Bota

Në këtë fillim viti, Kina ndezi reaktorin e fuzionit bërthamor. "Dielli artificial" është pesë herë më i nxehtë se Dielli i vërtetë dhe këtë nxehtësi e arrin për rreth 17 minuta.

Sipas autoriteteve kineze, objektivi i këtij reaktori është të sigurojë energji të pastër pothuajse pa kufi. Shpresa është që reaktori të mund të imitojë reagimet natyrore që ndodhin brenda yjeve si Dielli. Ideja është hedhur prej vitesh, por krijimi i një dielli artificial që funksionon është provuar i vështirë, pavarësisht dekadave të kërkimit.

Sekretari amerikan i Mbrojtjes, Lloyd Austin, është konfirmuar me koronavirus, pavarësisht se është vaksinuar me tre doza. Austin e bëri këtë njoftim me anë të një deklarate.

Më pak se 100 ditë e ndajnë Francën nga zgjedhjet presidenciale. Pavarësisht se zyrtarisht ende nuk është shpallur si kandidat, presidenti aktual, Emmanuel Macron, edhe pse në krye të sondazheve që i japin avantazh për një mandat të dytë, duhet të përballet me një emergjencë të re: valën e pestë të koronavirusit, e nxitur fort nga varianti Omicron.

Në Slloveni, epidemiologët e Institutit Kombëtar të Shëndetit Publik kanë refuzuar njëzëri vaksinimin e detyrueshëm kundër COVID-19. Ata e argumentojnë kundërshtimin e tyre me mungesën e bazës ligjore dhe shqetësimin për zbatimin.

Epidemiologët sllovenë thonë se gjasat janë që vaksinimi i detyrueshëm të përfundojë thjesht si "bojë mbi letër letër" duke pasur parasysh mungesën e një plani për zbatimin e tij.

Një vaksinë kundër Covid-19 me efekt të përjetshëm ka rezultuar efektive në testet klinike të kryera në laborator. Prodhimi i saj është planifikuar për vitin 2024, tha shkencëtari japonez Michinori Kohara për Japan Times.

Studiuesi i Institutit Metropolitan të Shkencave Mjekësore të Tokios vendosi të krijojë një vaksinë pa afat, duke u bazuar në vaksinën e lisë të shekullit XVIII.

Finlanda dëshiron anëtarësimin në NATO, pavarësisht paralajmërimeve të Rusisë drejtuar aleancës perëndimore për të mos u zgjeruar në lindje të Europës. Në mesazhin e fundvitit drejtuar finlandezëve, kryeministrja Sanna Marin tha se Finlanda e ka mundësinë për të aplikuar për anëtarësim në Organizatën e Traktatit të Atlantikut të Veriut (NATO).

Pas marrëveshjeve miliarda dollarëshe për furnizimin e shumë shteteve me vaksinën anti-Covid, Pfizer do të hyjë në industrinë e kanabisit mjekësor. Hapi i parë është një trajtim premtues të sëmundjes së zorrëve me bazë kanabinoidin.

Javën e kaluar, korporata amerikane shumëkombëshe farmaceutike dhe bioteknologjike Pfizer nënshkroi një marrëveshje me vlerë 6.7 miliardë lekë me kompaninë Arena Pharmaceuticals.

Afrika e Jugut, vendi ku varianti Omicron u shfaq për herë të parë, njoftoi të enjten se ka kaluar pikun e valës së re të shkaktuar nga ky i fundit, pa vënë re një rritje të ndjeshme të numrit të të vdekurve.

Pasi dha dorëheqjen si kryeministër, Sebastian Kurz do të punojë për një prej mbështetësve të hershëm të ambicieve të tij politike. Ish-kancelarit të Austrisë i është besuar një detyrë menaxheriale e rangut të lartë në Palantir Technologies me bazë në Silicon Valley. Themeluesi i Palantir Technologies është miliarderi gjermano-amerikan Peter Thiel, një nga bashkëthemeluesit e PayPal dhe investitori i parë i jashtëm në Facebook. Ai ka mbështetur edhe republikanët amerikanë dhe ish-presidentin Donald Trump.

Këshilli Shtetëror në Belgjikë i ka dhënë të drejtë një kompanie produksioni, e cila ankimoi vendimin e qeverisë për të mbyllur kinematë, qendrat e artit dhe sallat e koncerteve.

Masat e reja kufizuese hynë në fuqi të dielën, por vendimi u kundërshtua nga disa biznese të sektorit të kulturës, të cilat qëndruan të hapura në shenjë proteste.

Qeveria e vendosi edhe sektorin e kulturës nën masat kufizuese, pavarësisht se komiteti shkencor deklaroi se vende të tilla nuk përbëjnë rrezik shtesë për shëndetin publik.