen dhe shpirtin e popullit shqiptar, është një ide hibride dhe e turpshme. Të jeni të bindur se shumica e popullit shqiptar e kritikojnë madje e shajnë këtë ide, e cila për hir të së vërtetës është aplikuar disa herë në Shqipëri për ngjarje dhe të rëndësishme.

Kreu i Pasrtisë Demokratike, Lulzim basha ka reaguar me një deklaratë pas depozitimit të kërkesës nga 33 deputetë për futjen në procedurë parlamentare të reformës në drejtësi. Sipas tij dërgimi në Kuvend i draftit të njëanshëm për ndryshimet kushtetuese është një akt i ulët provokimi dhe një përshkallëzim i krizës dhe tensionit shoqeror në vend.

70 vjet pas përfundimit të Luftës së Dytë Botërore, një Gjykatë në Gjermani  vendosi një dënim me 5 vjet burg për në 94-vjeçarin Raincholnt Chaningk,  ish-roje në kampin famëkeq të Auschwitz. Ai  u gjet fajtor për "bashkëpunimin" në vdekjen e 170 000 hebrejve.