Lajme

Rapsodi legjendar Gjokë Nonaj u shua në moshën 107 vjeçare dhe të premten u përcoll në banesën e fundit në varrezat e Kodër-Marlekajt, në Lezhë.

Ai lindi në Malësinë e Shkrelit në vitin 1910 dhe me jetën e tij si rapsod mbart interpretimet e ralla me lahutën e tij të Ciklit të Kreshnikëve, duke u kthyer në një legjendë të gjallë të dëshmisë së ekzistencës dhe vazhdimit të traditës së lashtë të eposit shqiptar. 

Edhe mosha e lahutës së tij, e kaluar dorë më dorë, e kapërcen shekullin. 

Numri i azilkërkuesve shqiptarë në Europë vijon të mbetet i lartë. Përtej ankesave zyrtare të Francës pak ditë më parë, situata në Gjermani vijon të paraqesë probleme, ndonëse me një ulje të ndjeshme. Sipas një informacioni zyrtar të kërkuar nga ResPublica pranë ambasadës gjermane në Tiranë, vetëm për muajin qershor pati rreth 500 azilkërkues dhe sipas vlerësimit ky numër është jo i vogël nëse mbahet parasysh se Shqipëria është vend origjine i sigurtë.

Ish-presidenti dhe ish-kryeministri malazez, Milo Gjukanoviç ka deklaruar në një takim me përfaqësues të partisë së tij, Partia Demokratike e Socialistëve, në Danilovgrad, se politika e tij dhe pushteti i zgjedhur me votë, u sulmua për të ndryshuar të ardhmen e Malit të Zi.

Gjykata e Lartë e Pakistanit ka urdhëruar largimin nga detyra të kryeministrit Nawaz Sharif pas një viti hetimi dhe gjykimi për përfshirjen e tij në skandalin e Panama Papers. Sharif është në mandatin e tij të tretë dhe goditja e gjykatës vjen vetëm një vit përpara mbylljes së tij. Kjo e detyron partinë në pushtet, Lidhjen Myslimane Pakistaneze që të zgjedhë një kryeministër të përkohshëm deri në mbajtjen e zgjedhjeve të reja në mesin e vitit 2018.

Timothy Garton Ash shtron një pyetje që tanimë po bëhet e zakonshme në mediat e njohura të Perëndimit: a përfaqëson Brexit dhe fitorja e Donald Trump rënien e perëndimit? Më tej Ash pyet nëse lëmë mënjanë Perëndimin, a mund të flasim për fundin e Perëndimit anglo-sakson? Ai e nis shkrimin me një pasazh nga një përvojë e vockël në një farmaci në ShBA ku edhe shihet se me Trump, një pjesë e amerikanëve po përjetojnë dhe bashkëjetojnë me atë që është fundi i një kohe.  

Një ditë pasi u luajt teatri PS-LSI në këshillin Bashkiak të Tiranës për tarifën e re të ujit të pijshëm, vjen edhe një surprizë e vockël për kryebashkiakun Erjon Veliaj. Enti Rregullator I Ujit, publikon në faqen e vet një deklaratës sipas të cilës sqarohet se Bashkia e Tiranës, zyrtarisht pas ndërmarrjes UK Tiranë ka dorëzuar aplikimin për tarifat e reja më 30 qershor. Ndërkohë dëgjesa e Bashkisë me banorët u bë vetëm dje, pra pas miratimit të tarifës së re në shkelje prcedurash.

Sonda Cassini ka zbuluar në pjesën e sipërme të atmosferës së Titanit, hëna më e madhe e Saturnit -një molekulë e cila mendohet se ka katalizuar format e para të jetës në Tokë. Studimi i publikuar në Astrophysical Journal Letters raporton për zbulimin e joneve negative të zinxhirit karbonik, molekula linerare që shërbjnë si bazat e krijimit të molekulave më komplekse, sipas gjasave bërthamat e fillimit të jetës.

Pas një rekordi për vendin e parë si njeriu më i pasur në planet, drejtuesi i Microsoft, Bill Gates, ka zbritur në vend të dytë. Ai është zëvendësuar nga drejtuesi i Amazon, Jeff Bezos, pasuria e të cilit vlerësohet në 90 miliardë dollarë, ose 500 milioë më shumë sesa ajo e Gates. Lëvizjet në bursë të martën, rritën aksionet e Amazon me 1.6% që e përkthyer në pasuri të shtuar për Bezos shkon në 1.4 miliardë dollarë më shumë. Gates kryesonte listën e revistës Forbes për 18 vjet në 23 vitet e fundit dhe mbretërimit të tij i ka ardhur fundi.

Kryeministri Edi Rama po zhvillon aktualisht një takim me drejtuesit e hipotekave(Zyrat e Regjistrimit të Pasurive të Paluajtshme)në rrethe nga të cilët ka kërkuar dorëheqje në bllok.

Është publikuar së fundmi një raportr studimor për bullizmin dhe ekstremizmin në shkollat në Shqipëri. Studimi është autorizuar nga Këshilli i Europës dhe ka për autorë Edmond Dragoti dhe Emanuela Ismaili.  Autorët shkruajnë që në hyrje se “për të marrë të dhëna të sakta dhe rezultate të besueshme, për këtë projekt në shkallë të gjerë shtrirje u miratua një qasje me teknika sasiore, e cila përfshin 2377 nxënës nga klasa e IV deri në klasën e XII, 3560 mësues dhe 970 prindër nga 144 shkolla në 12 rrethe të Shqipërisë”.