Bota

Presidenti i Francës Emmanuel Macron ka bërë thirrje nga kryeqyteti i Lituanisë që Europa të shkëputet nga varësia strategjike e sistemeve amerikane të armatimit. Duke folur në një debat me student të Vilniusit, Macron ka vënë në dukje se Europa duhet të marrë në dorë fatin e vet.

Ne, disa vende më shumë se të tjerë, dorëzuam pavarësinë tonë strategjike duke u varur me tepër seç duhet nga sistemt amerikane të armatimit. Ne nuk mund të pranojmë të jetojmë në një botë bipolare të krijuar nga SHBA dhe Kina

Ofeza të ndërsjellta dhe konfuzion. Kështu është mbyllur debati i parë televiziv mes dy kandidatëve për Shtëpinë e Bardhë. Votuesit e pavendosur që prisnin një përballje alternativash për të kuptuar më shumë ndërsa afrohen zgjedhjet e 3 nëntorit, kanë ndjekur 96 minuta ofendime dhe ndërprerje të vazhdueshme të ndërsjella, siç nuk ka ndodhur kurrë në një debat presidencial në Shtetet e Bashkuara. Moderatori Chris Wallace, spikeri i Fox News, iu desh disa herë të ndërhynte për të kërkuar respektimin e rregullave të debatit, sidomos në adresë të presidentit aktual.

Gjermania e Angela Merkel është shprehur hapur se nuk e sheh si zhvillim pozitiv rizgjedhjen e Donald Trump në Shtëpinë e Bardhë për një mandat të dytë si president i SHBA. Kreu I Komitetit të Çështjeve me Jashtë në Bundestagun gjerman, Norbert Röttgen ka deklaruar në një intervistë për “Politico” se rizgjedhja e Trump si president do të vinte në rrezik të ardhmen e lidhjeve transatlantike.

Ishujt e Egjeut për të cilët sot Turqia dhe Greqia rrezikojnë të hyjnë në luftë nuk janë edhe aq të shenjta sa shpallen sot. Athina zyrtare ka qenë dikur e gatshme të lëshojë ishujt e Doedekanezit në këmbim të marrjes së Qipros, një skenar ky që i jep zgjidhje të kënaqshme kërkesave turke për të patur prezencë logjike dhe të arsyeshme në ndarjen e pasurive në këtë zonë.

Agjencia “Reuters” raporton se Washingtoni ka udhëzuar reduktimin e stafit të ambasadës së vet në Baghdad duke krijuar dyshime për një konflikt të mundshëm ushtarak. Sipas agjencisë, mbyllja e ambasadës – siç është paralajmëruar disa kohë më parë - në një vend ku SHBA ka stacionuar mbi 5000 trupa ushtarake mund të shihet si një përshkallëim i konfliktit me Iranin, një vend me të cilin ka tensione të mëdha.

Disa intervista që akademikë të universitetit të Oksfordit kanë realizuar me dhjetëra gazetarë të rrjetit shtetëror rus, RT hedhin dritë mbi një aspekt të punës së tij. Pas kësaj pune hulumtuese akademikët kanë përgatitur një raport që titullohet: Sjellja Organizative e RT. Motoja e rrjetit të sponorizuar nga shteti rus është: Çdo gjë që shkakton kaos.

Tensionet në Mesdheun Lindor kanë sjellë përfitime të mëdha për Francën e Emmanuel Macron. Revista “Forbes” raporton se situata e krijuar me Turqinë në Egje ka krijuar kushtet që Parisi të shndërrojë politikën e vet antiturke në rajon, në një biznes fitimprurës.

Armenia ka shpallur gjendjen e luftës dhe mobilizimin e përgjithshëm ushtarak pas përplasjeve të armatosura në rajonin e Nagorno-Karabak.

Qeveria ka vendosur të deklarojë gjendjen e luftës dhe një mobilizim total

është shprehur kryeministri armen Nikol Pashinyan.

Presidenti i Rusisë, Vladimir Putin ka propozuar një marrëveshje të gjerë bashkëpunimi dypalësh me SHBA në fushën e sigurisë së informacionit. Duke vlerësuar “rrezikun e një konfrontimi në shkallë të gjerë në fushën dixhitale” si një nga sfidat strategjike më të mëdha të kohës sonë, Putin, ka hedhur idenë e krijimit të një kuadri bashkëpunimi që imiton marrëveshje të shekullit të ’20-të.  Propozimi adreson çështje të aktualitetit duke përfshirë qëndrime konstante të politikës së jashtme ruse, siç është parimi i mosndërhyrjes në punët e brendshme.

Presidenti i SHBA, Donald Trump ka emëruar në Gjykatën e Lartë, gjyqtaren e apelit në Çikago, Amy Coney Barret. Ajo zëvendëson Ruth Bader Ginsburg, ndarë nga jeta pak ditë më parë duke zgjidhur siç ishte folur më parë një situatë që shihet se do të testohet në zgjedhjet presidenciale të muajit nëntor.

Në dallim nga Ginsburg që cilësohej si liberale në krahasim me një pjesë të Gjykatës që karakterizohet se “anoi djathtas”, Barret përshkruhet si konservatore dhe një person që ka votuar në favor të politikave të Trump dhe cilësohet si besimtare.