Bota

Në konferencën e fundit para nisjes së pushimeve në Havai, presidenti amerikan Barack Obama deklaroi se "e tërë bota ka parë tmerrin e sulmit brutal"  nga forcat e armatosura të presidentit sirian Bashar al-Assad në Aleppo me mbështetjen e Rusisë. Sipas tij, sulmet kanë pasur shënjestrim të qëllimshëm të stafit mjekësor dhe të moshuarve, por nga tereeni ka patur edhe dëshmi për therje të civilëve që  vërtetojnë se Damasku dhe Moska i kanë "duart me gjak”

Një autobus me ushtarë është hedhur në erë mëngjesin e sotëm në Anadoll. Nga shpërthimi raportohet se ka 13 të vrarë dhe 55  të plagosur. Autobusi mësohet se ishte parkuar jashtë një Universiteti, në pritje për të transportuar disa ushtarakë të veshur civilë që kishin marrë lejen e fundjavës.

Shpërthimi ndodhi kur një makinë autobombë e parkuar afë autobusit u hodh në erë. Ky akt vjen vetëm pak ditë pas shpërthimit të dyfishtë  në Stamboll ku mbetën të vrarë dhjetra persona. Përgjegjësinë për këtë sulm e mori një degë e Partisë Punëtore të Kurdistanit.

Në një konferencë shtypi në Shtëpinë e Bardhë, Obama deklaroi se Regani do të çohej nga varri sot, nëse do mësonte se sa shumë republikanë kanë opinion pozitiv për presidentin rus Vladimir Putin. Megjithëse ai nuk përmendi emra, kuptohet që kritika ishte në radhë të parë për njeriun më të rëndësishëm të republikanëve, preidentin e zgjedur, Donald Trump.

Hillary Clinton është shfaqur sërish pas humbjes dërrmuese që mori në zgjedhjet e 8 nëntorit. Kësaj radhe duke u përpjekur të sqaroj donatorët e fushatës se ajo humbi për shkak të e-maileve dhe se e-mailet ishin pjesë e sulmeve kibernetike, të cilat i ka drejtuar personalisht Vladimir Putin.

Bill O’Reilly gazetari i njohur amerikane me bindje të djathta thotë në emisionin e tij “Talking Point” se në SHBA e majta është kthyer në totalitare përmes kapjes së shkollave. Profesorët sipas tij po kultivojnë radikalizmin te studentët, diçka që nuk mund të vazhdojë. O’Reilly ka bërë thirrje që guvernatorët të marrin situatën në kontroll, pasi SHBA po humbet brezin e ri.

Liria akademike është njëra gjë, por të dëmtosh studentët me një ideologji të çmendur është krejt tjetër

Në Aleppo filloi të enjten në mëngjes operacioni për largimin e  civilëve dhe rebelëve pas konsultimeve të vështira mes Damaskut, Rusisë, Turqisë dhe Iranit, mbështetjen e të cilit kanë grupe shiite që luftojnë së bashku me Asadin. Në këtë poker diplomatik Turqia duket se ka vepruar e pavarur nga Perëndimi, çka nuk përjashton një ndryshim kursi të Ankarasë në raport me Moskën.Kontaktet e tendosura mes palëve çuan në riafirmimin e marrëveshjes për një armëpushim që do të lejojë largimin e luftëtarëve nga zonat lindore të Aleppo- raportuan shërbime afër Hezbollahut

Kreu I Shërbimit Sekret Kombëtar Amerikan, James Clapper, ka deklaruar para Komitetit për Shërbimet Sekrete në Kongresin Amerikan se nuk ka një lidhje të provuar mes publikimeve të WikiLeaks dhe Rusisë. Clapper ka pranuar se Rusia ka kapacitete shumë të zhvilluara dhe agresive për luftën informative, që zë fill qysh nga Lufta e Ftohtë, por ai nuk ka dhënë asnjë deklaratë që të mund të bëjë lidhjen mes publikimeve të WikiLeaks dhe Rusisë.

Mediat kryesore ndërkombëtare raportojnë se Shtetet e Bashkuara të Amerikës do të nisin dislokimin e trupave në Poloni, shtetet balltike dhe në Rumani muajin e ardhshëm. Lajmin e ka dhënë ministri polak i Mbrojtjes, Antoni Macierewicz pas një takimi me komandantin e trupave tokësore amerikane për Europën, gjeneralin Ben Hodges. Në njësitë e dislokimit bën pjesë një brigadë e blinduar, ndërkohë që forca të tjera amerikane, konkretisht një batalion do të shtohet në muajin prill.

Shtetet e Bashkuara të Amerikës janë të gatshme të përballen ushtarakisht me Kinën në Detin e Kinës Jugore. Kreu I Flotës Amerikane të Paqësorit deklaroi se deklarimet dhe pretendimet detare të Kinës kërcënojnë me përshkallëzim mes fuqive globale.

Ne nuk do të lejojmë që një zonë e përbashkët të mbyllet në mënyrë të njëanshme pavarësisht sesa baza ndërtohen në ishuj artificialë në Detin e Kinës Jugore. Ne do të bashkëpunojmë kur është e mundur, por do të jemi gati për përballje kur kjo të jetë e nevojshme

Bota po dëshmon dy dimensione të asaj që po ndodh në Halep të Sirisë: së pari dështimin e një politike të frenimit dhe destabilizimit të regjimit sirian të Bashar al-Assad përmes përdorimit të militantëve me para dhe armë nga Perëndimi.