Billboard

Më 29 shtator 2015, media shqiptare raportoi se një shtetas gjerman me emrin Gregor Mahr qe rrahur rëndë nga disa romë, pasi kishte hyrë në konflikt me ta në lidhje me ndotjen e ajrit të shkaktuar nga djegia e plastikës në qiell të hapur, tha ai për Vizion Plus.

Sipas Mahr, djegia e plastikës i kishte shkaktuar ajër të rëndë në shtëpinë e tij, një vilë trekatëshe disa qindra metra larg barakave të romëve dhe se në orën 23 të mbrëmjes së 28 shtatorit kishte vajtur me makinën e tij për ta shuar vetë flakën para se të sulmohej nga romët.

Nëse ka një ent shtetëror në Shqipëri, drejtuesit e të cilit i kanë mbushur mendjen vetes se mund të bëjnë çfarë të duan, ky është OSHEE. Sot ai erdhi sërish në vëmendje për një tender 5 milionë euro që i ka shkuar një miku të kryeministrit, si favor për ndërtimin e vilës në Surrel, të dhëna që u përcollën nga kreu i PD-së, Lulzim Basha.

Ngritja e komiteteve dhe grupeve të punës, si dhe njoftimet e kohëve të fundit për mbledhjen e këtyre institucioneve të PS-së që kanë për objektiv pune “përgatitjen për zgjedhjet e ardhshme parlamentare”, kanë kaluar disi shkaraz në vëmendjen e publikut. Por nga selia rozë kanë treguar kujdes që lajmet për këto mbledhje shtabesh elektorale, të publikohen me prioritet. Edhe pse duket se fërkimi i fundit PS-LSI po shkon drejt sheshimit, socialistët publikisht po i mëshojnë idesë se po përgatiten për këto zgjedhje.

Nëse Edi Rama përfaqëson ndonjë model në politikë, ai është modeli i kryebashkiakut të suksesshëm. Përtej këtij modeli, që është më shumë një model esteti, nuk ka gjë të pazakonshme për politikën shqiptare në aktet e tij: pabesi, hipokrizi, paaftësi për të ndërtuar e mishëruar vizione, mungesë principesh dhe sidomos korrupsion. Pafund korrupsion.

“Te dashur miq, skenari Papandreu ne zhvillim te shpejte ne Shqiperi. Doganat dhe shteti drejt falimentimit te pashmangshem. Muajin qe kaloi realizojne vete 75% te planit te ri. Keshtu, ne muajin shtator u mblodhen 2.2 mld me pak se plani i ri dhe 5.2 mld me pak se plani i vjeter. Si nente mujor 4 mld me pak se sa vitin e kaluar. Kontrabanda e klaneve qeveritare po falimenton me shpejtesi ekonomine shqiptare!”. Kështu shkruan sot në Facebook ish-kryeministri Sali Berisha.

Shteti e jep me konçesion një shërbim apo një punë specifike që nuk e kryen dot vetë. Është delikate, e veçantë apo ka të bëjë me një sektor që është i ri dhe i panjohur për vendin. Atëherë hyjnë në lojë kompanitë e specializuara. Po çfarë specializimi duhet për të prodhuar lejet e qarkullimit të makinave dhe databazën për to (që ekziston ndërkaq), një konçesion i dhënë së fundi? Seria e fundit e një seriali të gjatë koncesionesh, të bën të qeshësh (dhe të qash) me të “majtën sociale dhe të prirë ndaj publikes”, kundrejt së cilës e majta në pushtet nuk ka asnjë pikë kontakti.

Ilir Meta duket se i mbijetoi stuhisë politike që u ngrit kundër tij në lidhje me çështjen CEZ. Deklarimet e sotme të ministrit të Brendshëm, Sajmir Tahiri dhe Bashkim Finos, se koalicioni është solid, i kanë dhënë fund rolit prej spektatori që mbajti Edi Rama në këtë histori, duke shënuar në mos një tërheqje, distancimin nga presioni kundër aleatit të tij.

Zhvillimet e ngjeshura politike të ditës së sotme kanë përvijuar një sistem aleancash, qoftë edhe fluide, që janë përfolur prej kohësh në sferën e intrigave politike të mbetura në nivel thashethemesh. Një distancim i qartë i retorikës së Lulzim Bashës nga Berisha, nga njëra anë, dhe një thirrje mirëkuptimi në distancë mes Metës dhe Berishës nga ana tjetër, ku nuk mungoi dhe krenaria e Metës për “origjinën e fortë malore” të tij, e vendosin Bashën në një konvergjencë të çuditshme me kryeministrin Rama.

Vetë një ditë më parë kreu i grupit parlamentar socialist dhe numri 2 i PS-së, Gramoz Ruçi, u ka kërkuar deputetëve unitet në seancat plenare gjatë votimit të nismave të qeverisë. Sipas gazetës ‘Sot”, rrudhja e Partisë Socialiste në Parlament dhe mundësia e ndryshimit të balancave për shkak të krisjeve në koalicion ka qenë dje objekt diskutimesh në mbledhjen e grupit parlamentar. Ruçi ka paralajmëruar deputetët për të papriturat e situatave të vështira, ky paralajmërim jo në mbledhjen zyrtare të grupit, në praninë e mediave, por pas takimeve me deputetë të veçantë.  

Ajo që qeveria shqiptare e quan marrëveshje të mirëkuptimit me CEZ nuk është gjë tjetër veçse një formë tjetër e korrupsionit që kryeministri Rama thotë se po e lufton për të shembur fenomenenin e ngritur në sistem. Por tani që lufta politike mes palëve po i nxjerr të gjitha sheshit, dalin dhe arsyet e vërteta pse u tërhoq shteti shqiptar nga arbitrazhi me CEZ,  duke i falur kompanisë çeke plot 600 milionë euro fatura të papaguara ndaj KESH dhe OST. Kjo sipas pretendimeve të opozitës.