Bota

Presidenti kinez, Xi Jinping, paralajmëron se tensionet në rajonin Indo-Paqësor mund të kthejnë mentalitetin e Luftës së Ftohtë.

Deklarata e tij vjen disa javë pasi SHBA, Britania dhe Australia njoftuan një aleancë të re sigurie në rajon, e cila I jep mundësi edhe Australisë të ndërtojë nëndetëse bërthamore. Kina e ka kritikuar ashpër marrëveshjen.

Në një video të regjistruar paraprakisht me Samitin e APEC, i cili po mbahet nga Zelanda e Re në një format virtual, Xi tha se përpjekjet për të vënë kufij në rajon përgjatë vijave ideologjike ose gjeopolitike do të dështonin.

Shtetet anëtare të BE-së kanë arritur një marrëveshje në parim për të zgjeruar kuadrin ligjor të sanksioneve kundër Bjellorusisë për ata që favorizojnë kontrabandën e paligjshme të emigrantëve në Bashkimin Evropian.

Lajmin e bën të ditur ANSA, duke iu referuar disa burimeve diplomatike evropiane.

Europa po e trajton krizën e tanishme që i është krijuar në kufirin polako-bjellorus si një sulm hibrid nga Misnku zyrtar. Mediat kanë përcjellë pamje të sulmeve dhe konfrontimeve në kufirin e të dyja vendeve që është edhe kufiri mes BE-së dhe Bjellorusisë, një vend që i është nënshtruar sanksioneve të Europës. Akuzat për situatën po adresohen ndaj presidentit bjellorus, Aleksander Lukashenko, i cili po ndërton në Europën Qendrore atë që u provokua në Turqi në vitin 2015.

Gazeta më e madhe në Ukrainë në gjuhën angleze, “Kyiv Post” është mbyllur pas 26 vjetësh. Sipas raportimeve të ndryshme, shkak është bërë një konflikt mes gazetarëve dhe botuesit, miliarderit Adnan Kivan. Ky i fundit ka deklaruar se mbyllja është e përkohshme dhe se ai shpreson ta rihapë gazetën së shpejti “më të madhe dhe më të mirë”.

Tundimit të një darke që kushton sa qimet e kokës në restorantin e turkut Nusret, njerëzit e politikës nuk i rezistojnë dot. Por edhe vetë kuzhinieri më i famshëm në botë nuk i reziston dot tundimit për t’ia treguar këtë botës.

Videoja e një zyrtari të rangut të lartë nga Partia Komuniste në Vietnam, i cili ka porositur biftek të mbuluar me ar ka shkaktuar zemërim te miliona njerëz, në një kohë kur vetë vendi nga ai vjen po përballet me mungesë ushqimi dhe përkeqësim të shkallës së varfërisë në mes të pandemisë.

Konferenca e Peshkopëve të Francës (CEF) njoftoi sot se Kisha Katolike Franceze do të kompensojë 216 000 viktimat e abuzimit seksual duke shitur pjesërisht pasuritë e saj.

Më 5 tetor, Komisioni i Pavarur Francez për Abuzimin Seksual në Kishë (ICSA) publikoi një raport monumental që zbulon shkallën e abuzimit seksual të fëmijëve në duart e njerëzve të Kishës Katolike Franceze.

Disa vatra infeksioni të gripit të shpendëve, H5N1, një sëmundje shumë ngjitëse, janë shfaqur nëpër fermat e Polonisë, duke prekur mbi gjysmë milioni zogj. Një shpërthim i ngjashëm u konfirmua edhe në Angli të hënën.

Organizata Botërore për Shëndetin e Kafshëve (OIE) i zbuloi rastet në Poloni të hënën dhe njoftoi se pesë u dokumentuan vetëm në pjesën lindore të vendit.

Gati 650 000 shpendë në fermat e vendit janë kontaminuar me gripin e shpendëve, bëri të ditur OIE.

Një tjetër medikament premton parandalimin e infektimit me virusin SARS-CoV-2. Regeneron Pharmaceuticals Inc njoftoi sot se një dozë e vetme e koktejit të saj të antitrupave uli rrezikun e infektimit me 81.6%, rezultat që zgjati dy deri në tetë muaj pasi ishte marrë.

Gjeologët italianë dhe ata grekë janë bashkuar për të krijuar një stacion që do të monitorojë aktivitetin e vullkanit të Santorinit. Në projekt janë përfshirë studiuesit e Hellenic Survey of Geology and Mineral Exploration (HSGME) dhe Instituti për Studimin dhe Monitorimin e Vullkanit të Santorinit (ISMOSAV) si edhe kolegët e tyre italianë nga Universiteti i Firences dhe Këshilli Kombëtar i Kërkimeve të Italisë.

Në Shtetet e Bashkuara ka hapur një debat të ri padia që tre besimtarë myslimanë bënë ndaj FBI-së. Tre paditësit: Yassir Fagaza, imami i Fondacionit Islamik të Kontesë Portokalli; Ali Uddin Malik dhe Yasser Abdelrahim pretendojnë se FBI-ja dërgoi një informator në xhamitë e kontesë në vitet 2006-2007, me detyrën për të mbledhur informacion.