Lajme

Patriarku serb, Irinej nuk i kursen deklaratat e tij pro serbe, ndërsa i ka mëshuar sërish idesë se Kosova është pjesë e pandashme e Serbisë.
Ai pohoi se ajo çfarë po ndodh në Kosovë dhe “metohi” është një padrejtësi e madhe e të fuqishmëve ndaj një pakice të vogël siç janë serbët. Patriarku serb thekson më tej se Serbia nuk do të lejojë kurrë që Kosova të shkëputet. “Kosova asnjëherë nuk do të ndahet nga ne”, ka thënë për ‘Tanjug’, Irinej.

Deputeti i LSI, Përparim Spahiu, kandidat në garën për kreun e kësaj partia, ka deklaruar dje se LSI duhet të ketë kandidatin e saj për kryeministër në zgjedhjet e 2017. Madje sipas tij, ky duhet të jetë kusht për koalicionin. Në fjalimin e parë publik mbajtur në Pukë, në kuadër të fushatës për kreun e LSI, Përparim Spahiu ka deklaruar se LSI po rritet dhe për këtë arsye në 2017 duhet të ketë kandidatin e saj për kryeministër.

Vizita e Ilir Metës dhe delegacionit shqiptar në Greqi ka qenë temë në emisionin “Top –Show”.Të ftuar kanë qenë kreu i PDIU-së, Shpëtim Idrizi, sipas të cilit “Meta nuk ishte aq i drejtpërdrejtë sa duhej me palën greke”, Mentor Nazarko, Pëllumb Xhufi dhe Preç Zogaj. Ky i fundit ka thënë se për herë të parë marrëdhëniet mes të dyja vendeve kanë krijuar hapje në vitin 1994, kur pala greke pranoi të njihte të drjetat pronësore. Këtë ide e ka pranuar pak a shumë edhe Nazarko duke vlerësuar rolin e ish-Presidenti Meidani më pas.

Në Zululandin e sotëm ishte i ftuar Nasho Jorgaqi, me të cilin Nano bisedoi lidhur mbi polemikën që ka shkaktuar një letër e Gjergj Fishtës dërguar në vitin 1939 një koloneli të ushtrisë italiane, të cilën ka qenë Jorgaqi që e ka publikuar, dhe e ka komentuar. Në shkrimin e tij, Jorgaqi thoshte në thelb se kjo letër është në provë tjetër e qëndrimit mirëkuptues me fashizmin që ka pasur Gjergj Fishta.

Politika dha sot një tjetër shfaqje me protagonistë kryeministrin e vendit, i cili mesa duket e ka të vështirë të dalë nga kostumi i karakterit që ka pavarësisht se gëzon statusin e kryeministrit të vendit apo të një njeriu me më shumë se 10 vite karrierë në politikë.

Edi Rama doli sot me një tufë me lule në aeroportin e Rinasit për të pritur Dom Ernest Troshanin, i shpallur kardinal nga Papa Françesku. Për tu vlerësuar si gjest, por përtej dimensionit simbolik që përcolli mendimi i kryeministrit për të nderuar kardinalin, Edi Rama na dha edhe një mesazh tjetër.

Incidenti i Rames ne Manez by PanoramaVideo

Çdo  sjellje e papërshtatshme ndaj Rusisë mund të jetë  me pasoja "bërthamore" për SHBA-në paralajmëroi Dmitry Kiselyov, kreu i agjencisë shtetërore ruse të lajmeve duke i dërguar një mesazh të qartë Uashingtonit.

Marrëdhëniet mes dy vendeve janë përkeqësuar ndjeshëm javët e fundit pas akuzave të Uashingtonit për krime lufte të Sirisë në  Aleppo. Kiselyov flet për një  "ndryshim radikal" në marrëdhëniet mes Rusisë dhe SHBA-së në javët e fundit.

Mënyra sesi shumica përdori kartonat në parlament për të miratuar ligjin për anëtarësimin e detyrueshëm në Dhomat e Tregtisë, ka sjellë një tjetër përplasje mes qeverisë dhe biznesit. Këta të fundit kanë futur në lojë presidentin e Republikës për të mos e dekretuar ligjin e miratuar në 29 shtator. Përveç akuzave për mungesë transparence gjatë fazës së diskutimeve 18 shoqata biznesi rendisin edhe arsyet pse ky ligj nuk duhet dekretuar nga kreu i shtetit.

Për zgjedhjet e 2013-ës pati vërejtje serioze nga OSBE-ODIHR që bëri 29 rekomandime për të shmangur ndikimin politik të administratës mbi zgjedhjet dhe fenomenin e blerjes së votës. Procesi u çertifikua si konkurues por u kontestua nga opozita për parregullsi. Palët u angazhuan të ndërhyjnë në Kodon Zgjedhor për të bërë rregullimet e nevojshme, por 8 muaj para zgjedhjeve qeveria thotë se nuk ka kohë për ndryshime thelbësore. Kryetari socialist i Komisionit të Reformës Zgjedhore, Taulant Balla tha se është e pamundur të shkohet në votim dhe numërim elektronike, sipas kërkesave të opozitës.

Deklaratat fyese ndaj medias, në lidhje me importin e mbetjeve, Drejtuesi i Unionit të Gazetarëve Aleksandër Çipa i konsideroi kosto politike për kryeminsitrin Edi Rama. I ftuar në studion e "Tema Tv" Çipa tha se rikthimi i ligjit të mbetjeve dhe gjuha e përdorur ndaj medias janë në dëm të qeverisë dhe drejtuesit të saj.